UMikha 7:18 - iBhayibhili Elingcwele 1978

¹⁸ Ngubani uNkulunkulu onjengawe, othethelela isono sabantu bakhe abaseleyo ayekele isiphambeko sabo na? Kathukutheli kokuphela, ngoba uthokoza ngothando olungapheliyo.

IBhayibhili Elingcwele LesiNdebele

¹⁸ Ngubani onguNkulunkulu njengawe, oxolela izono athethelele iziphambeko zensalela zelifa lakhe na? Kawuthukutheli kokuphela kodwa uthokoza ngokutshengisa isihawu.

UMikha 7:18 Referans Kwoze

U-Isaya 43:25

Mina nginguye owesula iziphambeko zakho ngenxa yami; kangisayikuzikhumbula lezono zakho.

U-Isaya 44:22

Ngesule iziphambeko zakho njengeyezi, lezono zakho njengenkungu; buyela kimi, ngoba ngikuhlengile.

UJeremiya 50:20

Ngalezonsuku langalesosikhathi, kutsho iNkosi, kuzadingwa ukona koIsrayeli, kodwa kungafunyanwa; kudingwe lesono koJuda, kodwa singafunyanwa; ngoba ngizabathethelela labo abayingcosana engibatshiyayo.

UJeremiya 32:41

Ngizathokoza ngokubenzela okuhle, ngibagxumeke ngobuqotho kulelilizwe ngayo yonke inhliziyo yami langawo wonke umoya wami.

UJeremiya 3:12

Hamba uyememezela lamazwi ngasenyakatho uthi: Buya wena Israyeli ongathembekanga, kutsho iNkosi. Kangiyikukuthukuthelela, ngoba ngilesihawu, itsho iNkosi. Kangiyikuthukuthela kokuphela.

U-Eksodasi 15:11

Ngubani onjengawe, Nkosi, phakathi kwabonkulunkulu na? Ngubani onjengawe olobukhosi ngobungcwele, owesabekayo ngezenzo ezinkulu, owenza izimangaliso na?

AmaHubo 89:8

Nkosi Nkulunkulu wamabandla, ngubani ongafaniswa lawe, Nkosi, ngamandla langobuqotho bakho bonke na?

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AmaHubo 65:3

ngenxa yezono. Lapho iziphambeko zethu zisahlula, uyasithethelela.

AmaHubo 89:6

Ngoba ngubani ongafaniswa lawe ezulwini, Nkosi, na? Ngubani phakathi kwezidalwa zasezulwini ofana leNkosi,

ULukha 24:47

kutshunyayelwe ebizweni lakhe ukuphenduka, lokuthethelelwa kwezono ezizweni zonke, kuqalwe eJerusalema.

UMikha 4:7

Abaqhulayo ngizakubenza babe lixukwana labaseleyo, labadeliweyo babe yisizwe esilamandla; iNkosi izakubabusa entabeni yaseZiyone, kusukela khathesi kuze kube nininini.

UMikha 2:12

Ngizakulibutha lonke, lina bakoJakobe, ngibuthe abaseleyo bakoIsrayeli, ngibabuthelele ndawonye njengezimvu esibayeni, njengomhlambi osedlelweni lawo, libe lixuku labantu ababanga umsindo.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

1 AmaKhosi 8:23

wathi: Nkosi, Nkulunkulu kaIsrayeli, kakho uNkulunkulu ofana lawe ezulwini phezulu lasemhlabeni phansi ogcina isivumelwano utshengisa uthando olungapheliyo ezincekwini zakho ezihamba phambi kwakho ngobuqotho.

UDutheronomi 33:26

Kakho onjengoNkulunkulu, wena Jeshuruni, ogade amazulu ukuyakusiza, lomkhathi ngobukhosi bakhe.

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.

UZefaniya 3:17

INkosi uNkulunkulu wakho iphakathi kwakho, injengeqhawe elinqobayo; izajabula ngawe ngentokozo, ikuvuselele ngothando lwayo, ithabe ngawe ngokuhlabelela

UMikha 7:14

Yelusa abantu bakho ngentonga yakho, umhlambi ongowakho impela ohlala wodwa ehlathini lasezihotsheni; kawalukele eBashani laseGileyadi njengasendulo.

UJona 4:2

Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.

UJoweli 2:32

Kuzakuthi bonke abakhuleka ebizweni leNkosi bakhululwe; ngoba entabeni yaseZiyone kuzakuba khona labo abaphunyukileyo, njengokutsho kweNkosi, laseJerusalema kube khona abaseleyo ababizwe yiNkosi.

