UMikha 4:6 - iBhayibhili Elingcwele 1978

⁶ Ngalolosuku, kutsho iNkosi, ngizababuthanisa abaqhulayo, ngiqoqe abaxotshiweyo lalabo engibahluphileyo.

IBhayibhili Elingcwele LesiNdebele

⁶ “Ngalolosuku,” kutsho uThixo, “ngizabutha abaqhulayo; ngizaqoqa abathunjwayo lalabo engabehlisela usizi.

UMikha 4:6 Referans Kwoze

UZefaniya 3:19

Khangela, ngalesosikhathi ngizakulwa labo bonke abakucindezelayo; ngizakusiza bonke abaqhulayo, ngibuthe abaxotshiweyo, ngiphendule ihlazo labo libe yingoma yokudumisa lodumo emhlabeni wonke.

UJohane 10:16

Ngilezinye izimvu ezingesizo zalesisibaya; lazo ngifanele ukuziletha; zizakuzwa ilizwi lami, ukuze zibe mhlambi munye lomalusi munye.

U-Isaya 56:8

INkosi uNkulunkulu ebuyisa abathunjiweyo bakoIsrayeli ithi: Ngisezakubuyisa abanye futhi ngaphandle kwalabo asebebuyisiwe.

AmaHubo 147:2

INkosi iyalakha iJerusalema, iqoqe bonke abahlakazekileyo bakoIsrayeli.

ULukha 19:10

Ngoba iNdodana yomuntu ize ukufuna lokusilisa okulahlekileyo.

UMikha 2:12

Ngizakulibutha lonke, lina bakoJakobe, ngibuthe abaseleyo bakoIsrayeli, ngibabuthelele ndawonye njengezimvu esibayeni, njengomhlambi osedlelweni lawo, libe lixuku labantu ababanga umsindo.

UHezekhiyeli 36:24

Ngoba ngizalithatha ezizweni, ngilibuthe emazweni wonke, ngililethe elizweni lenu.

UJeremiya 31:8

Khangelani, ngizabakhupha elizweni lasenyakatho, ngibabuthe emikhawulweni yomhlaba; phakathi kwabo kukhona iziphofu labaqhulayo, labesifazana abakhulelweyo kanye labahelelwayo, belixuku elikhulu bazabuya lapha.

UJeremiya 3:18

Ngalezonsuku indlu yakoJuda izahlangana lendlu yakoIsrayeli, ziphume kanyekanye elizweni lasenyakatho, zize elizweni engalinika okhokho benu ukuba libe ngelabo.

AmaHubo 38:17

Ngoba sengiseduze lokuwa, lobuhlungu bami buphezu kwami izikhathi zonke.