1 Makronika 10:1 - Bhiblia Yo Sawuleka

¹ Se Vafilista va to lwa ni va ka Israyeli; se vavamna va ka Israyeli va to tutuma masoni ka Vafilista, kudawa votala mimangoni ka Gilibhowa.

1 Makronika 10:1 Referans Kwoze

1 Makronika 10:8

Se ku to maheka taku, va di tile Vafilista ka ditshiku dimwani ku ta handa ka sirumbi sile, va to mana Sawule ni vanana vakwe va di fite, mimangoni ka Gilibhowa.

2 Samuwele 21:12

Sekoko Dhavhidha a to tsula eya teka marambu a Sawule, ni marambu a Jonatani, mwanakwe, ka va zumbi va Jabhesi-Gileyadhi, ale va nga ti ti ma pite ka nzila ya Bheti-Seyani, ani Vafilista va nga ti ti mahayekile kona, mbimo yile Vafilista va nga daya Sawule kona Gilibhowa.

2 Samuwele 1:21

Anu mimango ya Gilibhowa, ku nga thuke kuwa mwando, hambi nzuma yi nga ne txitimwi kwanu, hambi txitimwi kwanu, tithembwe ta miningelo yo diwitelwa, nguko nguho ku nga txhipiswa ngutu sitxhavangu sa tindena, txitxhavangu txa Sawule, ku nga kha txi zivi kutotwa mafura.

2 Samuwele 1:6

Sekoko mfana wule a nga ti ti mtisela mahungu a to khene: Ni to thuka ni ya humelela mmangoni ka Gilibhowa, se ni wona Sawule a di khigete aha ka mseve wakwe, se sikotxikani ni vathangeli va yimbi va nga ti gadhile mahantxhi va ti hafuhi kwakwe.

1 Samuwele 28:4

Se Vafilista va to sengeletana, veta, ve ta gova Sunemi; se Sawule a to sengeleta votshe va ka Israyeli veya gova Gilibhowa.

1 Samuwele 28:1

Ku to maheka ka masiku aale taku, mbimo yi Vafilista va nga sengeleta mabutho a yimbi kasi kuya yimbini, ku yalwa ni va ka Israyeli, Akisi a to khene ka Dhavhidha: Tizive ngu ditshuri taku u na huma ni nani hi tsula wugoveloni, awe ni vathu vako.

1 Makronika 9:44

Se Azeli a to veleka mtxhanu wa vanana ni mmweyo, matina awe ngu awa: Azirikamu, ni Bhokiru, ni Ismayeli, ni Seyariya, ni Obhadhiya, ni Hanani; avava mbanana va Azeli.