UMikha 7:9 - iBhayibhili Elingcwele 1978

⁹ Ngizathwala intukuthelo yeNkosi, ngoba ngonile kuyo, ize imele indaba yami, ingenzele ukulunga. Izakungikhuphela ekukhanyeni, ngibone ukukhululwa kwayo.

IBhayibhili Elingcwele LesiNdebele

⁹ Ngenxa yokuba ngonile kuye, ngizalumela ulaka lukaThixo, aze angincengele endabeni yami, aveze ukungabi lacala kwami. Uzangikhuphela phandle ekukhanyeni; ngizabona ukulunga kwakhe.

UMikha 7:9 Referans Kwoze

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

AmaHubo 37:6

Yona izakuveza ukulunga kwakho njengokukhanya, lelungelo lakho njengemini.

1 USamuyeli 24:15

INkosi uNkulunkulu kayibe ngumahluleli, yahlulele phakathi kwethu, ihlole icala lami, ingikhulumele, ingikhulule esandleni sakho.

2 uTimothi 4:8

Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.

UMalaki 3:18

Beselibuya lisahlukanisa phakathi kwabalungileyo lababi, laphakathi komuntu omkhonzayo uNkulunkulu longamkhonziyo.

Isambulo 18:20

Thokoza ngawo wena zulu, lani bangcwele labaphostoli labaprofethi; ngoba uNkulunkulu uwuthonisisile, waliphindisela.

U-Isaya 46:13

ngiyasondeza ukukhulula kwami, kakusekhatshana; ukukhulula kwami kakuyikuphuza; nginika ukukhulula kwami eZiyone lodumo lwami koIsrayeli.

AmaHubo 43:1

Ngahlulela, Nkulunkulu, umele indaba yami ebantwini abangalunganga; ungikhulule ebantwini ababi labakhohlakeleyo.

AmaHubo 7:6

Vuka, Nkosi, ngolaka lwakho, uvuke ngenxa yentukuthelo yezitha zami. Vuka, Nkulunkulu wami, wena umisile ukwahlulelwa.

UJobe 23:10

Kanti uyayazi indlela yami, nxa esengihlolile, ngizaphuma nginjengegolide.

2 USamuyeli 24:17

UDavida wasekhuluma eNkosini lapho ebona isithunywa esasibulala abantu, wathi: Khangela, yimi engonileyo, isono ngesami; pho, lezizimvu zenzeni na? Isandla sakho kasibe phezu kwami laphezu kwendlu kababa.

1 USamuyeli 26:10

UDavida wasesithi: Ngifunga iNkosi, iNkosi izamtshaya; loba kufike nje usuku lwakhe lokufa; kumbe aye empini afele khona.

1 USamuyeli 25:39

UDavida esezwile ukuthi uNabali kasekho wathi: Kayibongwe iNkosi ephindisele ukuthukwa kwami nguNabali, yathinta inceku yayo ekwenzeni okubi, yabuyisela ububi bukaNabali kwelakhe ikhanda. UDavida wasethumela ilizwi, wakhuluma loAbigayili ukuba amthathe abe ngumkakhe.

1 USamuyeli 3:18

Ngakho uSamuweli wasemtshela konke, kazamfihlela lutho. Yena wathi: YiNkosi, kayenze lokho ekubona kulungile kuyo.

ULevi 26:41

Lami ngizahamba ngokuphambene labo, ngibase elizweni lezitha zabo; ng’khona inhliziyo zabo ezingcolileyo zizakuzithoba, bavume ukutshaywa ngenxa yobubi babo.

Izililo 1:18

INkosi ilungile, ngoba ngilihlamukile ilizwi layo. Kodwa ake lizwe, bantu lonke, libone ukuhlupheka kwami. Intombi zami lensizwa zami zithunjiwe.

AmaHubo 94:15

ngoba ukulunga kuzakubuya kwabalungileyo, labo bonke abaqotho enhliziyweni bazakukulandela.

AmaHubo 119:154

Mela indaba yami, ungihlenge; ngivuselela ngokwelizwi lakho.

U-Isaya 42:7

ukuba uvule amehlo eziphofu, ukhuphe izibotshwa entolongweni, lasesiseleni esimnyana abahlezi kuso.

U-Isaya 42:16

Ngizakhokhela iziphofu ezindleleni ezingayaziyo, ngiziqondise ezindleleni ezingazaziyo, ngiphendule umnyama phambi kwazo ube yikukhanya, ngihlelembe lezindawo ezingamaxhakaxhaka. Yizo lezizinto engizakuzenza, ngingaziyekeli.

U-Isaya 56:1

INkosi ithi: Nanzelela okufaneleyo, wenze ukulunga, ngoba ukusilisa kwami kuseduze ukufika, lokukhulula kwami kuzakubonakaliswa.

UJeremiya 10:19

Maye mina ngenxa yokulimala kwami! Inxeba lami libi. Kodwa ngathi mina: Lokhu kuyinhlupheko yami engifanele ukuyithwala.

UJeremiya 51:10

INkosi isitshengisile ukuba thina siqondile; wozani, silandise eZiyone umsebenzi weNkosi uNkulunkulu wethu.

UJobe 35:14

Kuzakuba kubi kuwe uba usithi: UNkulunkulu kangiboni. Uzithobe phambi kwakhe, ulindele ilizwi lakhe,

U-Isaya 51:22

INkosi yakho, iNkosi uNkulunkulu wakho emela indaba yabantu bayo, ithi: Ngisusile esandleni sakho inkezo edakisayo; umganu wolaka lwami kawusayikuwunatha;

UJeremiya 14:7

Loba izono zethu zisilahla, sebenza, wena Nkosi, ngenxa yebizo lakho; ngoba sihlamukile kanengi, sonile kuwe.