UMatewu 8:11 - iBhayibhili Elingcwele 1978

¹¹ Ngithi kini: Abanengi bazakuza bevela empumalanga lasentshonalanga, bahlale ekudleni loAbrahama loIsaka loJakobe embusweni wezulu.

IBhayibhili Elingcwele LesiNdebele

¹¹ Ngithi kini abanengi bazavela empumalanga lentshonalanga, bahlale edilini lo-Abhrahama, lo-Isaka loJakhobe embusweni wezulu.

UMatewu 8:11 Referans Kwoze

Abase-Efesu 3:6

ukuthi abezizwe bayizindlalifa kanye lathi, lokuthi bangumzimba munye kanye lathi, bangabahlanganyeli besithembiso kuKristu Jesu ngevangeli.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

ULukha 12:37

Zibusisiwe lezonceku okuzakuthi, inkosi nxa ifika, izifumane zilindile. Ngiqinisile ngithi kini: Izakubopha ukhalo lwayo, izihlalise ekudleni, iziphakululele.

AbaseKholose 3:11

Lapho kakukho umGriki lomJuda, osokileyo longasokanga, owezizwe lomSikethiya, isigqili lokhululekileyo; kodwa uKristu uyikho konke, ukibo bonke.

Imisebenzi 11:18

Bathi sebekuzwile lokhu, bathula, bamdumisa uNkulunkulu besithi: Kanti uNkulunkulu unikile abezizwe labo ukuphendukela ekuphileni.

Imisebenzi 10:45

AbaJuda abakholwayo ababefike loPetro bamangala, ngoba isiphiwo sikaMoya oNgcwele sathelwa laphezu kwabezizwe.

UMatewu 24:31

Izakuthuma izithunywa zayo ngokukhala okukhulu kophondo, ziqoqe abakhethiweyo bayo emimoyeni emine, kusukela emkhawulweni omunye wezulu kuze kube komunye.

U-Isaya 59:19

Bazakulesaba ibizo leNkosi entshonalanga, besabe ubukhulu bayo empumalanga; ngoba izakufika njengomfula okhukhulayo, ofuqwa ngumoya weNkosi.

Isambulo 7:6

esizweni sakoAsheri baba zinkulungwane ezilitshumi lambili; esizweni sakoNafitali baba zinkulungwane ezilitshumi lambili; esizweni sakoManase baba zinkulungwane ezilitshumi lambili;

2 AbaseThesalonika 1:5

Lokhu kuyisiboniso sokuthonisisa okulungileyo kukaNkulunkulu, ukuze kuthiwe lingabafanele umbuso kaNkulunkulu elihlupheka ngenxa yawo.

1 AbaseKhorinte 15:20

Kodwake uKristu wavuswa isibili kwabafileyo, waba yingqabutho yabafileyo.

1 AbaseKhorinte 6:9

Kalazi yini ukuba abangalunganga kabayikulidla ilifa lombuso kaNkulunkulu na? Lingakhohliswa; iziphingi, labakhonza izithombe, lezifebe, labesilisa abalalanayo,

Imisebenzi 14:27

Kwathi sebefikile, balihlanganisa ibandla, balandisa konke uNkulunkulu abekwenzile ngabo lokuthi uvulele abezizwe umnyango wokukholwa.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

ULukha 16:22

Wasesifa ongumyanga, izithunywa zamthwalela esifubeni sikaAbrahama; lesinothi laso safa, sambelwa.

UMatewu 3:2

esithi: Phendukani, ngoba umbuso wezulu ususondele!

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

U-Isaya 52:10

INkosi iwavezile amandla ayo angcwele phambi kwazo zonke izizwe, umhlaba wonke uzakubona ukukhulula kukaNkulunkulu wethu.

U-Isaya 49:6

Ithi: Kuyinto elula kakhulu ukuba ube yinceku yami yokuvusa izizwe zikaJakobe, lokubuyisa abaseleyo koIsrayeli; ngizakukubeka ube yikukhanya kwezizwe, ukuze wenze ukukhulula kwami kufinyelele emhlabeni wonke.

U-Isaya 11:10

Ngalolosuku impande kaJese izakuba luphawu ebantwini, idingwe yizizwe, lendawo yayo ibe lodumo.

AmaHubo 98:3

Ikhumbule uthando lwayo olungapheliyo lobuqotho bayo kuyo indlu kaIsrayeli. Abantu bomhlaba wonke bakubonile ukunqoba kukaNkulunkulu.

AmaHubo 22:27

Imikhawulo yonke yomhlaba izakukhumbula, iphendukele eNkosini; lezizukulwana zonke zezizwe zizakhonza phambi kwayo.

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

UGenesisi 28:14

inzalo yakho izakuba ngangothuli lomhlabathi, usabalalele ngasentshonalanga langasempumalanga langasenyakatho langaseningizimu; ngawe langenzalo yakho lonke usendo lomhlaba luzabusiswa.

UGenesisi 22:18

langenzalo yakho zonke izizwe zomhlaba zizabusiswa, ngoba ulalele ilizwi lami.

UGenesisi 12:3

Ngizakubabusisa abakubusisayo, ngibaqalekise abakuqalekisayo; lonke usendo lomhlaba luzazicelela ukubusiswa njengawe.

U-Isaya 49:12

Nampaya bayeza, bevela khatshana, abanye bavela enyakatho labanye entshonalanga, labanye elizweni laseSivene.

UMatewu 8:10

Esekuzwile lokhu uJesu wamangala, wathi kwabamlandelayo: Ngiqinisile ngithi kini: Angizanga ngifumane ukukholwa okunje lakoIsrayeli.

UMatewu 21:41

Bathi kuye: Uzakubabulala kubi labo ababi, lesivini sakhe sinikwe abanye abalimi abazakumnika izithelo ngezikhathi zazo.