1 Makronika 1:17 - Bhiblia Yo Sawuleka

¹⁷ Se vanana va Semi ngu vava: Elame, ni Asuri, ni Arifaxadhe, ni Ludhe, ni Arame, ni Uzi, ni Huli, ni Jeteri ni Meseki.

1 Makronika 1:17 Referans Kwoze

Hoseya 14:3

Asiriya kha na mbi hi hulukisa, kha hi na mbi tsula hi di gadhile mahantxhi, ka mithumo ya manza athu, kha hi na mbi womba kambe ku khathu: Awe u Txizimu txathu; nguko ngu ngawe, awule wo felwa ngu vaveleki, a na mahelwa wumbilu.

Ezekhiyele 32:24

Koneyo waho Elame ni dotshe dibutho dakwe, di nga randela diyiva dakwe; votshe va to dayelwa, va txi wiswa ngu ditxhari; va relete hahatshi ngutu ka mafu; va wusile kuthava ha mafuni ka vo hanya, ve rwala tingana tawe kumweko ni vale va nga relela diphalani.

Ezekhiyele 32:22

Koneyo waho Asuri ni dibutho dakwe; madhawani kwakwe ku ni mathitha awe; votshe vale va to dawa ngu ditxhari va txi wa.

Ezekhiyele 27:23

Harani, ni Kane, ni Edheni, i ku vanyamabhindu va Sabha, Asuri ni Kilimadhe, va ti ti xaviselana ni nawe.

Ezekhiyele 27:10

Vapersa ni Validhiyo, ni va Pute, i ti ti masotxhwa ako; sitxhangu ni sigoko va hayekile kwako, va ku tshurisete ngu sona.

Jeremiya 25:25

Zimiri, ni votshe vafumeli va Elame, ni votshe vafumeli va Medhiya;

Isaya 66:19

Se ni na veka txikombiso hagari kwawe, ni vale va no huluka ni na va rumela ka matiko, i ku Tarxixi, ni Puli, ni Ludhe, i ku vafuli, ni Tubhali, ni Javhani, kala ka sitondolo sa kule ngutu, si nga mbi pfa nduma yangu, kambe kha sa wona wudhumo wangu; se si na pfalisa wudhumo wangu hagari ka matiko.

Isaya 22:6

Nguko Elamu a tekile wulaho, ni sikotxikani sa vavamna ni vagadhi va mahantxhi; se Kiri a humisa sitxhavangu.

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Masalmo 83:8

hambi ni Vasiriya va patanile navo ve tshanganisa mtamo wawe ni wa va ka Loti.

Ezra 4:2

va tile ka Zorobhabheli ni ka vathangeli vavatate ve ta kha vona: Hi lekeni hi aka ni nanu, nguko, ku nga anu, hi na xota kumweko Txizimu txanu; nga kule nathu hi txi phaxelako kukhukhela ka masiku a Esari-Edhomi, mfumeli wa Asuri, i ku ene a nga hi ruma kuta hawa.

Mitengo 23:7

Sekoko Bhalahamu a to thula ndando e embelela, a txi khene: “Bhalake a ni dhani na ni di Arani, mfumeli wa Mowabhi, ngu mimangoni ka wutxani, a txi khene: Hi nga ruketela Jakobe! Ngono u ta henyela Israyeli.”

Genesisi 14:1

Ka mbimo ya Amurafeli, mfumeli wa Sinari, ni Ariyoki, mfumeli wa Elasari, ni Kedhorolawomeri, mfumeli wa Elame, ni Tidhali, mfumeli wa Goyimi,

Genesisi 11:10

Ngu tiya tiveleko ta Seme: Mbimo yi Semi a ngadi ni tanga ya dizana; da malembe, a to veleka Arifaxadhe, ma di pindile malembe mambidi msana ka ndambi.

Dhaniyeli 8:2

Se ni to wona ka txiwoniso, (ni wona ku txi manheka, ti to ani ni ti didhoropani ka Xuxani, ditikoni ka Elame), ni to wona koko ka txiwoniso, ti to ni ti hafuhi ni mnambo wa Ulayi.

Luka 3:36

mwana Kayinana, mwana Arifaxadhe, mwana Semi, mwana Nowa, mwana Lameki,

1 Makronika 1:16

ni Vaarivhadhi, ni Vazemari, ni Vahamate.

1 Makronika 1:18

Se Arifaxadhe a to veleka Sela; se Sela a to veleka Hebheri.

Genesisi 10:21

Se ngu ka Semi, ku to velekwa vanana, ngene tate wa votshe Vahebheru, kambe ene mkomwa Jafete.