1 Makronika 11:14 - Bhiblia Yo Sawuleka

¹⁴ Va to ya ema hagari ka thembwe yile, va txi lwa, ve daya Vafilista; se Mkoma a to va ninga kuxula ka hombe.

1 Makronika 11:14 Referans Kwoze

Masalmo 144:10

Awe u ningako vafumeli mtamo wa kuxula, u ponisako txithumi txako Dhavhidha, ka ditxhari di dayako

Mavingu 21:31

Dihantxhi di lulamiselwa ditshiku da yimbi, aniko kuxula kuta ngu ka Mkoma.

Masalmo 18:50

Txizimu txa ninga kuxula ka hombe ka mfumeli wa txona kambe txa komba lirando la hombe ka wule txi nga msawula, i ku Dhavhidha, ni lotshe liveleko lakwe kala kupinduka.

2 Vafumeli 5:1

Se Nahanani, mthangeli wa dibutho da mfumeli wa Siriya, i ti ti m'thu wa hombe masoni ka nyamne wakwe, ni kuthaviseka ngutu; nguko Mkoma a mthumisile kutxhatxhisa Vasiriya; ene i ti ti wamwamna wa lisima, hambiko a nga ti ti ni xokonho.

2 Samuwele 23:10

kambe Eleyazari a to khukha e daya Vafilista, kala kuza dianza dakwe di karala, di zumba di di namarete ka ditxhari; se ka ditshiku donedo, Mkoma a to ninga kuxula ka hombe; se vathu va to tshumela veya handa dwe.

1 Samuwele 19:5

Nguko a ningetile wutomi wakwe e daya Vafilista, ni Mkoma a txhatxhisile votshe va ka Israyeli; awe upune wu ti woni u tsaka; ngu kutxani koko, u lava kuonha ngu kuwukela mnoha wa kwa mbi na mnandu, ngu kudaya Dhavhidha asi na txigelo kani?

1 Samuwele 14:23

Ka ditshiku donedo Mkoma a to hulukisa Israyeli; se wugovelo wu to hoka Bheti-Avheni.

1 Makronika 11:13

Awuwa a ti kumweko ni Dhavhidha kona Pasi-Dhamini, mbimo yile Vafilista va nga ti patanile koneho va txi ya kulwani, se didhawa dimwani da thembwe di ti tate ngu sevhadha, aniko vathu va to thava masoni ka Vafilista.

1 Makronika 11:15

Se vararu amu ka magumi mararu a vathangeli, va to ngirimela diringwini ka Dhavhidha, phakoni ka Adhulami; se dibutho da Vafilista di ti govile mkovani ka Refayime.