1 Makronika 10:14 - Bhiblia Yo Sawuleka

¹⁴ aniko kha lava Mkoma, ngu toneto, Mkoma a to m'daya, e teka mfumo wakwe e ningela ka Dhavhidha, mwana Jese.

1 Makronika 10:14 Referans Kwoze

1 Samuwele 15:28

Sekoko Samuwele a to m'gela ku khene: Nyamsi Mkoma a vharute mfumo wa ka Israyeli manzani kwako, se wu ningela ka mwakelani wako, wa tshuko kupinda awe.

1 Samuwele 13:14

Kambe konkuwa mfumo wako kha wu na mbi ya masoni; Mkoma a ti lavete m'thu mmwani awu a tsakisako mbilu yakwe. Mkoma a m'vekile ku va mthangeli txitimwi ka vathu vakwe, nguko khwa xayisa a ti Mkoma a nga kuleleta.

1 Makronika 12:23

Awuwa mtengo wa vathangeli vale va nga ti xomile matxhari, vale va nga ya ka Dhavhidha kona Hebroni, kuya mninga mfumo wa Sawule, madingano ni dipswi da Mkoma.

1 Samuwele 28:17

Nguko Mkoma a mahile kwako madingano ni tile a nga kugela ngu txisofu txangu, ni ku Mkoma a vharute mfumo manzani kwako, se a wu ningete ka mungana wako Dhavhidha.

1 Samuwele 28:6

Se Sawule a to wotisa ka Mkoma, kambe Mkoma kha mxamula, hambi ngu miloro, mwendo ngu tixolo, hambi ngu vaprofeti.

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

Isaya 10:15

Ina ditxhapu di nga ti dhumisa ka wule a gangako ngu dona kani? Ni disaho di nga ti kulisa ka wule a sahako ngu dona kani? Ku txi nga mtxheketelo wu nga zinginisa avale va wu guletako, mwendo ndonga yi nga guleta wule i singako phande!

Isaya 10:7

hambiko ene a singako ni mhaka nito, hambi mbiluni kwakwe, kha alakanyeli eto; Aniko mbilu yakwe yi navela kuhoxota, ni kulovisa matiko o tala.

Mavingu 17:13

Se ka wule a dihelako wunene ngu wubihi, wubihiwo kha wu na mbi va kule ni nyumba yakwe.

2 Samuwele 5:3

Ngu kumaha keto, otshe madhota a ka Israyeli ma to ta ka mfumeli, kona Hebroni; se mfumeli Dhavhidha a to maha navo txitumelelano kona Hebroni, masoni ka Mkoma; va to tota Dhavhidha kuva mfumeli txitimwi ka Israyeli.

1 Makronika 17:13

Ani ni na va tate wakwe, se ene a na va mwanana wangu; kha ni na mbi thavisa lirando langu txitimwi kwakwe, kufana ni lile ni nga li thavisa ka wule a nga maneka u sanzi ku va ho awe.

Joxuwa 9:14

Sekoko va ka Israyeli va to teka timbuva ta va ka Gibheyoni, aniko kha va kombela wusungukati ka Mkoma.

1 Makronika 2:12

se Bhowazi a to veleka Obhedhi, se Obhedhi a to veleka Jese;

2 Makronika 16:12

Ngu dilembe da magumi mararu ni mtxhanu ni mune da kufuma kwakwe Asa, a to khatwa ngu malwati a minenge, yi di ni silonda so thisa ngutu, hambi keto kha lava Mkoma, kambe a to lava tiñanga.