UNahume 2:4 - iBhayibhili Elingcwele 1978

⁴ Inqola zokulwa ziyatheleka emigwaqweni, ziphoseka le lale ezigcawini, zikhanye njengezibane, ziphazime njengemibane.

IBhayibhili Elingcwele LesiNdebele

⁴ Izinqola zempi zihlasela ngesiqubu emigwaqweni, zisiya emuva laphambili ezigcawini. Zinjengezibane ezikhanyisiweyo; ziyaphaziphazima njengombane.

UNahume 2:4 Referans Kwoze

UJeremiya 4:13

Khangela, umufo uyeza njengamayezi, inqola zakhe zokulwa zinjengesivunguzane, lamabhiza akhe alejubane kulokhozi. Maye babo, ngoba sichithekile!

UHezekhiyeli 26:10

Ngenxa yobunengi bamabhiza akhe uthuli lwawo luzakukusibekela, lemiduli yakho izanyikinywa ngumsindo wabagadi bamabhiza lowezinqola zokulwa, nxa engena emasangweni akho njengomuntu ofohlela emzini.

U-Isaya 66:15

Ngoba iNkosi izafika ngomlilo, izinqola zayo zibe njengesivunguzane, ukwehlisela intukuthelo yayo ngokufutheka, lokukhuza kwayo ngamalangabi omlilo.

UDanyeli 11:40

Ngesikhathi sokuphela inkosi yaseningizimu izakuyihlasela; kodwa inkosi yasenyakatho izayisukela njengesivunguzane ilezinqota zokulwa, labagadi bamabhiza, lemikolo eminengi, ihlasele amazwe, ikhukhule, idlule.

U-Isaya 37:24

Uklolodele iNkosi ngezinceku zakho, wathi: Lezinqola zami ezinengi ngikhwele ingqonga zezintaba, ngaze ngafika ezindaweni ezikhatshana zaseLebanoni. Ngagamula imikusu yalo emide kakhulu, lamaphane alo amahle kakhulu. Ngangena endaweni zalo zokucina, lasemaguswini alo amnyama.

UJeremiya 46:9

Qhubekelani phambili, lina mabhiza, liye phambili njengabahlanyayo, lina zinqola. Kawaphume amaqhawe, amadoda aseEtiyopiya lasePuti aphatha izihlangu, lamadoda aseLudi akwazi ukubamba umtshoki.

UHezekhiyeli 23:24

Bazakuza kuwe bevela ngasenyakatho belenqola zokulwa lezinqola zokuthwala impahla, lexuku labantu, bakuhanqe indawo zonke belamahawu lezihlangu lengowane; ngizabanika amandla okuthonisisa, bazakukuthonisisa ngezabo indlela zokuthonisa.

UHezekhiyeli 26:7

INkosi uNkulunkulu ithi: Ngizaletha eTire uNebukadineza inkosi yaseBabiloni, ivela enyakatho, eyinkosi yamakhosi, elamabhiza lenqola zokulwa, labagadi bamabhiza, lexuku elikhulu lamabutho.

Izaga 31:21

Lapho kuqanda kakhulu, kesabi ngabomuzi wakhe, ngoba bonke begqoke izigqoko ezikhudumezayo.