UmTshumayeli 8:4 - iBhayibhili Elingcwele 1978

⁴ Ngoba ilizwi layo lilamandla; ngubani ongathi kuyo: Wenzani na?

IBhayibhili Elingcwele LesiNdebele

⁴ Njengoba ilizwi lenkosi lingaphikiswa ngubani ongathi kuyo, “Kanti wenzani?”

UmTshumayeli 8:4 Referans Kwoze

UJobe 9:12

Uba ebamba ulutho, ngubani ongamkhalimela na? Ngubani ongathi kuye: Wenzani na?

UDanyeli 4:35

bonke abakhileyo emhlabeni batshaywa ize, uyenza akuthandayo ebandleni laphezulu; kakho ongavimbela isandla sakhe, loba athi kuye: Wenzani na?

AbaseRoma 9:20

Kodwa, wena muntu, ungubani wena ophikisana loNkulunkulu na? Okubunjiweyo kungatsho yini kowakubumbayo ukuthi: Wangenzelani ngaba njalo na?

Izaga 20:2

Ukusonga kwenkosi kunjengokubhonga kwesilwane; oyithukuthelisayo uyazibhubhisa.

Izaga 19:12

Ulaka lwenkosi lunjengokubhonga kwesilwane, kodwa umusa wayo unjengamazolo otshanini.

UDanyeli 3:15

Khangelani, uba selilungile, lapho lisizwa ukukhala kophondo, lomhlanga, lomhubhe, lechachwana, lechacho, lomfece, lezinto zonke ezikhaliswayo, liwe phansi, likhuleke esithombeni engisenzileyo, kuzabe kulungile; kodwa uba lingakhuleki, lizaphoselwa masinyane esithandweni somlilo ovuthayo. Nguwuphi unkulunkulu ozakulikhulula ezandleni zami na?

Izaga 30:31

leqhude elikhonyayo, lempongo ekhokhela umhlambi, lenkosi ekhokhela impi yayo.

1 AmaKhosi 2:46

Inkosi yasilaya uBenaya indodana kaJehoyada ukuba ambulale, yena waphuma wamtshaya wambulala. Ngakho umbuso waqiniswa kuSolomoni.

1 AmaKhosi 2:25

Inkosi uSolomoni yasithuma uBenaya indodana kaJehoyada owamtshaya wambulala uAdonija.

U-Eksodasi 1:18

Inkosi yaseGibithe yasibiza ababelethisi, yathi kubo: Likwenzeleni lokhu ukuba liyekele abafana baphile na?

2 USamuyeli 24:4

Kodwa inkosi yamlaya uJowabi lezinduna zempi ukuba balalele ilizwi layo. Ngakhoke uJowabi lezinduna zempi baphuma enkosini ukuba babale abantu bakoIsrayeli.

1 AmaKhosi 1:30

njengoba ngafunga kuwe ngayo iNkosi, uNkulunkulu kaIsrayeli, ngisithi: USolomoni indodana yakho uzabusa emva kwami, abe yinkosi esikhundleni sami; ngiyaphinda futhi lamhla.

U-Ezra 6:13

UTathenayi umbusi welizwe elingaphetsheya kweYufrathi loShethari‐Bozenayi lalabo ababelabo bakwenza konke inkosi uDariyu eyayibalaye khona.