UmTshumayeli 10:12 - iBhayibhili Elingcwele 1978

¹² Amazwi omuntu ohlakaniphileyo amenzela umusa, kodwa ulimi lwesithutha luyasichitha.

IBhayibhili Elingcwele LesiNdebele

¹² Amazwi aphuma emlonyeni wesihlakaniphi amnandi, kodwa isiwula sichithwa yizindebe zaso.

UmTshumayeli 10:12 Referans Kwoze

AbaseKholose 4:6

Ukukhuluma kwenu kakube lomusa, kungabi duma, ukuze likwazi ukubaphendula bonke ngokufaneleyo.

ULukha 4:22

Bonke bamncoma bemangala ngamazwi omusa aphuma emlonyeni wakhe. Bathi: Lo kasiyo indodana kaJosefa na?

Izaga 22:11

INkosi ithanda umuntu oqotho; kodwa abantu bangaba ngabangane bamakhosi ngamazwi amahle.

Izaga 15:2

Umlomo wohlakaniphileyo ukhuluma ukwazi, kodwa umlomo wesithutha ukhuluma ubuthutha.

Abase-Efesu 4:29

Kakungaphumi emlonyeni wenu lalinye ilizwi elibi, kodwa kakube ngelilungele ukwakha njengokufaneleyo ngalesosikhathi, ukuze libe yisibusiso kulabo abezwayo.

ULukha 19:22

Wathi kuyo: Nceku embi, ngizakukulahla ngamazwi aphuma emlonyeni wakho; ubusazi ukuba ngingumuntu olukhuni, ngithatha lokho engingakubekanga, ngivune engingakuhlanyelanga.

UMatewu 12:35

Umuntu olungileyo ukhupha izinto ezilungileyo enhliziyweni yakhe elungileyo; lomuntu omubi ukhupha izinto ezimbi enhliziyweni yakhe embi.

Izaga 31:26

Lapho evula umlomo wakhe, ukhuluma ngokuhlakanipha, afundise ngamazwi omusa.

Izaga 26:9

Isaga esikhulunywa yisithutha sinjengogatsha olulameva oluphethwe ngodakiweyo.

Izaga 19:5

Ufakazi wamanga kayikuyekelwa, ofakaza ngamanga kayikuphunyuka.

Izaga 15:23

Nxa umuntu ephendula kuhle, kuyamthokozisa, nxa ekhuluma ilizwi elifaneleyo, kuhle kakhulu.

Izaga 12:18

Amazwi ababhudayo ahlaba njengomkhonto, kodwa inlimi zabahlakaniphileyo ziyasilisa.

Izaga 10:10

Ukuyekethisa icala kubanga inkathazo, kodwa okhuza obala uveza ukuthula.

Izaga 10:8

Ohlakaniphileyo uzalalela imilayo, kodwa isithutha esiwumanayo sizakuphambeka.

AmaHubo 140:9

Labo abangihanqileyo kabangangahluli; kabubuyele kibo ububi bomlomo wabo.

AmaHubo 64:8

Ngenxa yamazwi abo uzakubalethela ukuchitheka; bonke abababonayo bazakunikina amakhanda abo.

AmaHubo 37:30

Umlomo wolungileyo ukhuluma ukuhlakanipha, lolimi lwakhe lukhuluma ukulunga.

UJobe 16:5

Bengingaliqinisa ngomlomo wami, ngiliduduze ngamazwi ami, ngipholise ubuhlungu benu.

2 USamuyeli 1:16

UDavida wathi kuyo: Igazi lakho libe phezu kwekhanda lakho; ngoba uzifakazele wena ngomlomo wakho, wathi: Ngimbulele ogcotshiweyo weNkosi.

UmTshumayeli 4:5

Abantu bathi: Isiphukuphuku sigoqa izandla zaso sidle inqweqwe zomlomo.

UmTshumayeli 9:17

Amazwi apholileyo omuntu ohlakaniphileyo azwiwa ngcono kulokumemeza kombusi phakathi kwezithutha.

UmTshumayeli 12:11

Amazwi abahlakaniphileyo anjengencijo lanjengezipikili ezibethelwe zatshona; ayalikhokhela ibandla ngoba avela kumalusi munye.

UmTshumayeli 5:2

Ungabi lamawala ngomlomo wakho, ungaphangisi ukwenza izithembiso phambi kukaNkulunkulu; ngoba yena usezulwini, wena usemhlabeni, ngakho amazwi akho kawabe yingcosana.

UmTshumayeli 5:6

Ungavumeli ulimi lwakho lukungenise esonweni, ubususithi phambi kukaNkulunkulu bekuyisiphosiso; uNkulunkulu angakuthukuthelela ngamazwi akho, achithe lemisebenzi yakho yonke.