UMikha 5:2 - iBhayibhili Elingcwele 1978

² Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

IBhayibhili Elingcwele LesiNdebele

² “Kodwa wena Bhethilehema Efrathi, lanxa umncinyane phakathi kwezizwana zakoJuda, kuwe kuzavela ozakuba ngumbusi wako-Israyeli, omdabuko wakhe ngowasekadeni, kusukela ezikhathini zendulo.”

UMikha 5:2 Referans Kwoze

UMatewu 2:6

Lawe Betlehema, lizwe lakoJuda, kawusuye omncinyane lakanye kubabusi bakoJuda, ngoba kuzakuvela kuwe umbusi ozakwalusa abantu bami uIsrayeli.

UJohane 7:42

Kawutsho yini umbhalo ukuthi uKristu uzavela enzalweni kaDavida laseBetlehema, emzini lapho uDavida wayekhona na?

AmaHubo 90:2

Zingakaveli intaba, ungakawenzi umhlaba lelizwe, kusukela endulo kuze kube nini lanini wena unguNkulunkulu.

U-Isaya 11:1

Kuzakuvela ihlumela esidindini sikaJese, kuphume ugatsha empandeni zakhe.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

AbaseKholose 1:17

Yona ingaphambi kwakho konke, lezinto zonke zimi ngayo.

Isambulo 19:16

Engutsheni yakhe lasethangazini lakhe kulotshwe ibizo elithi: INkosi yamakhosi loMbusi wababusi.

1 USamuyeli 17:12

UDavida wayeyindodana yomEfrathi waseBetlehema koJuda, othiwa nguJese; wayelamadodana aficaminwembili. Ngesikhathi sikaSawuli lowomuntu wayeseluphele eseleminyaka eminengi.

UGenesisi 48:7

Minake, ekusukeni kwami ePadani‐Arama, ngafelwa nguRaheli endleleni, elizweni laseKanani, sisekhatshana leEfrathi; ngammbela khona ngasendleleni eya eEfrathi, eliliBetlehema.

1 UJohane 1:1

Lokho okwakukhona kusukela ekuqaleni, esakuzwayo, sakubona ngamehlo ethu, lesakukhangelayo, lezandla zethu zakuphatha, kumayelana lelizwi lokuphila.

AmaHebheru 13:8

UJesu Kristu nguye izolo, lalamuhla, lanininini.

UMatewu 28:18

UJesu wasondela, wakhuluma labo esithi: Aphiwe mina amandla wonke ezulwini lasemhlabeni;

URuthe 4:11

Bonke abantu ababesenkundleni labadala bathi: Thina singofakazi; kungathi iNkosi ingamenza lo owesifazana ozayo emzini wakho abe njengoRaheli loLeya abayakhayo indlu kaIsrayeli bendawonye. Kungathi ungaphumelela eEfratha, ube lodumo eBetlehema,

UGenesisi 35:19

URaheli wafa, wambelwa endleleni eya eEfrathi, eliliBetlehema.

AmaHebheru 7:14

Ngoba kusobala ukuthi iNkosi yethu yavela koJuda, isizwe uMose angakhulumanga lutho ngaso mayelana lobupristi.

uAmosi 9:11

Ngalolosuku ngizakuvusa idumba likaDavida eliwileyo, ngivale izikhala zalo, ngilungise okudilikileyo kwalo, ngilakhe kutsha njengasensukwini zasendulo;

UJeremiya 30:21

Isikhulu sabo sizakuba ngomunye wabo, lombusi wabo uzavela phakathi kwabo; ngizamsondeza, asondele kimi, ngoba ngubani ongaba lesibindi sokusondela kimi na? kutsho iNkosi.

U-Isaya 53:2

Ngoba inceku yakhula njengehlumela phambi kweNkosi, lanjengempande emhlabathini owomileyo; yayingelasithunzi lobuhle ukuba siyibuke, yayingabukeki ukuba siyifune.

1 USamuyeli 10:19

Kodwa lamuhla limlahlile uNkulunkulu wenu owalikhululayo engozini zonke lasensizini zenu; lathi: Atshi, sibekele inkosi. Ngakho manini phambi kweNkosi uNkulunkulu ngezizwe zenu langezinsendo zenu.

ULukha 23:38

Kwakukhona lombhalo ngaphezu kwakhe wokuthi: LO YINKOSI YABAJUDA.

ULukha 23:2

Baqala ukummangalela, besithi: Simfumene lumuntu eduhisa isizwe sakithi, esalela ukuthela kuKesari, esithi nguye onguKristu inkosi.

