1 Makronika 11:19 - Bhiblia Yo Sawuleka

¹⁹ Se a txi khene: Txizimu txangu u nga tumele ti to ni maha to nga tiya! Ina ani ni nga sela mnoha wa vavamna vava ni wutomi wawe kani? Nguko va ni tisete mati awa ngu kuningela wutomi wawe. Se ene kha tumela ku ma sela. Atiya ngu ti ti nga mahwa ngu tindena tile tatiraru.

1 Makronika 11:19 Referans Kwoze

Masalmo 72:14

A nava hulukisa wukhumbini ni kuxaniswani, nguko wutomi wawe wu ni lisima kwakwe.

2 Samuwele 23:17

Se a txi khene: Ni xayise awe Mkoma, ti to ni si ti mahi to nga tiya; Ina ani ni di na sela mnoha wa vathu va nga xavisa wutomi wawe kani? Ngu kumaha keto, kha ti lava ku masela. Nguto ti nga mahisa tona tindena tile tatiraru.

1 Vakorinto 15:30

Hambi athu nje, ti hi vhuna txani kutsana hi txi ti ningetela mu tiphangoni, yotshe mbimo kani?

Varoma 16:4

ava va nga ti ha phangoni ka kufa ngu kulava kuponisa wutomi wangu; hi nga ani nokha ni va bongako, aniko ni mabanza otshe a vamatiko.

Johani 6:55

Nguko mmidi wangu nzakudya sa ditshuri, ani mnoha wangu nzakusela sa ditshuri.

Marku 14:24

Ene kambe a va gete a txi khene: “Asiya mnoha wangu, mnoha wa txitumelelano, awu wu theketelwako vavangi.

Jobe 31:31

ni kungako vathu va ditendani kwangu va sa kha vona: A! I mani a nga mbi khura ngu nyama yakwe!

1 Vafumeli 21:3

Sekoko Nabhote a to khene ka Akabe: Mkoma a na ni xayise ni si ku ningi thomba ya vatate vangu.

1 Samuwele 19:5

Nguko a ningetile wutomi wakwe e daya Vafilista, ni Mkoma a txhatxhisile votshe va ka Israyeli; awe upune wu ti woni u tsaka; ngu kutxani koko, u lava kuonha ngu kuwukela mnoha wa kwa mbi na mnandu, ngu kudaya Dhavhidha asi na txigelo kani?

Valamuli 9:17

(nguko tate wangu a mi lwete, a txi ningela wutomi wakwe kasi ku mi hulukisa manzani ka Vamidhiyani;

Valamuli 5:18

Zebhuloni ditiko da vathu vale va si thaviko lifo, kufana ni Naftali, txitimwi ka mimango ya txiwulani.

Levhi 17:10

Se ni wuhi m'thu wa lixaka la ka Israyeli, mwendo wa mluveli wu a nga aka hagari kwawe, a txi dya mnoha wa ni lihi lixaka, ani ni na mpeka, ni mtutumisa hagari ka vathu va ka kwawe.

Genesisi 9:4

Aniko mi nga dyeni nyama ni mnoha wa yona, nguko mnoha mbutomi.

1 Makronika 11:18

Sekoko vale va vararu, va to dhawula ngu hagari ka wugovelo wa Vafilista, veya reka mati a txisima txa Bhetlehema, txile txi nga ti hafuhi ni txike; ve ta ninga Dhavhidha, aniko Dhavhidha kha ma lava kusela, kambe a to ma theketa masoni ka Mkoma.

1 Makronika 11:20

Se nene Abhixayi mwanawe wa Jowabhi, i ti mthangeli ka vale va vararu, wule a nga ndiwita mseve wakwe e daya 300 wa vavamna; se e mana nduma hagari ka vale va vararu.