UThithu 3:5 - iBhayibhili Elingcwele 1978

⁵ wasisilisa, kungesikho ngezenzo zokulunga esazenzayo thina kodwa ngokwesihawu sakhe, ngokugeziswa kokuzalwa kutsha lokuvuselelwa ngoMoya oNgcwele.

IBhayibhili Elingcwele LesiNdebele

⁵ wasisindisa, hatshi ngenxa yezinto ezilungileyo esasizenzile kodwa ngenxa yesihawu sakhe. Wasisindisa ngokugeziswa kokuzalwa kutsha kanye lokuvuselelwa nguMoya oNgcwele

UThithu 3:5 Referans Kwoze

2 uTimothi 1:9

Yena wasisilisa ngokubiza okungcwele, kungesikho ngokwemisebenzi yethu kodwa ngokwecebo lakhe langomusa asinika wona kuKristu Jesu ekudatshulweni kwesikhathi,

1 AbaseKhorinte 6:11

Babenjalo abanye benu; kodwa selageziswa, lahlukaniselwa kuNkulunkulu, lalungisiswa ngebizo leNkosi uJesu Kristu langoMoya kaNkulunkulu wethu.

1 UPhethro 3:21

Lawomanzi angumfanekiso wobhaphathizo elisiliswa ngalo lina khathesi. Ukubhaphathizwa kakusikho ukugezisa ingcekeza yomzimba, kodwa kuyikucela kuNkulunkulu isazela esihle ngokuvuka kukaJesu Kristu,

1 UPhethro 1:3

Kabongwe uNkulunkulu uYise weNkosi yethu uJesu Kristu, owasizala kutsha ngesihawu sakhe esikhulu ukuba sibe lethemba eliphilileyo ngokuvuka kukaJesu Kristu kwabafileyo,

AbaseRoma 12:2

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

Abase-Efesu 2:4

Kodwa uNkulunkulu onothileyo ngesihawu, ngenxa yothando lwakhe olukhulu asithanda ngalo,

Abase-Efesu 5:26

ukuze azahlukanisele lona, eselihlambulule ngokuligezisa ngamanzi langelizwi,

AmaHubo 51:10

Nkulunkulu, dala kimi inhliziyo ehlambulukileyo, ufake kimi umoya omutsha loqotho.

AbaseRoma 11:6

Kodwa uba kungomusa, kakusayi ngemisebenzi; uba kungenjalo, umusa kawuseyiwo umusa.

AmaHebheru 4:16

Ngakhoke asisondele ngesibindi esihlalweni somusa ukuba samukeliswe isihawu, sizuze umusa wokusisiza ngesikhathi esifaneleyo.

AbaseKholose 3:10

selambethe omutsha owenziwa kutsha ekwazini ukuze afuze lowo owamenzayo.

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AbaseGalathiya 2:16

Kodwa siyazi ukuthi umuntu kalungisiswa ngemisebenzi yomlayo, kuphela ngokukholwa kuKristu Jesu; lathi sakholwa kuKristu ukuba silungisiswe ngokukholwa kuKristu kungesikho ngemisebenzi yomlayo; ngoba ngemisebenzi yomlayo kakuyikulungisiswa muntu.

AbaseRoma 3:20

Ngoba ngemisebenzi yomlayo kakho ozakulungisiswa phambi kwakhe, lokhu ngomlayo kuvela ukwazi isono kuphela.

1 UPhethro 2:10

Lalikade lingesibo abantu, kodwa khathesi selingabantu bakaNkulunkulu; lalingahawukelwanga, kodwa khathesi selihawukelwe.

Abase-Efesu 4:23

lenziwe libe batsha emoyeni wengqondo zenu.

AbaseRoma 3:28

Ngoba sithi umuntu ulungisiswa ngokukholwa ngaphandle kwemisebenzi yomlayo.

