UmTshumayeli 2:5 - iBhayibhili Elingcwele 1978

⁵ ngazenzela amasimu lezivande, ngahlanyela kukho zonke inhlobo zezihlahla ezithelayo.

IBhayibhili Elingcwele LesiNdebele

⁵ Ngasungula izivande lezigcawu zokubukwa ngahlanyela kuzo yonke imihlobo yezihlahla lezithelo.

UmTshumayeli 2:5 Referans Kwoze

UJeremiya 39:4

Kwathi lapho uZedekiya inkosi lawo wonke amabutho bebabona, babaleka, baphuma emzini ebusuku ngendlela yensimu yenkosi, ngesango eliphakathi kwemiduli emibili, baqonda eAraba.

Ingoma 6:2

Isithandwa sami siye esivandeni saso, endimeni yamakha, ukwalusa umhlambi waso emasimini, sikhe imiduze.

Ingoma 4:12

Udadewethu lomlobokazi wami uyisivande esikhiyiweyo, impela uyisivande esikhiyiweyo, lomthombo obiyelweyo.

UNehemiya 2:8

lencwadi eya kuAsafi, umphathi wegusu lenkosi, ukuba anginike izigodo zokwenza insika zamasango enqaba ehlangene lethempeli, lezokwenza umduli womuzi, lezendlu engizahlala kiyo. Inkosi yanginika engikucelayo, ngoba uNkulunkulu wami wayelami.

Ingoma 4:13

Amahlumela akho ayizihlahla zamapomegranati, lezihlahla ezilezithelo ezinhle,

Ingoma 4:16

Vuka, wena moya wasenyakatho, uze lawe, moya waseningizimu, uphephethe esivandeni sami ukuba iphunga laso ligcwale emoyeni. Kasize isithandwa sami esivandeni sami, sidle izithelo zaso ezinhle.

Ingoma 5:1

Sengingena esivandeni sami, dadewethu lomlobokazi wami, ngiyabutha imure yami lamakha ami, ngidle inyosi zami loluju lwami, nginathe iwayini lami lochago lwami. Dlanini, bangane bami, linathe, lize lidakwe luthando.