UmTshumayeli 2:10 - iBhayibhili Elingcwele 1978

¹⁰ Konke amehlo ami akufisayo kangiwancitshanga khona, lenhliziyo yami kangiyincitshanga ukuthokoza; ngoba ngafumanisa ukuthokoza ekutshikatshikeni kwami konke, lokho kwaba ngumvuzo wami ngawo wonke umsebenzi wami.

IBhayibhili Elingcwele LesiNdebele

¹⁰ Angizincitshanga lutho olwalufiswa ngamehlo ami; inhliziyo yami angiyalelanga layiphi intokozo. Inhliziyo yami yathokoza ngawo wonke umsebenzi wami, lokhu kwaba ngumvuzo wezithukuthuku zami.

UmTshumayeli 2:10 Referans Kwoze

UmTshumayeli 9:9

Thokoza lomkakho omthandayo kuzo zonke insuku zokuphila kwakho okulize okunikiweyo ngaphansi kwelanga, ngoba leso yiso isabelo sakho ekuphileni, lesokutshikatshika kwakho ngaphansi kwelanga.

UmTshumayeli 5:18

Engikubonileyo mina ukuthi kuhle kuyikuba umuntu adle anathe azithokozise ekutshikatshikeni kwakhe konke atshikatshika kukho ngaphansi kwelanga ensukwini zakhe zonke ezilutshwana uNkulunkulu amnike zona zibe yisabelo sakhe.

UmTshumayeli 3:22

Ngasengibona ukuthi kakukho okungcono okwedlula ukuba umuntu azithokozise ngomsebenzi wakhe, ngoba lokhu kuyisabelo sakhe. Ngubani ongamenza abone lokho okuzakwenzeka engasekho na?

AmaHubo 119:37

Phendula amehlo ami ukuba angaboni okuyize; ungivuselele endleleni zakho.

AmaHubo 128:2

Ngoba uzakudla izithelo zomsebenzi wezandla zakho; uzakuba lenhlanhla uphumelele.

1 UJohane 2:16

Ngoba konke okwasemhlabeni, inkanuko zomzimba lokukhanga amehlo lokuziqakisa kwalokhukuphila, kakuveli kuBaba, kuvela emhlabeni owonakeleyo.

UmTshumayeli 2:22

Umuntu uzuzani ngokutshikatshika langobuhlungu asebenza ngakho ngaphansi kwelanga na?

UmTshumayeli 11:9

Thokoza, jaha, ebutsheni bakho, ikuthokozise lenhliziyo yakho ensukwini zobutsha bakho, ulandele indlela ezithandwa yinhliziyo yakho lezinto ezithandwa ngamehlo akho. Kodwa yazi ukuthi ngazo zonke lezizinto uNkulunkulu uzakukuthonisisa.

UmTshumayeli 6:9

Kungcono ukwaneliswa ngokubonayo kulokuhugwa zinkanuko. Lokho lakho kulize lamaya.

Izaga 23:5

Uba uyiphisekela inotho, ingamila izimpiko isuke, iphaphele phezulu njengokhozi.

UJobe 31:1

Ngazimisela ukuba kangiyikukhangela intombi ngamehlo ami.

Abahluleli 14:2

Wasebuya ukutshela uyise lonina wathi: Ngibone enye yezintombi zamaFilistiya eTimina. Ake lingizuzele yona ibe ngumkami.

UGenesisi 6:2

amadodana kaNkulunkulu abona amadodakazi abantu ukuthi mahle; athatha abafazi kuwo awathandayo.

UGenesisi 3:6

Ngakhoke lapho owesifazana ebona ukuthi isihlahla silungele ukudliwa lokuthi siyabukeka emehlweni, lokuthi isihlahla sikhwabithisa ukuhlakanipha, wakha izithelo zaso, wazidla; wanika lendoda yakhe, layo yadla.

UmTshumayeli 5:10

Lowo othanda imali kayikwaneliswa yimali, laye othanda inotho kayikwaneliswa yinotho; lokho lakho kulize.

UmTshumayeli 6:2

Ngibonile umuntu uNkulunkulu amnike inotho lempahla lodumo ukuze angasweli lutho kukho konke akufisayo, kodwa uNkulunkulu angamniki amandla ukuba azithokozise ngakho, kodwa kudliwe ngowemzini; lokhu kulize, kuyinto ebuhlungu.

UmTshumayeli 9:6

Uthando lwabo lenzondo yabo lomona wabo sekubhubhile, kabasayikuba khona kulokho okwenziwayo ngaphansi kwelanga.

UmTshumayeli 2:1

Ngasengisithi: Kulungile, ngizazama ukuzithokozisa, ngibone ukuthi kunjani. Lakho lokhu kwakulize futhi.

UmTshumayeli 2:24

Kakukho okungcono emuntwini okwedlula ukudla lokunatha lokuzuza intokozo emsebenzini wakhe; kodwa ngabona ukuthi lalokho kuvela kuNkulunkulu;

UmTshumayeli 5:17

echitha zonke insuku zakhe emnyameni lasosizini, ekukhathazekeni lasemkhuhlaneni lasekuthukutheleni na?

UmTshumayeli 8:15

Ngakho ngibabaza ukuzithokozisa; ngoba umuntu kalalutho oluhle ngaphansi kwelanga kuphela ukudla lokunatha, azithokozise, ngoba lokhu kuzakuba laye ekutshikatshikeni kwakhe ensukwini zokuphila kwakhe uNkulunkulu amnike zona ngaphansi kwelanga.