UNehemiya 1:9 - iBhayibhili Elingcwele 1978

⁹ kodwa uba libuya kimi, lilondoloza imilayo yami liyenze, lanxa abachithiweyo benu besemaphethelweni omhlaba, ngizababutha lapho ngibabuyise endaweni engiyikhethele ukuba ibizo lami lidunyiselwe kiyo.

IBhayibhili Elingcwele LesiNdebele

⁹ kodwa nxa libuya kimi lilalele imilayo yami, lapho-ke loba abathunjiweyo bakini besemkhawulweni womhlaba, ngizabaqoqa besuka khonale ngibabuyise endaweni engiyikhethileyo ukuba likhaya leBizo lami.

UNehemiya 1:9 Referans Kwoze

UJeremiya 32:37

Khangela, ngizabaqoqa emazweni wonke lapho ngibaxotshele khona ekuthukutheleni kwami langokufutheka kwami langolaka olukhulu; ngizababuyisa kulindawo, ngibenze ukuba bahlale bevikelekile.

UMatewu 24:31

Izakuthuma izithunywa zayo ngokukhala okukhulu kophondo, ziqoqe abakhethiweyo bayo emimoyeni emine, kusukela emkhawulweni omunye wezulu kuze kube komunye.

UJeremiya 12:15

Ngemva kokubasiphuna kwami, ngizabuya ngibe lesihawu kubo, ngibabuyise futhi kube yilowo lalowo endaweni yakhe lelizweni lakibo.

U-Isaya 56:8

INkosi uNkulunkulu ebuyisa abathunjiweyo bakoIsrayeli ithi: Ngisezakubuyisa abanye futhi ngaphandle kwalabo asebebuyisiwe.

AmaHubo 147:2

INkosi iyalakha iJerusalema, iqoqe bonke abahlakazekileyo bakoIsrayeli.

U-Ezra 6:12

UNkulunkulu obizo lakhe lizadunyiselwa kuleyondawo achithe inkosi loba abantu abaguqula lokhu, badilize lendlu kaNkulunkulu eseJerusalema. Mina Dariyu, ngiyakumisa lokhu, kakwenziwe konke.

UDutheronomi 12:5

kodwa lizadinga iNkosi uNkulunkulu wenu endaweni ezakuyikhetha phakathi kwazo zonke izizwe zakini, ukuba idunyiswe khona ealtareni layo. Lizakuya khona,

UHezekhiyeli 36:24

Ngoba ngizalithatha ezizweni, ngilibuthe emazweni wonke, ngililethe elizweni lenu.

UJeremiya 31:10

Zwanini ilizwi leNkosi, lina zizwe, lilizwakalise ezihlengeni ezikhatshana, lithi: Yena owachitha uIsrayeli uzakumbutha, amaluse njengomalusi eselusa umhlambi wakhe.

U-Isaya 11:12

Izakuziphakamisela uphawu izizwe, ibuthe abaxotshiweyo bakoIsrayeli labahlakazekileyo bakoJuda, ibabuthe ezingonsini zozine zomhlaba.

AmaHubo 106:47

Sikhulule, Nkosi Nkulunkulu wethu, usibuthe ezizweni, ukuba sidumise ibizo lakho elingcwele, sithabe ekukudumiseni.

1 AmaKhosi 9:3

yathi kuye: Ngizwile ukukhuleka kwakho lokucela kwakho okwenzileyo phambi kwami. Sengiyenze yaba ngcwele lindlu oyakhileyo ukuba ibizo lami lidunyiselwe khona kuze kube nininini; amehlo ami lenhliziyo yami kuzakuba kuyo isikhathi sonke.

UJeremiya 3:14

Buyani, bantwana abangathembekanga, kutsho iNkosi; ngoba ngiyinkosi yenu. Ngizalithatha, abe munye emzini, babe babili kulo usendo, ngililethe eZiyone.

1 ImiLando 16:35

Lithi futhi: Sikhulule, Nkulunkulu mkhululi wethu, usibuthe usikhulule phakathi kwezizwe, ukuba sibonge ibizo lakho elingcwele, sithabe ekukudumiseni.

UDutheronomi 12:21

Uba indawo iNkosi uNkulunkulu wenu ezakuyikhetha ukuba ibizo layo lidunyiselwe kiyo ikhatshana lani, lingahlaba enkomeni zenu loba ezimvini zenu iNkosi elinike zona, njengokulilaya kwami, lidlele emizini yenu lize lisuthe.

1 AmaKhosi 8:48

baphenduke ngengqondo zabo zonke langenhliziyo zabo zonke elizweni lezitha zabo ezibathumbileyo, bakhuleke bekhangele ngaselizweni labo owalinika okhokho babo, lasemzini owawukhethayo, lasendlini engikwakhele yona,

AmaHubo 107:3

yababutha emazweni, empumalanga lasentshonalanga, enyakatho laseningizimu.

U-Isaya 27:12

Kuzakuthi ngalolosuku iNkosi ibhule amabele, kusukela emfuleni iYufrathi kuze kube semfuleni waseGibithe; lizakubuthwa ngamunye ngamunye, lina bakoIsrayeli.

UJeremiya 6:22

INkosi ithi: Khangela, abantu bayeza bevela elizweni elisenyakatho, isizwe esikhulu siyavuka endaweni ezikhatshana zomhlaba.

UHezekhiyeli 14:6

Ngakhoke tshono kuIsrayeli uthi: INkosi uNkulunkulu ithi: Phendukani, lehlukane lezithombe zenu, lidele wonke amanyala enu.

ULevi 26:3

Uba lihamba ngezimiso zami, ligcine imilayo yami, liyenze,

UDutheronomi 30:1

Lapho zonke izinto lezi sezehlele phezu kwenu, isibusiso lesiqalekiso engizibekileyo phambi kwenu, lizikhumbule phakathi kwezizwe zonke lapho iNkosi uNkulunkulu wenu elixotshele khona,

UZakhariya 8:7

Ngizakhulula abantu bami elizweni lasempumalanga laselizweni lasentshonalanga,