UThithu 2:13 - iBhayibhili Elingcwele 1978

¹³ silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.

IBhayibhili Elingcwele LesiNdebele

¹³ lapho sisalindele ithemba elibusisiweyo lokubonakala ngenkazimulo kaNkulunkulu wethu omkhulu longuMsindisi uJesu Khristu

UThithu 2:13 Referans Kwoze

2 uTimothi 4:8

Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.

1 AbaseKhorinte 1:7

Ngakho kalisileli lasinye isiphiwo somusa, lisalindele ukwambulwa kweNkosi yethu uJesu Kristu,

UMatewu 16:27

Ngoba iNdodana yomuntu izakuza ngenkazimulo kaYise kanye lezithunywa; kung’khona izakuvuza ilowo lalowo njengokwenza kwakhe.

UThithu 1:2

ngilethemba lokuphila okungapheliyo, uNkulunkulu ongaqambi manga akuthembisa ekuqaleni kwesikhathi.

UMakho 14:62

UJesu wathi: Nginguye. Lizakubona iNdodana yomuntu ihlezi ngakwesokunene saMandla, isiza ngamayezi aphezulu.

AmaHebheru 9:28

ngokunjalo loKristu, esenikelwe kanye ukuba athwale izono zabanengi uzakubonakala ngokwesibili, engasaqondani lesono, kodwa ukuba asilise labo abamlindeleyo.

2 UPhethro 3:18

Kodwa khulani emuseni lasekwazini iNkosi yethu loMsilisi uJesu Kristu. Kakube kuye ubukhosi khathesi kuze kube lusuku olungapheliyo.

2 AbaseKhorinte 4:4

Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

AbaseRoma 15:13

Kungathi uNkulunkulu wethemba angaligcwalisa ngentokozo yonke langokuthula konke ekukholweni kwenu, ukuze ngamandla kaMoya oNgcwele likhule ethembeni.

AbaseRoma 5:5

Ithemba kalidanisi, ngoba uthando lukaNkulunkulu lutheliwe enhliziyweni zethu ngoMoya oNgcwele esimuphiweyo.

2 UPhethro 1:1

Mina Simoni Petro, inceku lomphostoli kaJesu Kristu, ngithi kubo abazuzileyo ukukholwa okufana lokwethu ngokulunga kukaNkulunkulu wethu loMsilisi uJesu Kristu:

1 UPhethro 1:7

ukuze ubuqotho bokukholwa kwenu, okuligugu okwedlula igolide eligugayo loba lihlolwe ngomlilo, bulethe ukubonga lobukhosi lodumo ekwambulweni kukaJesu Kristu.

1 UPhethro 1:3

Kabongwe uNkulunkulu uYise weNkosi yethu uJesu Kristu, owasizala kutsha ngesihawu sakhe esikhulu ukuba sibe lethemba eliphilileyo ngokuvuka kukaJesu Kristu kwabafileyo,

2 uTimothi 4:1

Ngiyakulaya phambi kukaNkulunkulu loKristu Jesu ozakuthonisisa abaphilayo labafileyo, langokubonakala kwakhe langombuso wakhe,

2 AbaseKhorinte 4:6

Ngoba uNkulunkulu owathi: Kakuvele ukukhanya emnyameni, kukhanye; wenzile ukuba lokhukukhanya kukhanye phakathi kwethu, kusinike ukukhanya kokwambulwa, ukwambulwa kwenkazimulo kaNkulunkulu kuJesu Kristu.

Imisebenzi 24:15

ngilethemba kuNkulunkulu abalivumayo labo uqobo lwabo elokuthi kuzakuba khona ukuvuka kwabafileyo, okwabalungileyo labangalunganga.

UMakho 8:38

Ngoba ilowo lalowo olenhloni ngami langamazwi ami kulesisizukulwana esifebayo lesonakeleyo, leNdodana yomuntu izakuba lenhloni ngaye, nxa isiza enkazimulweni kaYise kanye lezithunywa ezingcwele.

Isambulo 1:7

Khangelani, uyeza lamayezi; amehlo wonke azakumbona, labo bonke abamgwazayo; lezizwe zonke zomhlaba zizakulila ngenxa yakhe. Yebo, kuzakuba njalo. Ameni.

UThithu 3:4

Kodwa lapho sekufikile ukulunga lesihawu sikaNkulunkulu uMsilisi wethu

AbaseKholose 3:4

Lapho esebonakaliswa uKristu oyikuphila kwethu, lani lizakubonakaliswa kanye laye enkazimulweni.

AbaseKholose 1:23

uba lihlala ekukholweni, lisekelwe liqinile, lingasuki ethembeni levangeli elalizwayo. Lona latshunyayelwa kukho konke okudaliweyo okungaphansi kwezulu, engenziwe isikhonzi salo mina Pawuli.

U-Isaya 25:9

Kuzakuthiwa ngalolosuku: Khangela, lo nguNkulunkulu wethu ebesimlindele ukuba asikhulule. Le yiNkosi ebesiyilindele; asithabe, sithokoze ngokusikhulula kwayo.

1 UJohane 4:14

Sibonile, siyafakaza ukuthi uBaba uyithumele iNdodana yakhe ibe nguMsilisi womhlaba.

AbaseKholose 1:5

Lezizinto ezimbili zivela ethembeni elibekelwe lona ezulwini, elezwa ngalo ngaphambili ngelizwi leqiniso elilivangeli

UMatewu 26:64

UJesu wathi kuye: Kutsho wena. Kodwa ngithi kini: Kusukela khathesi lizakubona iNdodana yomuntu ihlezi ngakwesokunene saMandla, isiza ngamayezi aphezulu.

UMatewu 25:31

Nxa isifikile iNdodana yomuntu ngobukhosi bayo kanye lezithunywa zonke, kung’khona izakuhlala esihlalweni sayo sobukhosi;

2 AbaseThesalonika 2:16

Kakuthike iNkosi yethu uJesu Kristu uqobo, loNkulunkulu uBaba owasithandayo lowasinika ngomusa induduzo engapheliyo lethemba elihle,

2 AbaseThesalonika 2:8

Kung’khonake ezakwambulwa lowo oMubi, kodwa iNkosi uJesu izakumqeda ngomoya womlomo wayo, imbhubhise ngokubonakala kwayo ekufikeni kwayo.

AbaseKholose 1:27

Bona uNkulunkulu wathanda ukubazisa ukuthi ingakanani inotho lobukhosi baleyomfihlakalo phakathi kwabezizwe; leyomfihlakalo yilokhu ukuthi uKristu uphakathi kwenu, lilethemba lenkazimulo.

AbaseRoma 8:18

Ngithi inhlupheko zalesisikhathi kazilakulinganiswa lenkazimulo ezakwambulwa kithi.

1 uTimothi 1:1

Mina Pawuli, umphostoli kaKristu Jesu ngomlayo kaNkulunkulu uMsilisi wethu loKristu Jesu ithemba lethu,

2 uTimothi 1:2

ngithi kuTimothi, umntanami othandekayo: Kakube kuwe umusa lesihawu lokuthula okuvela kuNkulunkulu uBaba lakuKristu Jesu iNkosi yethu.

UThithu 1:4

Ngithi kuTitosi umntanami impela ngokukholwa esikuhlanganyele sonke: Kakube kuwe umusa lokuthula okuvela kuNkulunkulu uBaba lakuKristu Jesu uMsilisi wethu.

UJuda 1:21

lihlale othandweni lukaNkulunkulu, lilindele isihawu seNkosi yethu uJesu Kristu, ukuze libe lokuphila okungapheliyo.