UMikha 3:7 - iBhayibhili Elingcwele 1978

⁷ Ababoni bazayangeka, lezanuse zibe lenhloni, bambomboze imilomo yabo, ngoba kungaveli impendulo kuNkulunkulu.

IBhayibhili Elingcwele LesiNdebele

⁷ Ababonisayo bazayangeka labahlahluli babe lenhloni. Bonke bazamboza ubuso babo ngoba kungelampendulo evela kuNkulunkulu.”

UMikha 3:7 Referans Kwoze

UZakhariya 13:4

Ngalolosuku bonke abaprofethi bazakuba lenhloni ngemibono yabo nxa beprofetha; kabayikugqoka izigqoko zoboya ukuba bakhohlise,

U-Isaya 44:25

Nginguye ofilisa imihlolo yezangoma, athuthaze izanuse, abuyisele emuva abahlakaniphileyo, aphendule ukwazi kwabo kube yibuthutha;

uAmosi 8:11

Khangelani, insuku ziyeza, kutsho iNkosi uNkulunkulu, lapho ngizathumela indlala elizweni, kungabi yindlala yokudla, kungabi ngeyokomela amanzi, kodwa kube ngeyokuzwa amazwi eNkosi.

UHezekhiyeli 24:17

Bubula, ungakhali, ungalileli abafileyo. Thwala iqhiye lakho, ufake amanyathelo enyaweni zakho, ungagubuzeli umlomo wakho, ungadli ukudla kwabalilayo.

1 USamuyeli 28:6

Lapho uSawuli ebuza eNkosini, iNkosi kayimphendulanga langamaphupho langenkatho iUrimi langabaprofethi.

ULevi 13:45

Umuntu olesifo sobulephero kagqoke ingubo ezidabukileyo, lenwele zakhe zithukuluke, ambomboze indebe yakhe yangaphezulu, akhale athi: Ngingcolile, ngingcolile!

UMikha 7:16

Izizwe zizabona, zibe lenhloni lanxa zilamandla, zibambe imilomo yazo, lendlebe zazo zibe yizacuthe,

UHezekhiyeli 24:22

Lizakwenza njengami, kaliyikugubuzela imilomo yenu, lidle ukudla kwabakhalayo.

AmaHubo 74:9

Izimpawu zethu kazisekho; kakusekho mprofethi; kakho kithi owaziyo ukuthi koze kube nini.

1 USamuyeli 28:15

USamuweli wasesithi kuSawuli: Ungikhathazeleni ngokungikhupha na? USawuli waphendula wathi: Ngiyahlupheka kakhulu; amaFilistiya alwa lami, loNkulunkulu usengifulathele, kasangiphenduli ngabaprofethi langamaphupho. Ngakhoke ngikubizile ukuba ungitshele ukuthi ngenzeni.

1 USamuyeli 14:37

USawuli wabuza kuNkulunkulu wathi: Ngixotshane lawo amaFilistiya na? Uzawanikela ezandleni zikaIsrayeli na? Kodwa kamphendulanga ngalolosuku.

1 USamuyeli 9:9

— Endulo koIsrayeli lapho umuntu esiyabuza kuNkulunkulu, wayesithi: Woza siye kumboni; ngoba lo osethiwa ngumprofethi lamuhla kuqala kwakuthiwa ngumboni. —

U-Eksodasi 9:11

Izangoma zahluleka ukuma phambi kukaMose ngenxa yamathumba; ngoba amathumba amila izangoma lawo wonke amaGibithe.

UMikha 3:4

Lizakhuleka eNkosini, kodwa kayiyikuliphendula; izakulifihlela ubuso bayo ngalesosikhathi, ngoba lenzile okubi.

UJeremiya 18:18

Basebesithi: Wozani simenzele amacebo amabi uJeremiya; ngoba kuzabe kulokhu kukhona abapristi ukusifundisa, labahlakaniphileyo ukuseluleka, labaprofethi ukutshumayela ilizwi. Wozani simenzele amacebo, singananzi wonke amazwi akhe.