UMikha 3:11 - iBhayibhili Elingcwele 1978

¹¹ Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

IBhayibhili Elingcwele LesiNdebele

¹¹ Abakhokheli bayo bahlulela ngokufunjathiswa, abaphristi bayo bafundisela inhlawulo, labaphrofethi bayo baphrofithela imali; ikanti bathembele kuThixo njalo bathi, “Kanti uThixo kakho phakathi kwethu na? Akulancithakalo engasehlela.”

UMikha 3:11 Referans Kwoze

UJeremiya 6:13

Ngoba kusukela kwabancinyane babo kuze kufike kwabakhulu bonke bayizihwaba zenzuzo embi, labaprofethi labapristi bonke bayakhohlisa.

U-Isaya 1:23

Izikhulu zakho zingabahlamuki labangane bamasela; zithanda ukwamukela umvuzo wokuthengwa, zigijimela izipho; kazivikeli izintandane, lendaba yomfelwakazi kayifinyeleli kuzo.

UMikha 3:5

INkosi ithi ngabaprofethi abaduhisa abantu bami, ababathembisa ukuthula lapho besazuza ukudla, kodwa lowo ongabaniki ukudla balwe laye:

UJeremiya 7:4

Lingathembi amazwi la akhohlisayo okuthi: Leli lithempeli leNkosi, ithempeli leNkosi, ithempeli leNkosi.

1 UPhethro 5:2

Yalusani umhlambi kaNkulunkulu eliwunikiweyo, kungabi ngokubanjwa ngamandla, kodwa ngokuthanda langokwentando kaNkulunkulu, kungabi ngenxa yenzuzo elihlazo, kodwa ngokuvuma kwenhliziyo,

UThithu 1:11

okumele ukuba bathuliswe, lokhu bechitha imizi ngokufundisa okungafanelanga befuna inzuzo.

UMikha 7:3

Izandla zabo zikhuthalele ukwenza okubi, isikhulu lomahluleli bathengwa ngemali, loyisikhulu wahlulela ngokuthanda kwakhe, kuhlanekelwe ukulunga.

U-Isaya 48:2

Kanti lizibiza ngokuthi lingabantu bomuzi ongcwele, lithembela kuNkulunkulu kaIsrayeli, obizwa ngokuthi yiNkosi yamabandla.

UJeremiya 8:10

Ngalokhuke omkabo ngizabanika abanye, lamasimu abo ngiwanike abanqobi, ngoba kusukela kwabancinyane kuze kufike kwabakhulu bonke bayizihwaba zenzuzo embi, labaprofethi labapristi bonke bayakhohlisa.

1 USamuyeli 8:3

Amadodana akhe ayengahambi ngendlela zakhe, kodwa athanda inzuzo, amukela umvuzo wokuthengwa, ahlanekela izahlulelo.

AmaNani 16:15

UMose wathukuthela kakhulu, wathi eNkosini: Ungananzi umnikelo wabo. Kangithathanga loyedwa wabobabhemi babo; futhi kangilimazanga muntu kubo.

UJuda 1:11

Maye kibo! Ngoba bahamba endleleni kaKayini; baziwisele ekuduheni kukaBalami ngenxa yenzuzo; baphika njengoKora, ngakho babhubha.

1 uTimothi 3:3

angabi yisidakwa, angabi ngothanda ukulwa kodwa abe mnene, angabi ngothanda ukuxabana, angabi ngothanda imali.

uAmosi 9:10

Zonke izoni ebantwini bami zizabulawa empini, zona ezithi: Okubi kakuyikufinyelela kithi.

UHosiya 4:18

lexuku lezidakwa, bazinikela ekuwuleni, bethanda ihlazo ukwedlula udumo lwabo.

U-Isaya 56:11

Banjengezinja eziyizihwaba, ezingasuthiyo; yebo, bangabelusi abangaziyo; bonke bazenzela abakuthandayo, kube yilowo lalowo enanzelela eyakhe inzuzo.

UMatewu 3:9

Lingacabangi ukuba lingatsho phakathi kwenu ukuthi: Silobaba uAbrahama. Ngoba ngithi kini: UNkulunkulu ulamandla okumenzela uAbrahama abantwana kulamatshe.

UMalaki 1:10

Kungathi ngabe ukhona phakathi kwenu ongavala izivalo, ukuba lingabasi imililo elize phezu kwealtare lami. Kangithokozi ngani, kutsho iNkosi yamabandla, kangiyikwamukela iminikelo evela kini.

UZefaniya 3:3

Izikhulu zawo zinjengezilwane ezibhongayo; labahluleli bawo banjengezimpisi eziyizihwaba ezingatshiyi lutho kuze kuse.

UHezekhiyeli 22:27

Izikhulu eziphakathi kwalo zifana lempisi eziphangayo, ezichitha igazi zibulala abantu, ukuba zizuze umvuzo ngobuqili.

UHezekhiyeli 22:12

Phakathi kwakho abantu bazuza imivuzo yokuthengwa ngokuchitha igazi; uyazinothisa ngokuthatha inzuzo lomvuzo kubomakhelwana bakho ngobuqili. Usungikhohliwe, kutsho iNkosi uNkulunkulu.

Izaga 17:23

Umuntu omubi wamukela umvuzo wokuthengwa ensitha, ukuba ahlanekele ukulunga.

U-Isaya 5:23

abayekela abalamacala ngenxa yomvuzo, bathathele abangelacala ilungelo labo!

UJeremiya 23:17

Bahlala besithi kulabo abadelela ilizwi leNkosi: Kuzalilungela lonke; lakubo bonke abalandela inhliziyo zabo ezilenkani bathi: Kaliyikwehlelwa ngokubi.

UJeremiya 26:7

Abapristi labaprofethi labo bonke abantu bamuzwa uJeremiya ekhuluma lamazwi ethempelini;

UHezekhiyeli 34:2

Ndoda, tshumayela ngabelusi bakoIsrayeli, utshumayele uthi kibo: INkosi uNkulunkulu ithi: Maye kini, belusi bakoIsrayeli elizondlayo lina! Abelusi kabafanele ukwelusa izimvu na?

UHosiya 4:8

Badla izono zabantu bami, bayizihwaba zobubi babo.

uAmosi 5:14

Dingani okuhle, atshi okubi, ukuba liphile, ukuze ibe lani iNkosi uNkulunkulu wamabandla njengokutsho kwenu.

UMalaki 2:9

Ngakhoke mina ngilenzile laba ngabadelelekayo labehliselwe phansi phambi kwabantu bonke, ngoba lingagcinanga indlela zami, kodwa libandlulule abantu ekufundiseni kwenu.

AmaNani 22:7

Abalisa bamaMowabi labalisa bamaMidiyani bahamba bephethe imali yokuvumisa; bafika kuBalami, bambikela ilizwi likaBalaki.

UJeremiya 5:12

Bayiphikile iNkosi, bathi: Kayilamsebenzi. Kakuyikusehlela okubi, kasiyikubona impi lendlala.

UZefaniya 3:4

Abaprofethi bawo kabananzeleli, bayakhohlisa; abapristi bawo bangcolisa okungcwele, baphule umthetho.