1 ImiLando 5:2

nguJuda owayelamandla phakathi kwabafowabo, wazala umbusi, kodwa ubuzibulo babungobukaJosefa —

1 ImiLando 4:4

UPenuweli wazala uGedori, loEzeri wazala uHusha. Laba babengamadodana kaHuri, izibulo likaEfratha, uyise kaBetlehema.

U-Eksodasi 18:21

Futhike ukhethe phakathi kwabo bonke abantu amadoda alamandla, amesabayo uNkulunkulu, aqotho, azonda inzuzo engalunganga, uwabeke phezu kwabantu ukuba abe yizinduna zezinkulungwane lezinduna zamakhulu lezinduna zamatshumi amahlanu lezinduna zamatshumi;

Isambulo 21:6

Wasesithi kimi: Sekwenzekile. NginguAlfa loOmega, ukuqala lokucina. Owomileyo ngizakumnathisa ngesihle emthonjeni wamanzi okuphila.

Isambulo 2:8

Lakuso isithunywa sebandla eliseSemerna loba uthi: Nanku akutshoyo owokuqala lowokucina, owake wafa, kodwa osephila, uthi:

AmaHubo 132:6

Khangela, sezwa ngomtshokotsho wesivumelwano eEfratha, sawufumana elizweni laseJari.

1 ImiLando 2:54

Amadodana kaSalima ayengoBetlehema lamaNetofa loAtarothi loBeti‐Jowabi lengxenye yamaManahethi lamaZori;

1 USamuyeli 23:23

Dingani, lizazi zonke indawo lapho acatsha khona, libuyeke kimi selileqiniso. Ngizahambake lani; kuthike nxa ekhona elizweni, ngimdinge phakathi kwazo zonke inkulungwane zabantu bakoJuda.

1 USamuyeli 17:18

Lezizinkwa zetshizi ezilitshumi uzaziphathela induna yabo; ubone ukuthi abafowenu basaphila kuhle yini, ubuye lesibonakaliso esivela kibo.

UDutheronomi 1:15

Ngakhoke ngasengithatha izinhloko zezizwe zenu, amadoda ahlakaniphileyo, alolwazi, ngawabeka aba zinhloko zenu, izinduna zezinkulungwane lezinduna zamakhulu, lezinduna zamatshumi amahlanu, lezinduna zamatshumi, leziphathamandla zezizwe zenu.

1 USamuyeli 8:12

Izazibekela kiwo izinduna zezinkulungwane lezinduna zamatshumi amahlanu, amanye azalima amasimu ayo, avune amabele ayo, enze izikhali zayo zempi lempahla yezinqola zayo zokulwa.

U-Eksodasi 18:25

UMose wakhetha amadoda alamandla phakathi kwabo bonke abakoIsrayeli, wawabeka aba yizinhloko zabantu, induna zezinkulungwane lezinduna zamakhulu lezinduna zamatshumi amahlanu lezinduna zamatshumi.

UMatewu 2:1

Kwathi uJesu esezelwe eBetlehema elaseJudiya ensukwini zikaHerodi inkosi, kwafika izazi eJerusalema zivela kwelasempumalanga,

UGenesisi 35:16

Basebesuka eBetheli: kwathi kusesengummango ukuya eEfrathi, uRaheli wahelelwa, wabeletha kanzima.

Abahluleli 17:7

Kwakukhona insizwa yaseBetlehema koJuda, eyosendo lukaJuda, yayingumLevi, ihlala khona.

URuthe 1:1

Kwathi ensukwini zabahluleli kwaba khona indlala elizweni. Umuntu othile waseBetlehema koJuda wasuka wayahlala elizweni laseMowabi, yena lomkakhe lamakhe amabili.

U-Isaya 55:4

Ngamenza waba ngufakazi ebantwini, waba ngumholi lomlawuli wamabutho ezizweni.

UHosiya 6:3

Asiyazi, asiphikelele ukuyazi iNkosi, ukufika kwayo kuqinisekile njengokusa; izafika kithi njengemikhizo, njengezulu elinetha umhlaba.

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

U-Isaya 7:14

Ngakhoke iNkosi uqobo izakukunika isibonakaliso. Khangela, intombi izakuthatha isisu, ibelethe indodana ezakubizwa ngokuthi nguEmanuweli.

UMikha 4:10

Zitshile, ububule, Ziyone, njengowesifazana ohelelwayo; ngoba khathesi uzaphuma emzini, uhlale egangeni; uzakuya laseBabiloni lapho uzakhululwa khona, lapho iNkosi izakukuhlenga khona ezitheni zakho.