UThithu 3:3 - iBhayibhili Elingcwele 1978

³ Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.

IBhayibhili Elingcwele LesiNdebele

³ Ngesinye isikhathi lathi sake saba yiziwula, singalaleli, sikhohliswa njalo sithunjwe zinhlobo zonke zenkanuko kanye lenjabulo. Saphila phakathi kwenzondo lomhawu, sizondwa njalo sizondana.

UThithu 3:3 Referans Kwoze

AbaseKholose 1:21

Lani lalikade liphambene laye, liyizitha zakhe ngenhliziyo langemisebenzi emibi.

AbaseRoma 6:17

Kodwa kabongwe uNkulunkulu ngokuthi lina elake laba yizigqili zesono, selilalela ngenhliziyo indlela yesifundiso elanikelwa kuyo,

AbaseKholose 3:7

Lalihamba kuzo lani lapho lalisahlezi kuzo.

AbaseRoma 6:22

Kodwa khathesi, njengoba selikhululiwe esonweni laba ngabakhonzayo uNkulunkulu, lizuza umvuzo oletha ubungcwele, lasekucineni ukuphila okungapheliyo.

1 UPhethro 1:14

Njengabantwana abalalelayo lingahambi ngokwenkanuko zenu zakuqala zokungazi kwenu,

Izaga 9:6

yekelani ubuthutha liphile, lihambe ngendlela yokuqedisisa.

2 AbaseKhorinte 12:20

Ngilovalo lokuthi ekufikeni kwami mhlawumbe ngizakulifumana lingenjengalokho engikuthandayo, lami lingifumane ngingenjengalokho elikuthandayo. Ngilovalo lokuthi mhlawumbe kungaba khona ukuxabana, lomona, lokuthukuthela, lombango, lokuhleba, lokunyeya, lokuzazisa, leziphithiphithi.

UJohane 8:34

UJesu wabaphendula wathi: Ngiqinisile, ngiqinisile ngithi kini: Ilowo lalowo owenza isono uyisigqili sesono.

UMatewu 21:29

Yaphendula yathi: Angithandi. Kodwa emva kwalokho yaphenduka, yahamba.

AmaHubo 36:2

Ngoba uyazikhohlisa emehlweni akhe, uthi isono sakhe kasizukufunyanwa sizondeke.

UJakhobe 1:26

Uba umuntu esithi uyakholwa, engalunqandi ulimi lwakhe kodwa akhohlise inhliziyo yakhe, ukukholwa kwalowomuntu kuyize.

AbaseGalathiya 6:3

Ngoba uba umuntu ezitshaya ulutho, yena engasilutho, uyazikhohlisa.

ULukha 21:8

Wathi: Qaphelani ukuba lingaduhiswa, ngoba abanengi bazakuza ebizweni lami besithi: Nginguye; bathi futhi: Isikhathi sesisondele. Lingabalandeli.

Isambulo 18:2

Samemeza ngelizwi elikhulu sisithi: Liwile, liwile iBabiloni elikhulu! Seliyindawo yokuhlala omoya ababi, indawo yokuhlala omoya bonke abangcolileyo lezinyoni zonke ezingcolileyo lezizondekayo;

Isambulo 13:14

Sabaduhisa abakhileyo emhlabeni ngezibonakaliso esazinikwayo ukuba sizenze phambi kwesilo, sisithi kwabakhileyo emhlabeni kabasenzele umfanekiso isilo, ebesilenxeba lomkhonto kodwa sasila.

Isambulo 12:9

Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.

U-Isaya 44:20

Kufana nje lokudla umlotha; ingqondo yobuthutha iyamkhohlisa; kaboni ukuthi lokhu akuphethe ngesandla kakusunkulunkulu.

uObadiya 1:3

Ukuziqhenya kwenhliziyo yakho kukukhohlisile, wena ohlala ezimbalwini zamawa, olendawo ephakemeyo yokuhlala, othi enhliziyweni yakho: Ngubani ozangehlisela phansi na?

Izaga 8:5

Lina elingelalwazi, fundani ukuhlakanipha; lani zithutha, lifunde ukuqedisisa.

AbaseRoma 6:6

Siyazi ukuthi umuntu wethu omdala wabethelwa kanye laye ukuba umzimba wesono ubhujiswe, ukuze singabi yizigqili zesono,

AbaseRoma 6:12

Ngakhoke kasingabusi isono emizimbeni yenu efayo, lize lilalele izinkanuko zawo.

AbaseRoma 11:30

Njengalokhu lina kade lingamlaleli uNkulunkulu, kodwa selihawukelwe ngenxa yokungalaleli kwabo,

2 uTimothi 3:6

Phakathi kwabo bakhona abanyenyela ezindlini bathumbe abesifazana ababuthakathaka, abasindwa yizono bebuswa yizinkanuko eziyizinhlobonhlobo,

2 uTimothi 3:13

kodwa abantu ababi labakhohlisi bazakuqhubekela phambili ebubini, bekhohlisana.

UThithu 1:16

Bathi bayamazi uNkulunkulu, kodwa bemphika ngezenzo zabo; bangabenyanyekayo, labangalaleliyo, lasemisebenzini yonke emihle kabasizi lutho.

UThithu 2:12

usifundisa ukuba sidele ububi lenkanuko zomhlaba, sihambe ngokuqonda langokulunga langobuqotho kulumhlaba,

UGenesisi 38:9

UOnani wayesazi ukuthi inzalo kayiyikuba ngeyakhe. Kwathi lapho engena kumkafowabo, wachithela emhlabathini ukuba angamniki umfowabo inzalo.

UGenesisi 39:16

Yasiyigcina leyongubo yakhe yaze yafika inkosi yakhe.