UMikha 4:5 - iBhayibhili Elingcwele 1978

⁵ Ngoba bonke abantu balalela unkulunkulu wabo, kodwa thina sizalalela iNkosi uNkulunkulu wethu kuze kube nininini.

IBhayibhili Elingcwele LesiNdebele

⁵ Zonke izizwe zingahamba ebizweni labonkulunkulu bazo; thina sizahamba ebizweni likaThixo uNkulunkulu wethu kuze kube laphakade.

UMikha 4:5 Referans Kwoze

UZakhariya 10:12

Amandla abo azakuba seNkosini, bahambe bethokoza ebizweni layo, kutsho iNkosi.

AbaseKholose 3:17

Konke elikwenzayo, loba kungelizwi loba kungezenzo, kwenzeni konke ebizweni leNkosi uJesu, libonge uNkulunkulu uYise ngaye.

UJoshuwa 24:15

Uba lingafuni ukuyikhonza iNkosi, khethani lamhla lowo elizamkhonza, onkulunkulu abakhonzwa ngokhokho benu elizweni elingaphetsheya komfula iYufrathi, loba onkulunkulu bamaAmori elihlala elizweni lawo. Mina lendlu yami sizayikhonza iNkosi.

U-Isaya 2:5

Wena ndlu kaJakobe, wozani sihambe ekukhanyeni kweNkosi.

AmaHubo 48:14

ukuthi lo nguNkulunkulu, unguNkulunkulu wethu kuze kube nininini; yena uzakusihola kuze kube nini lanini.

AbaseKholose 2:6

Ngakhoke njengalokho limamukele uKristu Jesu iNkosi, hlalani kuye,

U-Isaya 26:8

Nkosi, sihambe endleleni yemilayo yakho, sakuthemba; imiphefumulo yethu ilangatha ibizo lakho lezikhumbuzo zakho.

2 AmaKhosi 17:34

Basayenza imikhuba yabo emidala kuze kube lamuhla. Kabayikhonzi iNkosi uNkulunkulu, kabalandeli izimiso lemithetho lomlayo lezimemezelo iNkosi eyalaya ngakho abantwana bakaJakobe eyambiza ngokuthi nguIsrayeli.

2 AmaKhosi 17:29

Izizwe zonke zazilokhu zizenzela abazo onkulunkulu, zabafaka emathempelini ezindawo eziphakemeyo zokukhonzela ezazakhiwe ngamaSamariya, yileso laleso isizwe endaweni yaso;

UGenesisi 17:1

Kwathi uAbrama eseleminyaka engamatshumi aficamunwemunye lesificamunwemunye iNkosi yabonakala kuye, yathi kuye: NginguNkulunkulu uSomandla; hamba phambi kwami, ungasoleki.

AmaHubo 71:16

Ngizakhumbula izenzo ezinkulu zeNkosi uNkulunkulu, ngidumise ukulunga kwakho, okwakho kuphela.

Imisebenzi 14:16

owathi ezizukulwaneni ezidlulileyo wayekela izizwe zonke zahamba ngendlela zazo.

U-Isaya 26:13

Nkosi Nkulunkulu wethu, amanye amakhosi ngaphandle kwakho ake asibusa, kodwa libizo lakho kuphela esilidumisayo.

UDutheronomi 27:10

Ngakhoke lalela ilizwi leNkosi uNkulunkulu wakho, ugcine imilayo yayo lezimiso zayo engikulaya zona lamuhla.

AmaHubo 20:6

Sengisazi ukuthi iNkosi izakumsiza ogcotshiweyo wayo, imphendule isezulwini layo elingcwele ngezenzo ezilamandla zokunqoba ngesandla sakhe sokunene.

UJeremiya 32:40

Ngizakwenza labo isivumelwano esingelakuphela, ukuze ngingayekeli ukubenzela okuhle, ngifake ukungesaba enhliziyweni zabo ukuze bangangitshiyi.