UmTshumayeli 3:1 - iBhayibhili Elingcwele 1978

¹ Konke kulesikhathi sakho, lakho konke okwenzakalayo kulesibanga sakho ngaphansi kwelanga.

IBhayibhili Elingcwele LesiNdebele

¹ Zonke izinto zilesikhathi sazo, konke okwenziwayo ngaphansi kwelanga kulesibanga sakho:

UmTshumayeli 3:1 Referans Kwoze

UmTshumayeli 3:17

Ngasengisithi: UNkulunkulu uzathonisisa abalungileyo lababi ngoba kumisiwe isikhathi sakho konke okuqondiweyo lokwenziweyo.

UMatewu 16:3

kuthi ekuseni lithi: Lizakuna lamhla ngoba umkhathi ubomvu, lithwele. Liyakwazi ukuchasisa ukuma komkhathi kodwa kalikwazi ukuchasisa izibonakaliso zezikhathi.

UmTshumayeli 7:14

Thokoza ngosuku lokuphumelela, ngosuku olubi ukhumbule ukuthi uNkulunkulu uzenzile zonke ukuze umuntu angakuboni okuzakwenzeka ngensuku ezizayo.

2 AmaKhosi 5:26

Kodwa yena wathi kuye: Umoya wami ubungelawe yini lapho lowomuntu ephenduka enqoleni yakhe ukukuhlangabeza na? Kakusilo iqiniso ukuba uyithethe imali na? Ungathenga ngayo amasimu lezihlahla zamaoliva lezivini lezimvu lezinkabi lezinceku lezincekukazi.

Izaga 15:23

Nxa umuntu ephendula kuhle, kuyamthokozisa, nxa ekhuluma ilizwi elifaneleyo, kuhle kakhulu.

UmTshumayeli 2:3

Ngadinga ukuzithokozisa ngewayini, kodwa ingqondo yami iqondiswa yikuhlakanipha; ngadinga ukwenza ubuthutha ukuba ngibone okubathokozisayo abantu, labakwenzayo ngaphansi kwelanga ekuphileni kwabo okufitshane.

UmTshumayeli 2:17

Ngasengikuzonda ukuphila ngoba lokho okwenziwa ngaphansi kwelanga kubuhlungu kimi; konke kulize lamaya.

2 ImiLando 33:12

Kwathi esosizini wancenga umusa weNkosi uNkulunkulu wakhe, wazithoba kakhulu phambi kukaNkulunkulu wabokhokho bakhe.

UmTshumayeli 1:13

nganikela ingqondo yami ukudinga lokuhlolisisa ngokuhlakanipha konke okwenziwayo ngaphansi kwelanga; kungumsebenzi onzima uNkulunkulu awunike abantu ukuwusebenza.

Izaga 24:27

Qala ulungise ngaphandle, futhi ulungise konke emasimini, andubana wakhe umuzi wakho.

UJeremiya 46:17

Bizani uFaro inkosi yaseGibithe ngokuthi: Ngumsindo okhutha ithuba.