UThithu 2:12 - iBhayibhili Elingcwele 1978

¹² usifundisa ukuba sidele ububi lenkanuko zomhlaba, sihambe ngokuqonda langokulunga langobuqotho kulumhlaba,

IBhayibhili Elingcwele LesiNdebele

¹² Uyasifundisa ukuthi “Hayi” ekweyiseni uNkulunkulu lasezinkanukweni zasemhlabeni njalo siphile ngokuzikhuza, ngokuqonda empilweni yokulalela uNkulunkulu ngesikhathi samanje,

UThithu 2:12 Referans Kwoze

UHezekhiyeli 36:27

Ngizafaka umoya wami phakathi kwenu, ngilenze ukuba lihambe ngezimiso zami, lokuba linanzelele ukugcina imithetho yami.

UMatewu 16:24

UJesu wasesithi kubafundi bakhe: Uba umuntu ethanda ukungilandela, kazidele, athathe isiphambano sakhe, angilandele.

AbaseRoma 6:19

Ngikhulumisa okwabantu ngenxa yobuthakathaka benu. Ngoba njengalokho lanikela izitho zenu ukuba zikhonze amanyala lobubi, kube khona ububi obukhulu, ngokunjaloke zinikeleni izitho zenu khathesi ukuba zikhonze ukulunga, kube khona ubungcwele.

AmaHubo 4:3

Kodwa yazini ukuthi iNkosi izahlukanisele olungileyo; iNkosi iyangizwa lapho ngikhala kuyo.

2 UPhethro 2:9

Ngakhoke iNkosi iyakwazi ukubophula ekulingweni labo abamkhonzayo uNkulunkulu, lokubagcina ababi ekutshayweni kuze kube lusuku lokuthonisiswa,

1 UJohane 2:6

lowo othi uhlala kuye, ufanele yena ahambe njengalokhu ahamba uKristu.

2 uTimothi 3:12

Yebo, bonke abathanda ukuhamba ngobuqotho kuKristu Jesu bazazingelwa;

Isambulo 14:12

Nanti ithuba lokubekezela kwabangcwele, labo abagcina imilayo kaNkulunkulu lokukholwa kuJesu.

ULukha 1:75

ngobungcwele langokulunga phambi kwayo zonke insuku zethu.

1 AbaseThesalonika 4:7

Ngoba uNkulunkulu kasibizelanga emanyaleni, kodwa wasibizela ebungcweleni.

UThithu 3:3

Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.

1 AbaseThesalonika 4:9

Mayelana lothando lobuzalwane kalidingi ukuba ngililobele, ngoba lina uqobo lifundisiwe nguNkulunkulu ukuba lithandane.

Abase-Efesu 2:2

elalikade lihamba kuzo ngendlela yalumhlaba, lilandela umbusi wamandla asemkhathini, ongumoya osasebenzayo lakhathesi phakathi kwabangalaleliyo.

AbaseRoma 12:2

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

AbaseRoma 6:12

Ngakhoke kasingabusi isono emizimbeni yenu efayo, lize lilalele izinkanuko zawo.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

1 UJohane 2:27

Kodwa linake, ukugcotshwa elakwamukela kuye kuhlala kini, kalisweli muntu ukuba alifundise. Lokugcoba kwakhe kuyalifundisa ngakho konke, futhi kuqinisile, kakuqambi manga; njengoba lifundile, hlalani kuye.

2 UPhethro 3:11

Njengoba konke kuzakuncibilika ngokunjalo, kumele ukuba linanzelele ukuthi lingabantu abanjani ekuhambeni kwenu okungcwele lasekukhonzeni uNkulunkulu,

AmaHebheru 8:11

Kabasayikufundisana kube yilowo lalowo lowakibo, loba ilowo lalowo lomfowabo, ngokuthi: Yazi iNkosi. Ngoba bonke bazakungazi, kusukela komncinyane wabo kuze kufike komkhulu.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.

