UNahume 1:6 - iBhayibhili Elingcwele 1978

⁶ Ngubani ongema phambi kwentukuthelo yayo na? Ngubani ongema ekuvutheni kolaka lwayo na? Ulaka lwayo luthululeka njengomlilo, lamadwala aqekezeke phambi kwayo.

IBhayibhili Elingcwele LesiNdebele

⁶ Ngubani ongamelana lentukuthelo yakhe na? Ngubani ongalumela ulaka lwakhe oluvuthayo na? Ulaka lwakhe luthululeka njengomlilo; amadwala ayaqhekezeka phambi kwakhe.

UNahume 1:6 Referans Kwoze

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

UMalaki 3:2

Kodwa ngubani ongalumela usuku lokufika kwaso, longema ekubonakaleni kwaso na? Ngoba sinjengomlilo wompheki wensimbi, lanjengesepa yomgezisi.

UNahume 1:2

INkosi inguNkulunkulu olomona ophindiselayo; iNkosi iyaphindisela, igcwele ulaka; iNkosi iphindisela ezitheni zayo, ihlala ithukuthelela izitha zayo.

AmaHubo 76:7

Wena, yebo wena, uyesabeka. Ngubani ongema phambi kwakho lapho usuthukuthela na?

UHezekhiyeli 30:16

Ngizathungela iGibithe ngomlilo, leSini ibe lobuhlungu obukhulu. Imiduli yeNo izakufohlelwa, lezimpophoma zamanzi zitheleke phakathi kwalo.

Izililo 4:11

INkosi yaphelelisa ukuthukuthela kwayo, yehlisa ulaka lwayo olutshisayo, yaphemba umlilo eZiyone owaqothula izisekelo zalo.

Izililo 2:4

Isinemba ngemitshoko yayo njengesitha, yathiya isandla sayo esilamandla; njengesitha ibulele bonke abathandeka emehlweni ethu; lasethenteni laseZiyone yehlisela ulaka lwayo njengomlilo.

U-Isaya 27:4

Ukuthukuthela kakusekho kimi. Kungathi kungaba khona ameva lokhula! bengizakukusukela ngilwe lakho, ngikutshise.

U-Isaya 10:16

Ngalokhuke iNkosi yamabandla izathumela isifo esikhulu phakathi kwabazimukileyo beAsiriya; emizimbeni yabo kuzaphembeka ukutshisa okunjengomlilo.

AmaHubo 90:11

Ngubani owaziyo amandla okuthukuthela kwakho na? owaziyo ukwesabeka kolaka lwakho na?

AmaHubo 2:12

liyikhothamele, funa ithukuthele, libhubhe endleleni; ngoba ulaka lwayo luzakuvutha masinyane. Babusisiwe bonke abaphephela kuyo.

1 AmaKhosi 19:11

Kwasekuthiwa kuye: Hamba uyekuma phezu kwentaba phambi kweNkosi. INkosi yayidlula khona. Kwaba khona umoya omkhulu olamandla udabula izintaba, uqhekeza amadwala phambi kwayo; kodwa iNkosi yayingekho emoyeni. Ngemva komoya kwaba khona ukunyikinyeka komhlaba; kodwa iNkosi yayingekho ekunyikinyekeni komhlaba.

Isambulo 16:8

Isithunywa sesine sathululela elangeni okusemganwini waso; lavunyelwa ukutshisa abantu ngomlilo.

Isambulo 16:1

Ngasengisizwa ilizwi elikhulu livela ethempelini lisithi kuzo izithunywa eziyisikhombisa: Hambani, lithululele emhlabeni okusemiganwini eyisikhombisa okululaka lukaNkulunkulu.

Isambulo 6:17

ngoba usuku olukhulu lolaka lwabo selufikile; ngobani abalamandla okuma na?

UJobe 40:11

uthulule ukuvutha kolaka lwakho, ukhangele bonke abazigqajayo ubathobise.

AmaHubo 130:3

Uba wena, Nkosi, ubala iziphambeko, ngubani ongema na?

U-Isaya 13:13

Ngakhoke ngizakwenza iphezulu linyikinyeke, lomhlaba unyakaziswe endaweni yawo, ngokuthukuthela kweNkosi yamabandla, osukwini lokuvuthwa kolaka lwayo.

U-Isaya 66:15

Ngoba iNkosi izafika ngomlilo, izinqola zayo zibe njengesivunguzane, ukwehlisela intukuthelo yayo ngokufutheka, lokukhuza kwayo ngamalangabi omlilo.

UJeremiya 21:12

lina ndlu kaDavida. INkosi ithi: Yenzani okulungileyo ekuseni, likhulule esandleni socindezelayo lowo ophangiweyo, funa ulaka lwami luvuthe njengomlilo, lutshise, kungabi khona olucimayo, ngenxa yezenzo zenu ezimbi.

UHezekhiyeli 7:8

Ngizakwehlisela ulaka lwami phezu kwenu, ngiqedele ukuthukuthela kwami kini, ngilithonisise ngokufanele indlela zenu, ngilitshaye ngenxa yawo wonke amanyala enu.

UHezekhiyeli 21:31

ngehlisele ukuthukuthela kwami phezu kwakho, ngikuthungele ngomlilo wolaka lwami, ngikunikele ezandleni zabantu abalolunya, abakwaziyo ukubulala.

UHezekhiyeli 39:6

Ngizathumela umlilo kuMagogi lakulabo abahlala ngokulondolozeka emazweni angasolwandle. Bazakwazi ukuba ngiyiNkosi.

UZefaniya 2:2

ungakadudulwa njengamakhoba aphephukayo, ungakehlelwa yintukuthelo eyesabekayo yeNkosi, ungakafikelwa lusuku lolaka lweNkosi.

UMalaki 4:1

Ngoba luyeza usuku oluvutha njengeziko lapho bonke abaziphakamisayo labenza okubi bazakuba njengezibi ezitshayo; lolosuku oluzayo luzabatshisa, kutsho iNkosi yamabandla, lungabatshiyeli impande logatsha.

UJobe 9:5

UNkulunkulu uyasusa izintaba lanxa zingakwazi, azigenqule lapho esethukuthele.

UJobe 26:11

Insika zezulu ziyathuthumela, zethuswa yikukhuza kwakhe.

AmaHubo 76:8

Wahlulela usezulwini; umhlaba wesaba wathula,

U-Isaya 33:14

Izoni zaseZiyone ziyesaba, ukuthuthumela kubehlele abangamesabiyo uNkulunkulu, bathi: Ngubani phakathi kwethu ongahlala lomlilo oqothulayo? Ngubani phakathi kwethu ongahlala lokutshisa okungapheliyo?

Izililo 2:3

Yaqeda ngokuvutha kolaka lwayo wonke amandla akoIsrayeli. Yasusa isandla sayo sokusiza phambi kwezitha. Yatshisa kuJakobe njengomlilo welangabi oqothula konke.