UThithu 1:7 - iBhayibhili Elingcwele 1978

⁷ Ngoba umalusi webandla uyinceku kaNkulunkulu, kumele abe ngongasolekiyo longaziqakisiyo, longathukutheli masinyane, longesiso isidakwa, longathandi ukulwa, longafisi inzuzo.

IBhayibhili Elingcwele LesiNdebele

⁷ Njengoba umthungameli ephathiswe umsebenzi kaNkulunkulu, kumele angabi lasici, angazikhukhumezi, ongazondi masinyane, ongasisosidakwa, ongathandi ukulwa, ongadingi inzuzo ngobuqili.

UThithu 1:7 Referans Kwoze

2 UPhethro 2:10

ikakhulu bona abazithokozisa ngenkanuko ezingcolisayo, bedelela amandla eNkosi. Abalenkani abaziqakisayo kabesabi ukuhlambaza labo abalenkazimulo;

Abase-Efesu 5:18

Lingadakwa liwayini, ngoba kuvela kukho umsindo lenkanuko ezimbi; kodwa ligcwaliswe nguMoya.

1 UPhethro 5:2

Yalusani umhlambi kaNkulunkulu eliwunikiweyo, kungabi ngokubanjwa ngamandla, kodwa ngokuthanda langokwentando kaNkulunkulu, kungabi ngenxa yenzuzo elihlazo, kodwa ngokuvuma kwenhliziyo,

1 UPhethro 4:10

Lisizane, kube yilowo lalowo ngesiphiwo asiphiweyo, njengabaphathi abalungileyo bomusa omnengi kaNkulunkulu.

ULukha 12:42

INkosi yasisithi: Nguwuphi umphathi wezinceku othembekileyo lohlakaniphileyo, inkosi yakhe ezakumbeka phezu kwabendlu yayo ukuba abanike isabelo sabo sokudla ngesikhathi esifaneleyo na?

UHezekhiyeli 44:21

Kakulampristi ozakunatha iwayini lapho ezangena egumeni elingaphakathi.

U-Isaya 28:7

Lalaba bayadakwa liwayini, badayizele ngenxa yotshwala; umpristi lomprofethi badakwa ngutshwala, baphambene ngenxa yewayini, badayizele ngenxa yotshwala; ngakho abaprofethi baphambanisa imibono, labapristi bakhubeke ekwahluleleni kwabo.

Izaga 14:17

Ophangisa ukuthukuthela wenza ubuthutha, ohlakaniphileyo iyabekezela.

Izaga 15:18

Umuntu ololaka oluvuthayo ubanga ukuxabana, kodwa ophuza ukuthukuthela uyalamula.

UThithu 2:3

Ngokunjalo weluleke labesifazana abadala ukuba baziphathe ngokufaneleyo, bangabi ngabahlebayo, bangafuywa yikunatha; kababe ngabafundisi bokuhle,

UThithu 1:5

Ngakutshiya eKrete ukuba ulungise lokho okwasilela ukulungiswa, ubeke abadala bebandla emizini yonke, njengoba ngakulaya,

AbaseFiliphi 1:1

Thina oPawuli loTimothi, inceku zikaKristu Jesu, sithi kubo bonke abangcwele kuKristu Jesu abaseFiliphi, kanye lababonisi lezikhonzi:

UMatewu 24:45

Pho, ngubani umphathi wezinceku othembekileyo lohlakaniphileyo, inkosi yakhe embeke phezu kwabendlu yayo ukuba abanike ukudla ngesikhathi esifaneleyo na?

UmTshumayeli 7:9

Ungaphangisi ukuthukuthela, ngoba ukuthukuthela ngokwezithutha.

Izaga 16:32

Ophuza ukuthukuthela ungcono kuleqhawe, ozinqandayo ungcono kulaye onqoba umuzi.

ULevi 10:9

Unganathi iwayini lotshwala, wena lamadodana akho, nxa lingena ethenteni lokuhlangana ukuba lingafi. Lokhu kuzakuba yisimiso esingelakuphela ezizukulwaneni zenu.

UGenesisi 49:6

Moya wami ungangeni emphakathini wabo, ungahlangani labo emhlanganweni wabo; ngoba ngolaka lwabo babulala abantu, ngobudlova babo baquma izinkabi umsipha.