UMikha 1:5 - iBhayibhili Elingcwele 1978

⁵ Konke lokhu kungenxa yezono zikaJakobe, langenxa yezono zikaIsrayeli. Siyini isono sikaJakobe na? Kasisilo iSamariya na? Siyini isono sikaJuda na? Kasisilo iJerusalema na?

IBhayibhili Elingcwele LesiNdebele

⁵ Konke lokhu kungenxa yokona kukaJakhobe, ngenxa yezono zendlu ka-Israyeli. Kuyini ukona kukaJakhobe na? AkusiSamariya na? Iyini indawo kaJuda ephakemeyo na? AkusiJerusalema na?

UMikha 1:5 Referans Kwoze

uAmosi 8:14

Abafunga isithombe saseSamariya besithi: Ukuphila kukankulunkulu wakho, Dani! lokuthi: Indlela yaseBerisheba; bazakuwa, bangabe besavuka.

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

Izililo 5:16

Umqhele uwile emakhanda ethu. Maye thina, ngoba sonile!

UJeremiya 6:19

Zwana, wena mhlaba; ngehlisela okubi phezu kwalababantu, kuyizithelo zemicabango yabo, ngoba kabalalelanga ilizwi lami, lomlayo wami bawalile.

UJeremiya 4:18

Ukuhamba kwakho lezenzo zakho kukulethele lokho. Lokhu kuyikuphela kwakho, kubuhlungu, sekufinyelele enhliziyweni yakho uqobo.

UJeremiya 2:17

Wena Israyeli, kawuzehliseli lokhu ngokuhlamuka iNkosi uNkulunkulu wakho lapho ikukhokhela endleleni na?

1 AmaKhosi 13:32

Ngoba ilizwi leNkosi alitsho ngealtare eliseBetheli, langawo wonke amathempeli ezindawo eziphakemeyo zokukhonzela emizini yonke yaseSamariya lizagcwaliseka sibili.

uAmosi 6:1

Maye kubo abachelesileyo eZiyone labalondolozekileyo entabeni yaseSamariya, amadoda adumileyo esizwe sokuqala abaya kuwo abakoIsrayeli!

UHosiya 7:1

Lapho ngifisa ukwelapha uIsrayeli; ukonakala kukaEfrayimi kuyambulwa, lezenzo ezimbi zeSamariya; ngoba bayakhohlisana, bangamasela afohlela ezindlini, labaphangi abaphanga ngaphandle.

UJeremiya 5:25

Ububi benu buvimbele konke lokhu, lezono zenu zilivalela okuhle.

2 ImiLando 34:3

Ngomnyaka wesificaminwembili wokubusa kwakhe esesengumfana waqala ukumdinga uNkulunkulu kaDavida ukhokho wakhe; ngomnyaka wetshumi lambili waqala ukuhlambulula uJuda leJerusalema, wavala indawo eziphakemeyo zokukhonzela, wadiliza insika zikankulunkulukazi uAshera, wasusa izithombe ezibaziweyo lezibunjiweyo.

2 ImiLando 34:4

Wadiliza ama‐altare aboBali, wadilizela phansi ama‐altare okutshisela impepha ayemi ngaphezu kwawo, wadiliza insika zikankulunkulukazi uAshera, wabulala izithombe ezibaziweyo lezibunjiweyo, wazenza zaba yimpuphu, wayichithela phezu kwamaliba alabo ababenikele imihlatshelo kizo.

U-Isaya 7:9

lanxa umuzi omkhulu wakoEfrayimi uyiSamariya, lendodana kaRemaliya iyinkosi yaseSamariya. Uba lingakholwa, isibili kaliyikuma.

uAmosi 7:9

indawo eziphakemeyo zokukhonzela zikaIsaka zizavalwa, lezindlu ezingcwele zakoIsrayeli zizadilizwa; ngizakuyivukela indlu kaJerobowamu ngomkhonto.

UMikha 1:13

Bophelani enqoleni amabhiza alejubane, lina baseLakishi; laliyikuqala kwezono zeZiyone, ngoba iziphambeko zakoIsrayeli zafunyaniswa kini.

1 AmaKhosi 11:7

Wakhela uKemoshi unkulunkulu onengekayo wamaMowabi indawo ephakemeyo yokukhonzela, phezu kwentaba ngasempumalanga kweJerusalema, loMoloki unkulunkulu onengekayo wamaAmoni.

1 AmaKhosi 16:24

Wathenga intaba yaseSamariya kuShemeri ngamathalenta esiliva amabili, wakha umuzi phezu kwayo, wawutha ibizo likaShemeri umnikazi wayo wathi yiSamariya.

UJeremiya 23:13

Kubaprofethi baseSamariya ngibone into eyenyanyekayo; batshumayela ngoBali, baduhisa abantu bami uIsrayeli.

UJeremiya 23:14

Kubaprofethi baseJerusalema ngibone okwesabekayo; bayafeba, baqambe amanga, baqinisa izandla zalabo abenza okubi kungasuki muntu ebubini bakhe; bonke sebefana leSodoma kimi, labakhileyo khona bafana leGomora.

UHezekhiyeli 16:46

Udadewenu omdala yiSamariya elalihlala lamadodakazi alo ngasenyakatho kwakho; lomnawakho owayehlala ngaseningizimu kwakho yiSodoma lamadodakazi alo.