UMikha 4:4 - iBhayibhili Elingcwele 1978

⁴ kodwa abantu bazakuzihlalela ngaphansi kwezihlahla zabo zevini, langaphansi kwezomkhiwa, kabayikwethuswa lutho; ngoba iNkosi yamabandla ikhulumile.

IBhayibhili Elingcwele LesiNdebele

⁴ Umuntu wonke uzahlala ngaphansi kwesihlahla sakhe sevini langaphansi kwesihlahla sakhe somkhiwa, njalo kakho ozabenza besabe, ngoba uThixo uSomandla usekhulumile.

UMikha 4:4 Referans Kwoze

UZakhariya 3:10

Ngalolosuku, kutsho iNkosi yamabandla, ilowo lalowo wenu uzanxusa umngane wakhe ukuba azehlala ngaphansi kwesihlahla sakhe sevini langaphansi kwesomkhiwa.

1 AmaKhosi 4:25

AbakoJuda labakoIsrayeli babevikelekile kusukela koDani kuze kufike eBerisheba, bonke babezihlalela ngaphansi kwezihlahla zabo zevini langaphansi kwezomkhiwa kuzo zonke insuku zokubusa kukaSolomoni.

UHezekhiyeli 39:26

Bazakhohlwa ihlazo labo lokungikhohlisa kwabo konke, nxa sebehlale elizweni labo kungasekho lobethusayo,

U-Isaya 1:20

kodwa uba lisala lihlamuka, lizadliwa ngomkhonto; ngoba iNkosi isikhulumile.

U-Isaya 54:14

Uzakuqiniswa ngokulunga; uzavikeleka ekucindezeleni, ungesabi; uvikeleke kokwesabekayo, kakuyikusondela kuwe.

UHezekhiyeli 34:28

Kazisayikuba yimpango yezizwe, kazisayikudliwa yizilo zelizwe; zizalondolozeka, zingesatshiswa muntu.

U-Isaya 58:14

uzafumana intokozo kimi, ngizakukukhweza ezintabeni eziphakemeyo zomhlaba, ngikuphe ilifa likaJakobe ukhokho wakho ukuba ulidle; ngoba umlomo weNkosi ukukhulumile.

U-Isaya 40:5

Inkazimulo yeNkosi izakubonakaliswa, bonke abantu bayibone kanyekanye, ngoba iNkosi ikukhulumile lokhu.

UHezekhiyeli 38:11

uthi: Ngizahlasela ilizwe elilemizi engabiyelwanga, ngibulale abantu abahlala ngokuthula bengethuki lutho, bonke behlala emizini engelamiduli, lengelamasango lemigoqo,

UHezekhiyeli 34:25

Ngizakwenza lazo isivumelwano sokuthula, ngixotshe izilo zeganga elizweni, ukuze zilondolozeke enkangala, zilale ehlathini.

U-Isaya 26:16

Nkosi, sakudinga sisekuhluphekeni, sakhuleka kuwe lapho sitshaywa.

ULevi 26:6

Ngizakulinika ukuthula elizweni, lilale lingethuswa muntu, ngisuse inyamazana ezimbi elizweni, lempi kayiyikuhlasela elizweni lakini.

UJobe 11:19

Uzalala engethuswa muntu, abanengi bazincengele kuwe.

AmaHubo 72:3

Izintaba kazilethele abantu ukuthula, lamaqaqa ukulunga.

U-Isaya 17:2

Imizi yaseSiriya izatshiywa kokuphela, ibe yindawo yokulala imihlambi, ingethuswa lutho.

U-Isaya 22:25

Ngalolosuku, kutsho iNkosi yamabandla, isikhonkwane esabethelwa saqina sizakhumuka, saphuke siwe; lomthwalo obuphezu kwaso udilike; ngoba iNkosi ikhulumile.

U-Isaya 36:16

Lingamlaleli uHezekiya, ngoba inkosi yaseAsiriya ithi: Yenzani isivumelwano sokuthula lami, liphume lize kimi; lonke lizazidlela izithelo zamavini enu, lezithelo zemikhiwa yenu, lizinathele amanzi emithombo yenu,

UJeremiya 30:10

Ngakhoke ungesabi, wena Jakobe, nceku yami; ungatshaywa luvalo, wena Israyeli, kutsho iNkosi; ngoba ngizakukukhulula endaweni ekhatshana, lenzalo yakho elizweni lokuthunjwa kwayo. UJakobe uzakubuya aphumule, ahlale kuhle, angethuswa muntu.

1 AmaKhosi 5:5

Ngakho sengizimisele ukwakhela ibizo leNkosi uNkulunkulu wami indlu njengokutsho kwayo kuDavida ubaba ukuthi: Indodana yakho engizayimisa ibuse endaweni yakho izangakhela indlu.

Izaga 3:25

Ungethuki nxa ukuchitheka kukujuma, njengesiphepha sifikela ababi;

U-Isaya 32:17

Ukulunga kuzaletha ukuthula lokuvikeleka, kuze kube nininini.

UJeremiya 23:4

Ngizakuzimisela abelusi abazakuzilondoloza; kazisayikwesaba, zitshaywe luvalo; futhi kakusayikulahleka leyodwa yazo, kutsho iNkosi.

UMikha 5:3

Ngakhoke uzabanikela, aze abelethe ohelelwayo, besekubuya koIsrayeli abaseleyo kubafowabo.

UZefaniya 3:13

abaseleyo koIsrayeli; kabayikwenza okubi, kabayikukhuluma amanga, kakuyikuphuma emlonyeni wabo amazwi akhohlisayo. Ngoba bazakwaluka balale phansi, kungabi khona obethusayo.