UMikha 7:3 - iBhayibhili Elingcwele 1978

³ Izandla zabo zikhuthalele ukwenza okubi, isikhulu lomahluleli bathengwa ngemali, loyisikhulu wahlulela ngokuthanda kwakhe, kuhlanekelwe ukulunga.

IBhayibhili Elingcwele LesiNdebele

³ Izandla zombili zizingcitshi ekwenzeni okubi; umbusi ufuna izipho ngamandla, umahluleli wamukela isivalamlomo, abalamandla babiza abakufisayo, bonke baceba okubi bendawonye.

UMikha 7:3 Referans Kwoze

UMikha 3:11

Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

uAmosi 5:12

Ngoba ngiyazi ukuba iziphambeko zenu zinengi kangakanani, lokuba izono zenu zinkulu kangakanani, lina elihlupha abalungileyo, lamukele umvuzo wokuthengwa, lixotshe abaswelayo enkundleni.

UJeremiya 8:10

Ngalokhuke omkabo ngizabanika abanye, lamasimu abo ngiwanike abanqobi, ngoba kusukela kwabancinyane kuze kufike kwabakhulu bonke bayizihwaba zenzuzo embi, labaprofethi labapristi bonke bayakhohlisa.

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

UMatewu 26:15

wathi: Lizakunginikani aluba ngimnikela kini na? Basebemnika inhlamvu zesiliva ezingamatshumi amathathu.

UHosiya 4:18

lexuku lezidakwa, bazinikela ekuwuleni, bethanda ihlazo ukwedlula udumo lwabo.

UHezekhiyeli 22:27

Izikhulu eziphakathi kwalo zifana lempisi eziphangayo, ezichitha igazi zibulala abantu, ukuba zizuze umvuzo ngobuqili.

UHezekhiyeli 22:6

Zonke izikhulu zakoIsrayeli ezikuwe zisebenzisa amandla azo ukuchitha igazi.

UJeremiya 3:5

Uzahlala uthukuthele njalonjalo, elolaka kuze kube sekucineni na? Utsho njalo wena, kodwa uphikilele ukwenza konke okubi.

U-Isaya 26:21

Ngoba, khangelani, iNkosi iyaphuma endaweni yayo ukuba itshaye abahlala emhlabeni ngenxa yobubi babo; umhlaba uzaveza igazi elachitheka kuwo, ungabe usabafihla ababuleweyo bawo.

U-Isaya 1:23

Izikhulu zakho zingabahlamuki labangane bamasela; zithanda ukwamukela umvuzo wokuthengwa, zigijimela izipho; kazivikeli izintandane, lendaba yomfelwakazi kayifinyeleli kuzo.

Izaga 17:23

Umuntu omubi wamukela umvuzo wokuthengwa ensitha, ukuba ahlanekele ukulunga.

U-Isaya 3:5

Abantu bazakucindezelana, kube yilowo lalowo umngane wakhe, lalowo lalowo umakhelwana wakhe; abatsha bazakudelela abadala, labadelelekileyo badelele abalodumo.

U-Isaya 5:23

abayekela abalamacala ngenxa yomvuzo, bathathele abangelacala ilungelo labo!

U-Isaya 32:7

Inkohliso zomkhohlisi zimbi; wenza amacebo amabi ukuba achithe abayanga ngamazwi amanga, abamuke okufaneleyo.

UHezekhiyeli 9:9

Yathi kimi: Ububi bakoIsrayeli lobakoJuda bukhulu kakhulu, ilizwe ligcwele igazi, lomuzi ugcwele ukungalungi, ngoba bathi: INkosi ilitshiyile ilizwe leli, kayiboni.

UHezekhiyeli 22:12

Phakathi kwakho abantu bazuza imivuzo yokuthengwa ngokuchitha igazi; uyazinothisa ngokuthatha inzuzo lomvuzo kubomakhelwana bakho ngobuqili. Usungikhohliwe, kutsho iNkosi uNkulunkulu.

UHosiya 7:3

INkosi uNkulunkulu ithi: Ngobubi babo bayayikhohlisa inkosi, lababusi ngenkohliso yabo.

UMikha 2:8

INkosi ithi: Kanti liyizitha zabantu bami, libahlubule ingubo zabo abathanda ukuthula, lalabo abadlulayo bevela empini, besithi bavikelekile.

UMikha 3:2

lina elizonda okuhle, lithande okubi, elebula isikhumba sabantu bami, lihlubule inyama emathanjeni abo,

Izaga 16:30

Ofica ilihlo uceba okubi, oluma indebe zakhe ufuna ukugebenga.

UJeremiya 4:22

Abantu bami bayizithutha, kabangazi; bangabantwana abayiziphukuphuku, kabalakuqedisisa. Bahlakaniphele ukwenza okubi, kodwa ukwenza okuhle kabakwazi.

UHezekhiyeli 34:21

Ngoba liyasunduza ngemihlubulo langamalunda, lihlabe ezibuthakathaka ngempondo zenu, zize zihlakazekele khatshana,