UMatewu 6:33 - iBhayibhili Elingcwele 1978

³³ Kodwa funani kuqala umbuso wakhe lokulunga kwakhe; ng’khona lezizinto zonke zizakwengezelelwa kini.

IBhayibhili Elingcwele LesiNdebele

³³ Kodwa funani kuqala umbuso wakhe lokulunga kwakhe, kuzakuthi-ke zonke lezizinto liziphiwe lazo.

UMatewu 6:33 Referans Kwoze

ULukha 12:31

Kodwa funani umbuso wakhe, zonke lezizinto zizakwengezelelwa kini.

UMatewu 5:6

Babusisiwe abalambela bomele ukulunga, ngoba bazakusuthiswa.

UJohane 6:27

Lingasebenzeli ukudla okuphelayo kodwa sebenzelani ukudla okuhlala kuze kube yikuphila okungapheliyo, ezakulinika khona iNdodana yomuntu; ngoba uNkulunkulu uYise ubeke kuyo uphawu lwakhe.

AbaseRoma 14:17

Ngoba umbuso kaNkulunkulu kawusikho ukudla lokunatha, kodwa uyikulunga lokuthula lokuthokoza eMoyeni oNgcwele.

AmaHubo 37:25

Ngangimutsha, khathesi sengimdala, kanti kangizanga ngimbone olungileyo elahliwe, labantwana bakhe bephanza ukudla.

AmaHubo 37:3

Themba eNkosini, wenze okuhle, uhlale elizweni ngokuthembeka.

UMatewu 19:29

Lalowo otshiye izindlu, labafowabo, lodadewabo, loyise, lonina, labantwana ingabe amasimu ngenxa yebizo lami, uzakwamukeliswa ngekhulu, adle ilifa lokuphila okungapheliyo.

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

1 uTimothi 4:8

Ukwejwayeza umzimba kulokusiza okuthile, kodwa ukukhonza uNkulunkulu kusiza ezintweni zonke, ngoba kulesithembiso sokuphila kwalamuhla lokuphila okuzayo.

2 AbaseKhorinte 5:21

Ongasazanga isono uNkulunkulu wamenza isono ngenxa yethu, ukuze kuye senziwe sibe yikulunga kukaNkulunkulu.

AbaseRoma 1:17

Ngoba ukulunga kukaNkulunkulu kwambulwa kilo, kuqala ngokukholwa, kuphele ngokukholwa; njengokulotshiweyo ukuthi: Olungileyo uzakuphila ngokukholwa.

AbaseFiliphi 3:9

ngifunyanwe kuye, ngingelakho ukulunga okungokwami okungomlayo, kodwa ngilalokho okungokukholwa kuKristu, ngitsho ukulunga okuvela kuNkulunkulu okungokukholwa;

1 AbaseKhorinte 1:30

NgoNkulunkulu lina likuKristu Jesu, ngoba uNkulunkulu wamenzela thina ukuhlakanipha lokulunga lokwahlukaniselwa lokukhululwa.

UMatewu 4:17

Kusukela kulesosikhathi uJesu waqala ukutshumayela esithi: Phendukani, ngoba umbuso wezulu ususondele.

UMatewu 3:2

esithi: Phendukani, ngoba umbuso wezulu ususondele!

2 AbaseThesalonika 1:5

Lokhu kuyisiboniso sokuthonisisa okulungileyo kukaNkulunkulu, ukuze kuthiwe lingabafanele umbuso kaNkulunkulu elihlupheka ngenxa yawo.

AbaseRoma 10:3

Ngoba kabakwazi ukulunga okuvela kuNkulunkulu, kodwa bafuna ukumisa okwabo; kabazehliseli ngaphansi kokulunga kukaNkulunkulu.

Imisebenzi 28:31

watshumayela umbuso kaNkulunkulu, wafundisa ngeNkosi uJesu Kristu obala, engavinjelwa muntu.

2 UPhethro 1:11

Ngokwenza njalo lizakuba lokungena ngokupheleleyo embusweni ongapheliyo weNkosi yethu loMsilisi uJesu Kristu.

1 AmaKhosi 17:13

UElija wathi kuye: Ungesabi; hamba uyekwenza njengokutsho kwakho, kodwa qala ungenzele iqebelengwana, ulilethe kimi, ubusuziphekela wena lomntanakho.

2 UPhethro 1:1

Mina Simoni Petro, inceku lomphostoli kaJesu Kristu, ngithi kubo abazuzileyo ukukholwa okufana lokwethu ngokulunga kukaNkulunkulu wethu loMsilisi uJesu Kristu:

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

UJeremiya 23:6

Ensukwini zalo uJuda uzakhululwa, loIsrayeli ahlale evikelekile. Nanti ibizo oluzabizwa ngalo: INkosi ukulunga kwethu.

U-Isaya 45:24

Ukunqoba lamandla kuvela eNkosini kuphela; bonke abayidelelayo bazayangeka phambi kwayo.

1 AbaseKhorinte 3:22

loba kunguPawuli, loba kunguApolosi, loba kunguKefasi, loba kungumhlaba, loba kuyikusila, loba kuyikufa, loba kuyizinto ezikhona, loba kuyizinto ezingakabi khona; konke kungokwenu;

Imisebenzi 20:25

Khathesi, ngiyazi ukuthi kalisayikubona ubuso bami lina lonke engihamba phakathi kwenu, ngitshumayela umbuso.

AmaHubo 112:3

Imfuyo lenotho kuzaba sendlini yakhe, lokulunga kwakhe kuzahlala kuze kube nininini.

Izaga 8:18

Kimi kukhona inotho lodumo, inotho engelakuphela lempumelelo.

Izaga 10:3

INkosi kayivumi ukuba olungileyo alambe, kodwa iyadanisa izifiso zababi.

Izaga 28:10

Oduhisela abaqotho endleleni embi uzakuwela emgodini wakhe. Abangelacala bazakudla ilifa elihle.

UmTshumayeli 10:2

Inhliziyo yohlakaniphileyo imdonsela kokulungileyo, kodwa inhliziyo yesithutha isidonsela kokubi.

U-Isaya 26:9

Umphefumulo wami uyakulangatha ebusuku, lomoya wami uyakudingisisa. Ngoba lapho izahlulelo zakho zikhona emhlabeni, abahlala emhlabeni bafunda ukulunga.

U-Isaya 33:6

ibe yinsika ezikhathini zalo; ukuhlakanipha lokwazi kuqinisa ukusilisa kwayo; ukwesaba iNkosi kuligugu lalo.

UMatewu 19:28

UJesu wathi kubo: Ngiqinisile ngithi kini: Lina elingilandeleyo, elizweni elizayo lapho iNdodana yomuntu isihlezi esihlalweni sobukhosi bayo, lani lizakuhlala ezihlalweni zobukhosi ezilitshumi lambili lithonisise izizwe ezilitshumi lambili zakoIsrayeli.

UJohane 5:4

Ngoba isithunywa seNkosi sasisehlela echibini ngezikhathi ezithile, sizamazamise amanzi, kuthi lowo ongene kuqala emva kokuzanyazanyiswa kwamanzi asiliswe esifweni sakhe, loba elesifo sini.]