1 Makronika 10:7 - Bhiblia Yo Sawuleka

⁷ Se ngako votshe vavamna va ka Israyeli, vale va nga ti mkovani, va tutumile, va di ti woni ti to ni ti to Sawule ni vanana vakwe va datwe, va to leka madhoropa awe ve tutuma: Sekoko Vafilista va to ta ve ta zumba ka ona.

1 Makronika 10:7 Referans Kwoze

1 Samuwele 31:7

Se ngako va di ti woni vavamna va ka Israyeli, vale va nga ti didhawani ka mkova ni ka didhawa da khenu Jordhani, taku vavamna va ka Israyeli va tutumile, ni ti to Sawule ni vanana vakwe va ti ti datwe, va to leka madhoropa ve tutuma; se Vafilista va to ta, ve ta zumba ka ona.

1 Samuwele 13:6

Va di ti woni koko vavamna va ka Israyeli to va xomuloni (nguko vathu va ti ti kamekile), vathu va to barama amu ka tiphako, ni amu ka mipa, ni hagari ka marigwi, ni amu ka sisima, ni maphalani,

Valamuli 6:2

Se Vamidhiyani va to xanisa ngutu vanana va ka Israyeli. Se vanana va ka Israyeli va to tutumela maphalani ka mimangoni ni mu tiphakoni ni mu mibhalani.

Dhewuteronome 28:43

Awule i ku mluveli a zumbako hagari kwanu, a na humelela ngutu txitimwi kwako, se awe u na wa ngutu hahatshi.

Dhewuteronome 28:33

Mihando ya thembweni kwako ni ya mithumo yako yotshe, yi na dyiwa ngu vathu vale u si va ziviko, kambe awe u na xaniswa u txi xuphwa otshe masiku.

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

Levhi 26:31

Madhoropa anu ni na ma maha marumbi, ni khundumusela makhalo anu o nyenyeza, na mbiswa ni txi tsakela mafura a miphaxo yanu, o bhumula.

1 Makronika 10:6

Ngu kumaha keto, Sawule a to fa ni vanana vakwe va vararu; ni votshe va nyumba yakwe va to fa kumweko nayo.

1 Makronika 10:8

Se ku to maheka taku, va di tile Vafilista ka ditshiku dimwani ku ta handa ka sirumbi sile, va to mana Sawule ni vanana vakwe va di fite, mimangoni ka Gilibhowa.