1 Makronika 10:12 - Bhiblia Yo Sawuleka

¹² votshe vavamna va mtamo va to khukha, ve teka txirumbi txa Sawule ni sa vanana vakwe, ve tsula naso Jabhesi; kambe va to teka marambu a kona ve ma kelela hahatshi ka mkusu, kona Jebhesi, ve ti tona sakudya, mtxhanu wa masiku ni mambidi.

1 Makronika 10:12 Referans Kwoze

2 Samuwele 3:35

Sekoko vathu votshe va to ya khongotela Dhavhidha ku a txi dya sakudya, i di ngadi mitshikari, kambe Dhavhidha a to xambanya, a txi khene: Txizimu txi na mahe ni kuengeta kwangu, ngako ni txo thuka ni dya sakudya kumbe tximwani txokari, na ditambo di sanzi kuswa.

Genesisi 50:10

Ngako va di hokile koko wuhuleloni ka Goreni-Atadhe, ngu didhawa da wutxani ka mnambo wa Jordhani, koneyo va to maha tifanelo ta madila a hombe, Josefa a salukile tate wakwe, a txi heta mtxhanu wa masiku ni mambidi.

Genesisi 35:8

Se Dhebhora, txithumi txa Rebheka, a to fa, e tshotshwa hafuhi ni Bheteli, hahatshi ka mkusu, awu se wu nga dhanwa ku Mkusu wa Masaluko.

Johani 11:19

Vajudha vavangi va tile ka Marta ni Mariya, kasi kuya va thavelela, ngu mhaka ya kufa ka ndiyawe.

Genesisi 12:6

Abramu a to tshawunyeta ditiko kala a txi ya hoka ka mkusu wa More, wu nga ti ka wukhalo wa Sikemi; sekoko Vakanana va ti akile ka dona ditiko diya.

1 Samuwele 31:12

votshe vavamna va mtamo va to khukha, ve tsimbila wusiku wotshe, veya thavisa txirumbi txa Sawule ni sirumbi sa vanana vakwe digumani ka Bheti-Seyani, ve tsula naso Jebhesi veya si hisa kona.

1 Makronika 10:11

Va di ti pfite koko, votshe va didhoropa da Jabhesi-Gileyadhi, totshe tile Vafilista va nga maha ka Sawule,

1 Samuwele 11:1

Sekoko Nahasi Muamoni a to kwelela, eya randela didhoropa da Jabhesi-Giliyadhi, se vathu votshe va Jabhesi va to gela Nahasi, va txi kha vona: “Maha txitumelelano ni nathu, aniko athu hi na kuthumela.”

1 Samuwele 11:9

Sekoko va to kha vona ka mitumi yile yi nga ta: Gelani vathu va Jebhesi-Gileyadhi, mi txi khanu: Mangwana ni mitshikari, ku nata kutxhatxhiswa kwanu. Yi to ta koko mitumi, yi ta zivisa ka vathu Jebhesi, aniko vona va to tsaka.