1 uTimothi 4:12

Kungabi lamuntu odelela ubutsha bakho, kodwa woba yisibonelo kwabakholwayo ngokukhuluma, langokuhamba, langothando, langokukholwa, langokuhlambuluka.

AbaseKholose 1:22

Kodwa khathesi usebuyisene lani emzimbeni wayo ngokufa ukuba alimise phambi kwakhe lingcwele, lingelacala, lingasoleki,

AbaseGalathiya 5:24

AbakaKristu Jesu babethele umzimba kanye lokuhugeka lezinkanuko zawo.

AbaseGalathiya 1:4

owazinikela ngenxa yezono zethu, ukuba asophule kulesisikhathi esibi sakhathesi ngokwentando kaNkulunkulu uBaba;

2 AbaseKhorinte 7:1

Lokhu silalezizithembiso, bathandwayo, asizihlambulule kukho konke ukungcola komzimba lokomoya, siphelelise ubungcwele bethu sisesaba iNkosi.

2 AbaseKhorinte 1:12

Ukuzincoma kwethu yilokhu, okuyibufakazi besazela sethu, ukuthi sahamba emhlabeni ikakhulu maqondana lani ngobungcwele langobuqotho, kungesikho ngokuhlakanipha komhlaba kodwa ngomusa kaNkulunkulu.

AbaseRoma 8:13

Ngoba uba lihamba ngokwabantu, lizakufa; kodwa uba libulala imisebenzi yomzimba ngoMoya, lizakuphila.

Imisebenzi 24:25

Esakhuluma ngokulunga, langokuzibamba, langokulahlwa okuzayo, uFelike watshaywa luvalo, wathi: Ake uhambe okwakhathesi; nxa ngizuza ithuba ngizakukubiza.

Imisebenzi 24:16

Ngakho lami ngiyazama ukuba ngibe lesazela esingelacala phambi kukaNkulunkulu labantu.

1 UJohane 5:19

Siyazi ukuthi thina singabakaNkulunkulu, lokuthi umhlaba wonke usemandleni kaSathane.

Abase-Efesu 1:4

Wasikhetha ngoKristu ngaphambi kokudatshulwa komhlaba ukuba sibe ngcwele, singasoleki phambi kwakhe.

UJohane 14:30

Kangisayikukhuluma okunengi lani, ngoba umbusi walumhlaba uyeza. Yena kalamandla phezu kwami,

UJohane 6:25

Bathi sebemfumene ngaphetsheya kolwandle bathi kuye: Mfundisi, ufike nini lapha na?

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

AmaHubo 105:45

ukuba bagcine izimiso zayo, bahambe ngemilayo yayo. Dumisani iNkosi!

UJuda 1:18

bathi kini: Ngesikhathi sokucina kuzakuba khona abahleka ulunywa, behamba ngenkanuko zabo ezimbi.

2 uTimothi 4:10

ngoba uDema, ngokuthanda lumhlaba, ungihlamukile, waya eTesalonika, uKresena uye eGalathiya, uTitosi eDalmathiya;

UMatewu 12:32

Lowo okhuluma ilizwi elibi ngeNdodana yomuntu uzakuthethelelwa, kodwa lowo okhuluma ilizwi elibi ngoMoya oNgcwele kayikuthethelelwa kulesisikhathi lasesikhathini esizayo.

1 uTimothi 6:9

Abafuna ukunotha bangena ekulingweni, lasemijibileni, lasezinkanukweni ezinengi zobuphukuphuku ezilimazayo, eziwisela abantu ekufeni lasekubhujisweni.

UJakhobe 1:27

Ukukholwa okuhlambulukileyo okungangcolanga phambi kukaNkulunkulu uBaba yilokhu, ukuhambela izintandane labafelwakazi ekuhluphekeni kwabo, lokuzilondoloza kokungcolisayo emhlabeni.