UMikha 4:1 - iBhayibhili Elingcwele 1978

¹ Kuzakuthi ensukwini ezizayo intaba yendlu yeNkosi iphakanyiswe phezu kwazo zonke intaba, yengame wonke amaqaqa; abantu bazakubekelela baye kuyo,

IBhayibhili Elingcwele LesiNdebele

¹ Ngezinsuku zokucina intaba yethempeli likaThixo izamiswa njengenhloko phakathi kwezintaba; izaphakanyiselwa phezu kwezintaba njalo izizwe zizabekelela zisiya kuyo.

UMikha 4:1 Referans Kwoze

UJeremiya 3:17

Ngalesosikhathi iJerusalema lizakuthiwa yisihlalo sobukhosi seNkosi; zonke izizwe zizabuthana khona, phambi kweNkosi eJerusalema; kazisayikulandela inhliziyo zazo ezilenkani.

AmaHubo 22:27

Imikhawulo yonke yomhlaba izakukhumbula, iphendukele eNkosini; lezizukulwana zonke zezizwe zizakhonza phambi kwayo.

UZakhariya 8:3

INkosi ithi: Ngizabuyela eZiyone, ngihlale phakathi kweJerusalema, leJerusalema lizakuthiwa ngumuzi othembekileyo, lentaba yeNkosi yamabandla izakuthiwa yintaba engcwele.

AmaHubo 86:9

Izizwe zonke ozenzileyo zizakuza zikhothame phambi kwakho, Nkosi, zidumise ibizo lakho.

Imisebenzi 2:17

Kuzakuthi ensukwini zokuphela, utsho uNkulunkulu, ngizakuthela uMoya wami phezu kwabantu bonke; amadodana enu lamadodakazi enu azakwazisela, lensizwa zenu zibone imibono, labadala benu baphuphe amaphupho;

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UHezekhiyeli 43:12

Nanku umlayo wethempeli, indawo yonke esengqongeni yentaba izakuba ngcwele kakhulu. Yiwo lowo umlayo wethempeli.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

UZakhariya 2:11

Izizwe ezinengi zizazihlanganisa leNkosi ngalolosuku, zibe ngabantu bayo. Izahlala phakathi kwakho, uzakwazi ukuba iNkosi yamabandla ingithumile kuwe.

U-Isaya 54:2

Qhelisa indawo yomuzi wakho, welule kakhulu amakhetheni ethente lakho, udonse kakhulu intambo zalo, ubethelisise lezikhonkwane zakho.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

AmaHebheru 1:2

Kodwa kulezinsuku zokucina ukhulume kithi ngeNdodana ayimise ibe yindlalifa yezinto zonke, yona adala ngayo futhi umhlaba.

UDanyeli 7:27

Amandla lobukhulu bemibuso yonke engaphansi komthunzi welanga kuzanikwa abantu abangcwele boPhezukonke. Ukubusa kwabo kakuyikuphela, layo yonke imibuso izakubakhonza ibalalele.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

U-Isaya 49:6

Ithi: Kuyinto elula kakhulu ukuba ube yinceku yami yokuvusa izizwe zikaJakobe, lokubuyisa abaseleyo koIsrayeli; ngizakukubeka ube yikukhanya kwezizwe, ukuze wenze ukukhulula kwami kufinyelele emhlabeni wonke.

Isambulo 15:4

Ngubani ongayikukwesaba, Nkosi, adumise ibizo lakho na? Ngoba nguwe wedwa ongcwele; izizwe zonke zizakuza zikudumise, ngoba izenzo zakho zokulunga zibonakalisiwe.

UMikha 3:12

Ngakhoke ngenxa yenu iZiyone lizalinywa njengensimu, leJerusalema libe lunxiwa oludilikileyo, lentaba yethempeli iphenduke ibe lihlathi.

UDanyeli 7:18

Kodwa abangcwele boPhezukonke bazakwamukeliswa umbuso, ube ngowabo kuze kube nininini.

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UDanyeli 2:35

Kwathi insimbi lebumba lethusi lesiliva legolide, konke kwaba yizicucu, kwafanana lomule lwesiza ehlobo. Kwaphetshulwa ngumoya, kwanyamalala, kakwaze kwasala lutho lwakho. Kodwa ilitshe elatshaya isithombe laba yintaba enkulu, lagcwalisa umhlaba wonke.

