1 Makronika 10:4 - Bhiblia Yo Sawuleka

⁴ Sekoko Sawule a to khene ka mrwali wa matxhari akwe: Thavisa ditxhari dako u ni thola ngu dona, kasi ku vanyamakhutu vava va si ti ve ta ni tseketsela. Kambe mrwali wa matxhari akwe kha tumela, nguko a ti ti thava ngutu; sekoko Sawule a to teka ditxhari e ti thola ngu dona.

1 Makronika 10:4 Referans Kwoze

1 Samuwele 31:4

Sekoko Sawule a to khene ka mrwali wa matxhari akwe: Thavisa ditxhari dako u ni thola ngu dona, kasiku vanyamakhutu vava va si ti ve ta ni daya ni ku ni tseketsela. Kambe mrwali wa matxhari akwe kha tumela, nguko a ti ti thava ngutu; sekoko Sawule a to teka ditxhari e ti thola ngu dona.

Mithumo 16:27

Muwoneleti wa mkora a to wuka ngu wukoheni, se ngako a txi wona matimba a mkora ma di tulelekile, a to swomola ditxhari dakwe, e lava ku ti daya, ngu kupimisa ti to sotshe sibotxhwa si thavile.

Mithumo 1:18

(Se Judha a xavile thembwe ngu male ya wubihi wakwe; a wite ngu mrumbu, a txi bhandeka ngu hagari, ma nje kuhuma masembe akwe otshe.

1 Makronika 10:5

A di ti woni koko, mrwali wa matxhari akwe taku Sawule a fite, nene a to teka ditxhari dakwe e ti daya efa.

1 Vafumeli 16:18

Se ku to maheka ati to Ziniri a txi wona to didhoropa da tekwa, a to tsula nyumbani ka wukoma, eya hisa apune nyumba ya wukoma, se a txi fa,

2 Samuwele 17:23

Se Ayitofeli a di woni koko, taku txikungo txakwe kha txa londetwa, a to sungelela mbongola yakwe, e khukha e tsula m'tini kwakwe, ka didhoropa dakwe, eya lulamisela nyumbani kwakwe e ti sunga: se efa, e tshotshwa ka dithitha da tate vakwe.

2 Samuwele 1:20

Mi nga geleni va Gati, Mi nga nuweleni tiruwani ka Asikeloni, kasiku va si tsaki vanana vamahorana va Vafilista, va si ndakandaki vanana vamahorana va makhuto.

1 Samuwele 17:36

Se txithumi txako txi ti dayiseto ngonyamo mwendo ursu; ni na mahisa toneto ka Mufilista wuwa wa kwa mbi yiswa wukwerani kufana ni tximwetxo txa sihari, ngu kule a nga ruketela mabutho a tiyimbi a Txizimu txi txi hanyako.

1 Samuwele 17:26

Sekoko Dhavhidha a to womba ka vavamna vale a nga ti ti navo, a txi khene: Mi na mmahela txani wamwamna wule a no daya Mufilista wuwa, e thavisa txiruko txitimwi ka Israyeli kani? Kasi i mani Mufilista wuwa, wa kwa mba yiswa wukwerani, wo a nga ruketela mabutho a yimbi a Txizimu txo hanya kani?

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

Valamuli 16:21

Sekoko Vafilista va to mñola, va txi mxokolela maso, ve tsula nayo Gaza, se va to msunga ngu titxhini timbidi ta msuku, ni kuthuma ngu txigayo mkorani.

Valamuli 15:18

Se ngako a nga ti tipfa ditora da hombe, a to dila ka Mkoma a txi khene: “Ngu dianza da txithumi txako, awe u ningile kuhanyisa; konkuwa koko, ani ni na fa ngu ditora, ni na wa manzani ka vona va va kwa mbi ya wukwerani kani?”

Valamuli 9:54

Sekoko, kunukunuko a dhana dijaha dile di nga ti ti ñola matxhari akwe, a txi di gela tiya: Teka ditxhari dako u ni hetisa ngu dona, kasi ku ku si wombwi tito: A datwe ngu wamsikati. Se dijaha dile dakwe, di to swomola ditxhari, di txi m'hetisa ngu dona, a txi fa.

2 Samuwele 1:6

Sekoko mfana wule a nga ti ti mtisela mahungu a to khene: Ni to thuka ni ya humelela mmangoni ka Gilibhowa, se ni wona Sawule a di khigete aha ka mseve wakwe, se sikotxikani ni vathangeli va yimbi va nga ti gadhile mahantxhi va ti hafuhi kwakwe.

1 Makronika 10:3

Se kulwa ko wukela Sawule ku to ya masoni, vafuli va to mmana, se ene a to thava ngutu masoni ka vafuli.