UMatewu 8:3 - iBhayibhili Elingcwele 1978

³ Welula isandla, wamthinta wathi: Ngiyathanda, hlambuluka. Wahle wahlambuluka kubo ubulephero bakhe.

IBhayibhili Elingcwele LesiNdebele

³ UJesu welula isandla sakhe wayithinta wathi, “Ngiyathanda, hlambuluka!” Masinyane nje yasila ebulepherweni bayo.

UMatewu 8:3 Referans Kwoze

ULukha 5:13

UJesu welula isandla sakhe, wamthinta esithi: Ngiyathanda, hlambuluka. Bahle basuka ubulephero kuye.

AmaHubo 33:9

Ngoba yakhuluma, umhlaba waba khona, yalaya, wema waqina.

2 AmaKhosi 5:14

Wasehambake, wabhukutsha eJordani kwaze kwaba kasikhombisa njengelizwi lomuntu kaNkulunkulu, wahlambuluka lenyama yakhe yahluma, yafanana leyomntwana omncinyane.

UMakho 1:41

UJesu wamhawukela, welula isandla sakhe, wamthinta, wathi: Ngiyathanda; hlambuluka.

UJohane 5:21

Njengalokhu uYise evusa abafileyo, abanike ukuphila, kunjaloke leNdodana iyabanika ukuphila labo ethanda ukubasilisa.

UMakho 4:39

Wavuka, wakhuza umoya, wathi kulo ulwandle: Thula, uthi zwi! Umoya waqamuka, kwaba khona ukuthula okukhulu.

2 AmaKhosi 5:11

Kodwa uNamani wathukuthela, wasuka wahamba esithi: Bengisithi uzaphuma impela eze kimi, eme amemeze ibizo leNkosi uNkulunkulu wakhe, ahambise isandla sakhe phezu kwezilonda, angisilise ubulephero.

UGenesisi 1:3

UNkulunkulu wasesithi: Kakube khona ukukhanya; kwaba khona ukukhanya.

UJohane 11:43

Esetshilo lokhu wamemeza ngelizwi elikhulu, wathi: Lazaro, phuma.

ULukha 7:14

Yasondela, yathinta ithala; labalithweleyo basebesima. Yathi: Jaha, ngithi kuwe: Vuka!

UMakho 9:25

UJesu esebona ukuba ixuku ligijimela ndawonye, wakhuza umoya omubi, wathi kuwo: Wena moya oyisimungulu longezwayo ngiyakulaya mina: Phuma kuyo, ungabe usangena kuyo.

UMakho 7:34

Ekhangela ezulwini, wabubula, wathi kuye: “Efatha”; okuyikuthi: Vuleka!

UMakho 5:41

Wabamba isandla somntwana, wathi kuye: “Thalitha, kumi”; okuyikuthi ngokuphendulelwa: Ntombazana, ngithi kuwe, vuka!

UJohane 15:24

Uba bengingenzanga phakathi kwabo imisebenzi engenziwanga ngomunye, ngabe kabalasono, kodwa khathesi babonile, bangizondile mina loBaba.

U-Eksodasi 4:7

Yathi: Faka futhi isandla sakho esifubeni sakho. Waphinda wasifaka isandla sakhe esifubeni sakhe; esesikhuphile wabona ukuthi sasesiphenduke saba njengomzimba wakhe wonke.

UMatewu 12:13

Wasesithi kulowomuntu: Yelula isandla sakho. Waselula, sasiliswa, saba njengesinye.

ULukha 4:27

Kwakukhona futhi koIsrayeli abalobulephero abanengi ngesikhathi sikaElisha umprofethi; kodwa kakuhlanjululwanga lamunye wabo, kuphela uNamani umSiriya.