UNehemiya 4:5 - iBhayibhili Elingcwele 1978

⁵ Ungaligubuzeli icala labo, lesono sabo ungasicimi emehlweni abo, ngoba basithukuthelisile thina esingabakhi.

IBhayibhili Elingcwele LesiNdebele

⁵ Ungaligubuzeli icala labo kumbe wesule izono zabo emehlweni akho, ngoba bebehlambaza abakhi.

UNehemiya 4:5 Referans Kwoze

UJeremiya 18:23

Kanti, wena Nkosi, uyawazi amacebo abo okungibulala. Ungathetheleli ububi babo, lezono zabo ungazicimi phambi kwakho. Kodwa kabawe phambi kwakho, ubavukele wena ngesikhathi sokuthukuthela kwakho.

AmaHubo 109:14

Ububi babokhokho bakhe bukhunjulwe phambi kweNkosi, kuthi isono sikanina singasuswa.

2 uTimothi 4:14

UAleksandro umkhandi wethusi wangenzela okubi okunengi; iNkosi izakumbuyisela ngokwemisebenzi yakhe.

U-Isaya 44:22

Ngesule iziphambeko zakho njengeyezi, lezono zakho njengenkungu; buyela kimi, ngoba ngikuhlengile.

U-Isaya 43:25

Mina nginguye owesula iziphambeko zakho ngenxa yami; kangisayikuzikhumbula lezono zakho.

AmaHubo 51:1

Ngihawukela, Nkulunkulu, ngothando lwakho olungapheliyo, yesula iziphambeko zami ngobubele bakho obukhulu.

AmaHubo 51:9

Fihla ubuso bakho ezonweni zami, wesule zonke izenzo zami ezimbi.

UNehemiya 4:6

Sawakhake umduli, yaze yahlangana yonke ingxenye yokuphakama kwawo, ngoba abantu babezimisele ukusebenza.

U-Isaya 2:9

Ngakho abantu bonke bazakwehliselwa phansi, bathotshiswe; ungabathetheleli, Nkosi.

Izililo 1:22

Kakufike bonke ububi bazo phambi kwakho, wenze kizo njengokwenza kwakho kimi ngenxa yazo zonke iziphambeko zami. Ngoba ukububula kwami kukhulu, lenhliziyo yami ikhathele.

2 USamuyeli 17:2

Ngizamfica ekhathele, ebuthakathaka, ngimethuse; bonke abantu abalaye bazabaleka; ngizabulala inkosi kuphela.