UMikha 1:7 - iBhayibhili Elingcwele 1978

⁷ Zonke izithombe zalo zizakuphahlazwa, lawo wonke amahlawulo alo okuwula azatshiswa ngomlilo, lezithombe zonke zalo zibulawe; ngoba lizizuze ngamahlawulo amawule, zizabuyiselwa emahlawulweni okuwula.

IBhayibhili Elingcwele LesiNdebele

⁷ Zonke izithombe zayo zizaphohlozwa; zonke izipho zayo zasethempelini zizatshiswa ngomlilo; ngizaphahlaza zonke izifanekiso zayo. Njengoba yaqoqa izipho zayo ngeholo lezifebe, zizasetshenziswa njengeholo lezifebe futhi.”

UMikha 1:7 Referans Kwoze

UDutheronomi 23:18

Lingalethi amaholo ewule lemali yokuphinga kwamadoda endlini yeNkosi uNkulunkulu wenu ukuba ligcwalise isithembiso ngayo; ngoba lezizinto ziyisinengiso eNkosini uNkulunkulu wenu.

UHosiya 2:12

Ngizagamula izihlahla zakhe zamavini lezemikhiwa, atsho ngazo ukuthi: Lezi zingumvuzo wami, izithandwa zami ezinginike wona. Ngizazenza zibe ligusu, zidliwe zinyamazana zeganga.

Isambulo 18:3

ngoba izizwe zonke zidakiwe liwayini lokungcola kwalo, lamakhosi omhlaba aphingile lalo, labathengisi bomhlaba banothiswe yinotho yalo enkulu.

UHosiya 8:6

Umbazi walenza, kalisuye Nkulunkulu. Ithole laseSamariya lizaphahlazwa libe yizihlephu.

Isambulo 18:9

Amakhosi omhlaba aphinga lalo ezikholisa lalo azakukhala alile, lapho ebona intuthu yokutsha kwalo.

UJoweli 3:3

zenza inkatho ngabantu bami, zenanisa abafana ngamawule, zathengisa amankazana ngewayini, zalinatha.

UHosiya 2:5

Ngoba unina wabo uwulile, owabazalayo wenzile ihlazo. Ngoba wathi: Ngizazilandela izithandwa zami, ezingipha ukudla lamanzi, loboya bezimvu, lesikusha, lamafutha lokunathwayo.

U-Isaya 27:9

Ngalokhu uJakobe uzathethelelwa okubi kwakhe; lokhu kuzakuba yisibonakaliso sokususwa kwesono sakhe, lapho esenza ukuba wonke amatshe ealtare avuthuzeke njengekalaga, kungabe kusamiswa insika ezimiselwe unkulunkulukazi uAshera lama‐altare empepha.

2 ImiLando 31:1

Kwathi konke lokho sekuphelile, bonke abakoIsrayeli ababekhona baya emizini yakoJuda, badiliza izinsika zokukhonzela, bagamulela phansi insika zikankulunkulukazi uAshera, bavala indawo eziphakemeyo zokukhonzela, badiliza ama‐altare elizweni lonke lakoJuda lakoBenjamini lakoEfrayimi lakoManase, baze bakuqeda konke. Basebebuyelake bonke abantu bakoIsrayeli emizini yabo lasezindaweni zabo.

UDutheronomi 9:21

Ngasengilithatha ithole, leyonto embi elaliyenzile, ngalitshisa ngomlilo, ngalichoboza, ngalichola laze laba yimpuphu; ngayiphosela leyompuphu esifuleni esasisehla entabeni.

ULevi 26:30

Ngizakuvala indawo zenu eziphakemeyo zokukhonzela, ngidilize ama‐altare enu empepha, ngiphosele izidumbu zenu phezu kwezidumbu zezithombe zenu, nginengwe yini.

1 USamuyeli 5:4

Kodwa lapho bevuka kusasa ekuseni uDagoni wayesewele phansi futhi ngobuso phambi komtshokotsho weNkosi, ikhanda likaDagoni kanye lezandla zakhe zombili kwakuqamukile kusembundwini womnyango, kwasala umzimba wakhe kuphela.

U-Isaya 2:18

Izithombe zizaphela zithi nya.

U-Isaya 23:17

Kuzakuthi ekupheleni kweminyaka engamatshumi ayisikhombisa iNkosi ilikhumbule iTire; lizabuyela ekuwuleni kwalo; lizakuwula layo yonke imibuso yomhlaba.

UHezekhiyeli 6:6

Kuzo zonke indawo lapho lihlala khona imizi yenu izachitheka, lendawo zenu eziphakemeyo zokukhonzela zivalwe, lama‐altare enu adilike aphele nya, lezithombe zenu zibulawe ziphele, lama‐altare enu okutshisela impepha adilizwe, lemisebenzi yenu ibhidlizwe.

UHosiya 2:14

Ngalokhoke ngizamhuga, ngimuse enkangala, ngimduduze.

UHosiya 8:5

Ngaleyisa ithole eladunyiswa nguwe, wena Samariya. Ukuthukuthela kwami kuyabavuthela. Koze kube nini uIsrayeli engahlanjululwanga na?