UMatewu 7:26 - iBhayibhili Elingcwele 1978

²⁶ Kodwa lowo owezwayo lamazwi ami, angawenzi, uzakufaniswa lendoda eyisithutha, eyakha indlu yayo phezu kwesihlabathi.

IBhayibhili Elingcwele LesiNdebele

²⁶ Kodwa lowo owezwayo amazwi ami la angawenzi unjengendoda eyisiwula eyakhela indlu yayo etshebetshebeni.

UMatewu 7:26 Referans Kwoze

ULukha 6:49

Kodwa owezwayo engawenzi, unjengomuntu owakha indlu yakhe emhlabathini, ingelasisekelo; umfula wayitshaya, yahle yawa; kwaba kukhulu ukudilika kwaleyondlu.

UJeremiya 8:9

Abahlakaniphileyo bazayangeka, besabe babanjwe; balilahlile ilizwi leNkosi; pho, balokuhlakanipha bani na?

UJakhobe 2:20

Sithuthandini, uyathanda ukwazi ukuthi ukukholwa okungelamisebenzi kuyize na?

1 USamuyeli 2:30

Ngakhoke iNkosi uNkulunkulu kaIsrayeli uthi: Ngathembisa ukuthi indlu yakho lendlu kayihlo zizakhonza phambi kwami kuze kube nininini; kodwa khathesi iNkosi ithi: Kakuyikuba njalo; ngoba labo abangihloniphayo, ngizabahlonipha, labangidelelayo ngizabadelela.

Izaga 14:1

Abesifazana abahlakaniphileyo bayayakha imizi yabo, kodwa abayizithutha bayidiliza ngezandla zabo.

UJobe 22:16

Bahluthunwa isikhathi singakafiki, lezisekelo zabo zakhukhulwa.

UMatewu 7:24

Ngakho ilowo lalowo owezwayo lamazwi ami, awenze, ngizakumfanisa lendoda ehlakaniphileyo eyakha indlu yayo phezu kwedwala.

UMatewu 7:25

Lana izulu, kwafika impophoma, kwavunguza imimoya, yayitshaya leyondlu; kodwa kayiwanga, ngoba yayisekelwe lidwala.

UMatewu 7:27

Lana izulu, kwafika impophoma, kwavunguza imimoya, yayitshaya leyondlu, yawa, kwaba kukhulu ukuwa kwayo.