1 Makronika 10:9 - Bhiblia Yo Sawuleka

⁹ Se va to va handa, ve teka msungo wakwe ni matxhari a kona, ve si rumela ka dotshe ditiko da Vafilista, kasi kuzivisa ka sithombe sawe ni ka vathu.

1 Makronika 10:9 Referans Kwoze

Matewu 14:11

Vona va to neha msungo wakwe mu ka mbiya, ve wu ningela ka wule wa txihoranana, se ene e wu heleketa ka mame wakwe.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

1 Makronika 10:4

Sekoko Sawule a to khene ka mrwali wa matxhari akwe: Thavisa ditxhari dako u ni thola ngu dona, kasi ku vanyamakhutu vava va si ti ve ta ni tseketsela. Kambe mrwali wa matxhari akwe kha tumela, nguko a ti ti thava ngutu; sekoko Sawule a to teka ditxhari e ti thola ngu dona.

2 Samuwele 1:20

Mi nga geleni va Gati, Mi nga nuweleni tiruwani ka Asikeloni, kasiku va si tsaki vanana vamahorana va Vafilista, va si ndakandaki vanana vamahorana va makhuto.

1 Makronika 10:8

Se ku to maheka taku, va di tile Vafilista ka ditshiku dimwani ku ta handa ka sirumbi sile, va to mana Sawule ni vanana vakwe va di fite, mimangoni ka Gilibhowa.

1 Makronika 10:10

Se va to ya veka matxhari awe nyumbani ka txizimu txawe, se msungo wakwe va to ya wu gogotela nyumbani ka Dhagoni.