UmTshumayeli 1:8 - iBhayibhili Elingcwele 1978

⁸ Zonke izinto ziyadinisa; ukudinisa kwazo kungeze kwalandiswa. Ilihlo kalaneliswa yikubona, lendlebe yikuzwa.

IBhayibhili Elingcwele LesiNdebele

⁸ Zonke izinto ziyadina, lokho okungelandiswe muntu. Ilihlo kalidinwa yikubona, lendlebe layo kayigcwali ngokuzwa.

UmTshumayeli 1:8 Referans Kwoze

Izaga 27:20

Indawo yabafileyo kayisuthi, lezifiso zomuntu kazaneliswa.

UMatewu 11:28

Wozani kimi lonke elikhatheleyo lelisindiweyo, mina ngizakuliphumuza.

UmTshumayeli 4:8

ngabona umuntu ongelabani indodana kumbe umfowabo etshikatshika njalonjalo enganeliswa yinotho yakhe engazibuzi ukuthi: Ngitshikatshikela bani, ngidele ukuzithokozisa na? Lokho lakho kulize lomsebenzi omubi.

UMatewu 5:6

Babusisiwe abalambela bomele ukulunga, ngoba bazakusuthiswa.

UmTshumayeli 2:26

Ngoba uNkulunkulu uyamnika umuntu omthokozisayo ukuhlakanipha lolwazi lokuthokoza; kodwa isoni uyasinika umsebenzi wokubutha lokubuthelela ukuze sinike yena othokozisa uNkulunkulu. Lalokho lakho kulize lamaya.

UmTshumayeli 2:11

Ngasengihlolisisa konke okwenziwe yizandla zami, kanye lokutshikatshika kwami; konke kwakulize lamaya, kwakungekho nzuzo ngaphansi kwelanga.

AmaHubo 63:5

Umphefumulo wami uzakusutha kungathi usuthi umnkantsho lamahwahwa, lomlomo wami uzakukudumisa ngezingoma ezithabisayo.

UmTshumayeli 1:7

Yonke imifula ingenisa olwandle, kodwa ulwandle kalugcwali; endaweni lapho igelezele khona imifula ibuya iyegeleza futhi.

UHagayi 1:9

Beliqaphele okunengi, kodwa kube yingcosana elikuzuzileyo; lapho likuletha ekhaya, ngikuphephule konke. Kungani na? kutsho iNkosi yamabandla. Kungenxa yendlu yami elunxiwa, lina lilibele ngezindlu zenu.

UmTshumayeli 6:7

Umuntu usebenzela ukudla ekutshikatshikeni kwakhe konke, kodwa ukukhanuka kwakhe kakwaneliswa.