UNahume 1:3 - iBhayibhili Elingcwele 1978

³ INkosi iyaphuza ukuthukuthela, kodwa ilamandla amakhulu, kayiyikumyekela olecala; indlela yayo isesivunguzaneni lesiphepheni, amayezi aluthuli lwenyawo zayo.

IBhayibhili Elingcwele LesiNdebele

³ UThixo uyaphuza ukuthukuthela njalo ulamandla amakhulu; uThixo kayikumyekela olecala engajeziswanga. Indlela yakhe iphakathi kwesivunguzane lesiphepho, amayezi aluthuli lwezinyawo zakhe.

UNahume 1:3 Referans Kwoze

AmaHubo 147:5

INkosi yethu yinkulu, makhulu amandla ayo; ukwazi kwayo kakulakulinganiswa.

UNehemiya 9:17

Bala ukulalela, bakhohlwa izimangaliso owazenza phakathi kwabo; baba lenkani, bazikhethela umkhokheli ukuba babuyele ebugqilini babo eGibithe. Kodwa wena unguNkulunkulu othanda ukuthethelela, olumusa lesihawu, ophuza ukuthukuthela, lolothando olungapheliyo, kawubalahlanga.

AmaHubo 145:8

INkosi ilomusa lesihawu, iyaphuza ukuthukuthela, igcwele uthando olungapheliyo.

AmaHubo 104:3

owakha izindlu zakho phezu kwamanzi, owenza amayezi abe yinkolo yakho, ohamba ngamaphiko omoya,

AmaHubo 103:8

INkosi ilobubele lesihawu, iyaphuza ukuthukuthela, igcwele uthando olungapheliyo.

UJakhobe 1:19

Yazini lokhu, bazalwane bami abathandekayo. Kakube yilowo lalowo aphangise ukuzwa, aphuze ukukhuluma, aphuze ukuthukuthela,

UZakhariya 9:14

INkosi izabonakala ngaphezu kwabo, lomtshoko wayo uphazime njengombane; iNkosi uNkulunkulu izakhalisa uphondo, iphume ngezivunguzane zaseningizimu.

U-Isaya 66:15

Ngoba iNkosi izafika ngomlilo, izinqola zayo zibe njengesivunguzane, ukwehlisela intukuthelo yayo ngokufutheka, lokukhuza kwayo ngamalangabi omlilo.

UJobe 9:4

Ulenhliziyo ehlakaniphileyo, ulamandla amakhulu. Ngubani ongamelana laye aphumelele na?

AmaNani 14:18

INkosi iyaphuza ukuthukuthela, igcwele uthando olungapheliyo, ithethelela ububi leziphambeko, kodwa kayiyikubayekela abalecala, kodwa yehlisela ububi baboyise phezu kwabantwana besizukulwana sesithathu lesesine.

Isambulo 1:7

Khangelani, uyeza lamayezi; amehlo wonke azakumbona, labo bonke abamgwazayo; lezizwe zonke zomhlaba zizakulila ngenxa yakhe. Yebo, kuzakuba njalo. Ameni.

UMatewu 26:64

UJesu wathi kuye: Kutsho wena. Kodwa ngithi kini: Kusukela khathesi lizakubona iNdodana yomuntu ihlezi ngakwesokunene saMandla, isiza ngamayezi aphezulu.

UJona 4:2

Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.

UDanyeli 7:13

Ngabona emibonweni ebusuku kufika lamayezi aphezulu ofanana lendodana yomuntu, wafika koyisimakade, wasondezwa phambi kwakhe.

U-Isaya 19:1

Leli yilizwe ngeGibithe. Khangela, iNkosi ikhwele eyezini elilejubane, iza eGibithe; izithombe zaseGibithe zizathuthumela phambi kwayo, lenhliziyo yabaseGibithe iphelelwe ngamandla.

AmaHubo 66:3

Tshonini kuNkulunkulu lithi: Yeka ukwesabeka kwezenzo zakho! Ngenxa yobukhulu bamandla akho izitha zakho ziyaququbala phambi kwakho.

AmaHubo 62:11

UNkulunkulu ukhulumile kwaba kanye, ngizwile kabili lokhu ukuthi amandla angakaNkulunkulu,

UJobe 38:1

INkosi yasimphendula uJobe isesivunguzaneni isithi:

UJobe 10:14

Uba ngisona, wena ungiqaphele, kawuyikuthethelela ukona kwami.

UJoweli 2:13

lidabule inhliziyo zenu, lingadabuli izambatho zenu. Phendukelani eNkosini, uNkulunkulu wenu, ngoba ilomusa lesihawu, iyaphuza ukuthukuthela, ilothando olungapheliyo, iyathethelela.

AmaHubo 50:3

UNkulunkulu wethu uyeza, kayikuthula, phambi kwakhe kulomlilo oqothulayo, emaceleni akhe kulesiphepho esikhulu.

2 USamuyeli 22:10

Wakhothamisa amazulu, wehlela phansi; umnyama omkhulu wawuphansi kwenyawo zakhe.

U-Isaya 29:6

iNkosi yamabandla izakukuhambela ngokuduma langokuzamazama komhlaba langomsindo omkhulu, ifike ngesivunguzane lesiphepha, langelangabi lomlilo oqothulayo.

UJeremiya 4:13

Khangela, umufo uyeza njengamayezi, inqola zakhe zokulwa zinjengesivunguzane, lamabhiza akhe alejubane kulokhozi. Maye babo, ngoba sichithekile!

UHosiya 8:7

Ngoba behlanyela umoya, bazavuna isivunguzane. Amabele abo kawayikukhahlela, kawayikuba lanhlamvu; uba engaba lazo, zizadliwa ngabezizwe.