AbaseRoma 9:11

lanxa bengakazalwa, bengakenzi okuhle loba okubi, ukuze icebo likaNkulunkulu elokukhetha kwakhe lime, kungabi ngemisebenzi kodwa kube ngokubiza kwakhe,

ULukha 1:78

ngoba ngobubele bukaNkulunkulu wethu sizakuhanjelwa yikusa kwaphezulu,

ULukha 1:54

Uyisizile inceku yakhe uIsrayeli, ekhumbula isihawu sakhe,

ULukha 1:50

Isihawu sakhe sikuzo zonke izizukulwana zalabo abamesabayo.

UMikha 7:18

Ngubani uNkulunkulu onjengawe, othethelela isono sabantu bakhe abaseleyo ayekele isiphambeko sabo na? Kathukutheli kokuphela, ngoba uthokoza ngothando olungapheliyo.

AmaHubo 143:2

Ungayahluleli inceku yakho, ngoba phambi kwakho kakho loyedwa olungileyo.

AmaHubo 130:7

Wena, Israyeli, themba eNkosini; ngoba iNkosi ilothando olungapheliyo ilamandla okukhulula.

UJobe 25:4

Phoke umuntu angalunga njani kuNkulunkulu? Ozelwe ngowesifazana angahlambuluka njani na?

UThithu 3:4

Kodwa lapho sekufikile ukulunga lesihawu sikaNkulunkulu uMsilisi wethu

AbaseRoma 9:30

Pho, sizakuthini? Sizakuthi abezizwe abangakudingisisanga ukulunga bakuzuzile, ukulunga okungokukholwa;

AbaseRoma 9:16

Ngakho kakuyi ngentando ingabe ngomzamo womuntu, kodwa kuya ngokuhawukela kukaNkulunkulu.

AbaseRoma 4:5

Kodwa nxa engasebenzi, kodwa ethemba kuye olungisisa abeyisa uNkulunkulu, ukukholwa kwakhe kubalelwa ukuba kuyikulunga.

ULukha 1:72

ukubenzela isihawu okhokho lokukhumbula isivumelwano sayo esingcwele.

U-Isaya 57:12

Uthi okwenzayo kulungile, ngizadalula izenzo zakho, ukwenza kwakho kakuyikukusiza.

AmaHebheru 6:6

kodwa emva kwalokho babuya bahlamuka, kakulakwenzeka ukuba babuye bavuswe baphenduke, lokhu besazibethelela iNdodana kaNkulunkulu beyithela ngehlazo obala.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

AmaHubo 62:12

lothando olungapheliyo lungolwakho, Nkosi; ngoba wena uyamphindisela umuntu njengokwenza kwakhe.

UJobe 15:14

Umuntu uyini ukuba abe ngohlambulukileyo na? Lozelwe ngowesifazana ukuba abe ngolungileyo na?

UJobe 9:20

Loba ngingelacala, umlomo wami uzangilahla; uba ngiqondile, uzakuthi ngonakele.

UDutheronomi 9:5

Kakusikho ngenxa yokulunga kwakho lobuqotho benhliziyo yakho ukuthi ungene elizweni lazo ukulithumba; kodwa kungenxa yobubi balezizizwe iNkosi uNkulunkulu wakho ezixotsha phambi kwakho, futhi lokuba iqinise ilizwi eyalifunga kubokhokho bakho oAbrahama loIsaka loJakobe.

UHezekhiyeli 36:25

Ngizalifafaza ngamanzi ahlambulukileyo, lihlambuluke kukho konke ukungcola kwenu, ngilihlambulule lakuzo zonke izithombe zenu.

UMatewu 3:11

Mina ngilibhaphathiza ngamanzi, kube yikuphenduka; kodwa yena oza emva kwami ulamandla kulami engingafanele ukuphatha amanyathelo akhe; yena uzakulibhaphathiza ngoMoya oNgcwele langomlilo.

AbaseRoma 11:14

ukuba mhlawumbe ngibavusele umona abakithi, ngisilise abanye babo.

AmaHebheru 10:22

ngakhoke asisondele ngenhliziyo eqinisileyo langokuthemba okupheleleyo kokukholwa, zifafaziwe inhliziyo zethu, lungasekho uvalo lokubi, lemizimba yethu igezisiwe ngamanzi acwebileyo.