U-Isaya 57:16

Ngoba kangiyikulwa kokuphela, futhi kangiyikuthukuthela njalonjalo; ngoba umoya wokuphila waphuma kimi, ngadabula abantu.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

UDanyeli 9:9

Kuwe, Nkosi uNkulunkulu wethu, kukhona isihawu lokuthethelela; ngoba sikuhlamukile.

UJeremiya 3:5

Uzahlala uthukuthele njalonjalo, elolaka kuze kube sekucineni na? Utsho njalo wena, kodwa uphikilele ukwenza konke okubi.

U-Isaya 65:19

Ngizathokoza ngeJerusalema, ngijabule ngabantu bami; kakusayikuzwakala kulo ilizwi lokukhala lelizwi lokulila.

U-Isaya 55:7

omubi katshiye indlela yakhe, longalunganga imicabango yakhe, abuyele eNkosini ezakuba lomusa kuye, lakuNkulunkulu wethu, ngoba uzamthethelela ngesihle.

U-Isaya 1:18

Wozanike, siqondisane, itsho iNkosi; loba izono zenu zibomvu gebhu, zizakuba mhlophe njengongqoqwane; loba zibomvu njengegazi, zizakuba mhlophe njengoboya bezimvu.

AmaHubo 130:4

Kodwa uyathethelela wena, ukuze wesatshwe.

AmaHubo 71:19

Ukulunga kwakho, Nkulunkulu, kufinyelele emazulwini. Wena owenze izinto ezinkulu, Nkulunkulu, ngubani onjengawe na?

UNehemiya 9:17

Bala ukulalela, bakhohlwa izimangaliso owazenza phakathi kwabo; baba lenkani, bazikhethela umkhokheli ukuba babuyele ebugqilini babo eGibithe. Kodwa wena unguNkulunkulu othanda ukuthethelela, olumusa lesihawu, ophuza ukuthukuthela, lolothando olungapheliyo, kawubalahlanga.

U-Eksodasi 34:9

Wathi: Uba ngifumene umusa emehlweni akho, Nkosi, ake uhambe phakathi kwethu, lanxa lababantu bengabanhliziyo zilukhuni, usithethelele ububi bethu lokona kwethu, usithathe sibe yilifa lakho.

AbaseRoma 11:4

Kodwa uNkulunkulu emphendula wathini? Wathi: Ngizilondolozele mina amadoda azinkulungwane eziyisikhombisa angaguqanga ngamadolo kuBali.

ULukha 15:32

Bekufanele ukuba sijabule, sithokoze, ngoba umnawakho lo owayefile usebuye wasila; wayelahlekile, usefunyenwe.

UMikha 5:3

Ngakhoke uzabanikela, aze abelethe ohelelwayo, besekubuya koIsrayeli abaseleyo kubafowabo.

uAmosi 8:2

Yathi kimi: Amosi, ubonani na? Ngathi: Ngibona isitsha sezithelo zasehlobo. INkosi yasisithi kimi: Ukuphela sekufikile ebantwini bami uIsrayeli; kangisayikubayekela futhi.

uAmosi 7:8

Yathi kimi: Amosi, ubonani na? Ngathi: Ngibona intambo yokumisa. INkosi yasisithi: Khangela, ngiyabeka intambo yokumisa phakathi kwabantu bami uIsrayeli; kangisayikubayekela futhi;

UJeremiya 31:34

Kabasayikufundisana kube yilowo lalowo lomakhelwana wakhe, lalowo lalowo lomfowabo esithi: Yazi iNkosi! Ngoba bazangazi bonke, kusukela komncinyane wabo kuze kufike komkhulu, kutsho iNkosi. Ngizathethelela ububi babo, lesono sabo kangisayikusikhumbula.

U-Isaya 57:10

Wadiniswa yibude bendlela yakho, kodwa kawutshongo ukuthi: Lokhu kakusizi lutho; wazuza amandla amatsha, ngakhoke kawuphelanga amandla.

U-Isaya 40:25

Pho, lizangilinganisa lobani, lizangifanisa lobani na? kutsho oNgcwele.

U-Isaya 40:18

Lizamfanisa lobanike uNkulunkulu, loba limlinganise lomfanekiso kabani na?

AmaHubo 103:13

Njengoyise ehawukela abantwana bakhe, ngokunjaloke iNkosi iyabahawukela bona abayesabayo.

