uObadiya 1:5 - iBhayibhili Elingcwele 1978

⁵ Uba amasela efika kuwe labaphangi ebusuku, lanxa ukulahlekelwa kwakho kungaba kukhulu, bebengayikuthatha lokho abakufunayo na? Uba abavuna izithelo zevini befika kuwe, bebengayikutshiya ingcosana na?

IBhayibhili Elingcwele LesiNdebele

⁵ “Nxa amasela efike kuwe, nxa abaphangi ebusuku, Awu, yeka ubukhulu bomonakalo okulindeleyo, kabayikuntshontsha kuphela lokho okwanele abakufunayo na? Nxa abavuni bamavini befike kuwe, kabangeke batshiye amalutshwana na?

uObadiya 1:5 Referans Kwoze

UJeremiya 49:9

Uba abavuna amavini befika kuwe, kabayikutshiya ingcosana na? Uba amasela efika ebusuku, kawayikuphanga aze azikholise na?

UDutheronomi 24:21

Nxa usuvunile izithelo zesivini sakho, ungathathi okuseleyo lapho usuqedile; kuzakuba ngokowemzini lokwentandane lokomfelwakazi.

U-Isaya 17:6

kungasali lutho khona, kuphela izikhwebu ezidojiweyo; loba njengesihlahla seoliva esijikijelwayo esilezithelo ezimbili loba ezintathu ezisegqongeni yaso, ezine loba ezinhlanu engatsheni zesihlahla sezithelo, kutsho iNkosi uNkulunkulu kaIsrayeli.

UZefaniya 2:15

Yiwo lumuzi owajabula, owawulondolozekile, owawusithi: Mina ngikhona; kakho futhi omunye. Yeka ukuchitheka kwawo! Usuyindawo yokubuthanela inyamazana; bonke abadlula kiwo bayancifa, bawukhombe ngengqindi.

UMikha 7:1

Maye mina! ngoba senginjengokuvunwa kwezithelo zasehlobo, njengevini eselivunwe laphela; kakuselahlukuzo lokudliwa, lemikhiwa yokuqala engiyithandayo.

Izililo 1:1

Yeka ukuhlala kwawo wodwa umuzi owawugcwele abantu! Usunjengomfelwakazi wona owawumkhulu phakathi kwezizwe. Wona owawuyinkosikazi phakathi komuzi usungobuswayo.

UJeremiya 50:23

Yeka ukufa lokwephuka kwesando somhlaba wonke! Yeka ukwenziwa kweBabiloni into eyesabekayo phakathi kwezizwe!

U-Isaya 24:13

Ngoba kuzakuba njalo emhlabeni wonke, phakathi kwezizwe zonke, kube njengokuwohlozwa kwesihlahla seoliva, lanjengokudojwa kwezithelo emva kokuvuna.

U-Isaya 14:12

Yeka ukuwa kwakho ezulwini, wena Nkanyezi ekhanyayo, ndodana yoKusa! Yeka ukudilizelwa kwakho phansi, wena owathobisa izizwe!

2 USamuyeli 1:19

Udumo lwakho, Israyeli, lubulewe ezindaweni zakho eziphakemeyo. Maye ngokuwa kwamaqhawe!

Isambulo 18:10

Azakuma khatshana ngokwesaba ukuhlupheka kwalo esithi: Maye, maye kuwe muzi omkhulu waseBabiloni! Ngesikhatshana kufikile kuwe ukuthonisiswa kwakho.

UJeremiya 6:9

INkosi yamabandla ithi: Khanini njengevini okuseleyo koIsrayeli; njengomvuni wevini ngenisa futhi isandla sakho phakathi kwengatsha zalo.

uObadiya 1:9

Amaqhawe akho, Temani, azatshaywa luvalo, ukuze lowo lalowo abulawe entabeni kaEsawu.