UDanyeli 2:28

kodwa ukhona uNkulunkulu ophezulu owambula izimfihlakalo, uyitshengisile inkosi uNebukadineza okuzakwenzeka ensukwini zokucina. Iphupho lakho lemibono eyafika engqondweni yakho ulele embhedeni yile;

UHezekhiyeli 40:2

Ngombono uNkulunkulu wangisa elizweni lakoIsrayeli, wangibeka phezu kwentaba ende kakhulu, lapho engabona khona okwakungathi yizindlu zomuzi kuphambi kwami.

UHezekhiyeli 38:16

Uzahlasela abantu bami bakoIsrayeli njengeyezi lisibekela umhlaba. Ensukwini zokucina ngizakukuqhubeza lelizwe lami ukuze izizwe zingazi, nxa ngibonakalisa ngawe ubungcwele bami phambi kwazo, wena Gogi.

UJeremiya 48:47

Kodwa ngizabuyisa abantu baseMowabi ensukwini ezizayo, kutsho iNkosi. Kuphela lapha ukwahlulelwa kweMowabi.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

U-Isaya 43:6

ngitsho lakuyo inyakatho ngithi: Bakhulule; lakuyo iningizimu ngithi: Ungabaleli; buyisani amadodana ami akhatshana, lamadodakazi ami ezindaweni zonke,

U-Isaya 27:13

Kuzakuthi ngalolosuku kutshaywe uphondo olukhulu, lalabo ababelahlekile elizweni laseAsiriya labaxotshelwe elizweni laseGibithe bazakuza, bayikhonze iNkosi entabeni engcwele eJerusalema.

AmaHubo 110:3

Abantu bakho bazakuzinikela ngokujabula mhla uhola izimpi zakho; emadabukakusa insizwa zakho zizakuza kuwe entabeni ezingcwele, zilamandla amatsha njengamazolo asekuseni.

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

UGenesisi 49:1

UJakobe wasebiza amadodana akhe wathi: Buthanani ukuba ngilitshele lokho okuzakulehlela ensukwini ezizayo.

2 UPhethro 3:3

Kuqala yazini lokhu ukuthi ngezinsuku zokucina kuzakufika abahleka ulunya, behamba ngezinkanuko zabo,

UDanyeli 10:14

ngizile ukuba ngikwenze uqedisise okuzakwehlela abantu bakini ensukwini zokucina. Lo ngumbono ngensuku ezizayo.

UDanyeli 7:22

kwaze kwafika oyisimakade, wabahlulela abangcwele boPhezukonke; kwafika isikhathi sokuba abangcwele bamukeliswe umbuso.

AmaHubo 48:1

Yinkulu iNkosi, ifanele ukudunyiswa kakhulu emzini kaNkulunkulu wethu osentabeni yayo engcwele.

U-Isaya 56:7

laba ngizabaletha entabeni yami engcwele, ngibathokozise endlini yami yokukhulekela; iminikelo yabo yokutshiswa lemihlatshelo yabo izakuvunywa ealtareni lami, ngoba indlu yami izakubizwa ngokuthi yindlu yokukhulekela yezizwe zonke.

UJeremiya 26:18

UMika waseMoreshethi watshumayela ensukwini zikaHezekiya, inkosi yakoJuda, wathi kibo bonke abantu bakoJuda: INkosi yamabandla ithi: IZiyone lizalinywa njengensimu; iJerusalema libe lunxiwa oludilikileyo, lentaba okwakhiwe kuyo ithempeli ibe lisandle.

UJeremiya 31:12

Bazakuza bahlabele entabeni yaseZiyone, bazathokoza kakhulu ngokuhle kweNkosi, ngamabele lewayini, langamafutha, bathokoze ngamazinyane ezimvu, langamathole enkomo; ukuphila kwabo kube njengensimu ethelelwayo, bangabe besaba losizi futhi.

UZakhariya 14:10

Lonke ilizwe lizaphenduka igceke kusukela eGeba kuze kube seRimoni ngaseningizimu kweJerusalema. Kodwa iJerusalema lizasala liphakeme endaweni yalo, ligcwele abantu kusukela eSangweni lakoBenjamini kuze kube sendaweni yesango lakuqala, isango laseGonsini, kusukela eMphotshongweni kaHananeli kuze kube sezikhamelweni zewayini zenkosi.