AmaHubo 35:10

Wonke amathambo ami azakuthi: Nkosi, ngubani onjengawe, okhulula ababuthakathaka kubo abalamandla, ababuthakathaka labaswelayo kubo ababaphangayo na?

AmaNani 23:21

Ububi kabufunyaniswanga kuJakobe, lokuhlupheka kakubonakalanga kuIsrayeli. INkosi uNkulunkulu wabo ilabo, kumenyezelwa phakathi kwabo ukuthi iyinkosi.

UJeremiya 38:8

uEbedimeleki waphuma esigodlweni waya enkosini,

U-Isaya 62:5

Ngoba njengejaha lithatha intombi, ngokunjaloke okwakhayo uzakukuthatha; lanjengomyeni ethokoziswa ngumlobokazi, uNkulunkulu wakho uzakuthokoza ngawe.

UGenesisi 4:7

Angithi uba usenza kuhle, uzakwamukeleka na? Kodwa uba ungenzi kuhle, isono siyakucathamela ngasemnyango sikunxwanele, kodwa umele ukusibusa.

2 ImiLando 6:21

Akulalele ukucela kwenceku yakho lokwabantu bakho uIsrayeli lapho bekhuleka bekhangele kulindawo; yebo, uzwe wena, usezulwini endaweni yakho yokuhlala; lapho usizwa, uthethelele.

2 ImiLando 30:9

Uba libuyela eNkosini, izihlobo zenu labantwana benu bazafumana isihawu kulabo ababathumbileyo, babuye kulelilizwe. Ngoba iNkosi uNkulunkulu wenu ilomusa lesihawu, kayiyikulifulathela uba libuyela kuyo.

U-Isaya 33:24

Kakulamuntu ohlala khona ozakuthi: Mina ngiyagula. Abantu abahlala khona bazathethelelwa izono zabo.

U-Isaya 64:9

Ungathukutheli kakhulu, Nkosi, ungakhumbuli ububi kokuphela. Khumbula ukuba thina sonke singabantu bakho.

UJeremiya 9:24

kodwa ozincomayo kazincome ngalokhu, ukuthi uyangiqedisisa, futhi uyazi ukuba mina ngiyiNkosi elothando olungapheliyo, lokulunga, lobuqotho emhlabeni; ngoba lezizinto ngiyezithanda, kutsho iNkosi.

UJeremiya 31:20

Kambe uEfrayimi uyindodana yami yini eligugu kimi, ungumntwana wami othandekayo na? Ngoba lapho ngikhuluma ngokubi ngaye, ngiyamkhumbula. Ngakho inhliziyo yami iyamlangatha; impela ngizakuba lesihawu kuye, kutsho iNkosi.

UJeremiya 33:8

ngibahlambulule kubo bonke ububi babo abona ngabo kimi, ngibathethelele isono sabo lobubi bokungihlamuka kwabo.

UHezekhiyeli 18:23

Ngiyathokoziswa yini yikufa komubi, kutsho iNkosi uNkulunkulu, kungabi yikuphenduka kwakhe endleleni yakhe aphile na?

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

uAmosi 1:11

INkosi ithi: Ngenxa yeziphambeko ezinengi zamaEdoma kangiyikuwayekela, ngoba axotshana labafowabo ngomkhonto, aswela isihawu, lolaka lwawo lwavutha njalonjalo, ahlala ethukuthela kokuphela.

Abahluleli 10:16

Basebekhupha onkulunkulu bezizweni phakathi kwabo, bakhonza iNkosi eyayingebe isakumela ukuhlupheka kukaIsrayeli.

AmaHubo 65:4

Ubusisiwe omkhethayo wena, omsondezayo ukuba ahlale emagumeni akho. Sizakusutha ngokuhle kwendlu yakho, ithempeli lakho elingcwele.

U-Isaya 38:17

Ubuhlungu bami babenzelwe ukungisiza mina; nguwe olondoloze ukuphila kwami ukuba ngingayi emgodini wokuchitheka, ngoba uziphosele ngemva kwakho zonke izono zami.

UHezekhiyeli 33:16

Kakusayikukhunjulwa lesisodwa sezono azenzileyo; ngoba wenzile okufaneleyo lokulungileyo, uzakuphila impela.

UHosiya 14:5

Ngizakuba njengamazolo kuIsrayeli; uzakhahlela njengomduze, agxumekeke njengomkhaya omhlophe.