UMatewu 6:25 - iBhayibhili Elingcwele 1978

²⁵ Ngakhoke ngithi kini: Lingaphisekeli ukusila kwenu ukuba lizakudlani lokuba lizakunathani, lomzimba wenu ukuba lizakwambathani. Ukusila kakudluli yini ukudla, lomzimba kawudluli izambatho na?

IBhayibhili Elingcwele LesiNdebele

²⁵ “Ngakho ngiyalitshela ukuthi lingakhathazeki ngokuphila kwenu, ukuthi lizakudlani loba lizanathani; kumbe ngemizimba yenu, ukuthi lizagqokani. Impilo kayiqakathekanga ukwedlula ukudla na, lomzimba ukwedlula izigqoko na?

UMatewu 6:25 Referans Kwoze

AbaseFiliphi 4:6

Lingakhathazeki ngalutho, kodwa kukho konke izicelo zenu kazaziwe nguNkulunkulu ngokukhuleka langokunxusa kanye langokubonga.

1 UPhethro 5:7

Lethulele phezu kwakhe izinkathazo zenu zonke, ngoba uyalikhathalela.

AbaseRoma 8:32

Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na?

AmaHubo 55:22

Wethulele phezu kweNkosi umthwalo wakho, yona izakukusekela; kayiyikuvuma lanini ukuba olungileyo anyikinywe.

UMatewu 6:31

Ngakhoke lingaphisekeli lutho lisithi: Sizakudlani? ingabe: Sizakunathani? loba: Sizakwambathani na?

UMakho 4:19

kodwa ukuphisekela izinto zalumhlaba, lokukhohliswa yinotho, lenkanuko yezinye izinto kungene kuminyanise ilizwi, ukuze lingatheli.

UMatewu 10:19

Nxa belinikela, lingakhathaleli ukuthi lizakukhuluma kanjani lokuthi lizakuthini, ngoba lizakunikwa ngalesosikhathi lokho elizakukukhuluma.

1 AbaseKhorinte 7:32

Ngithanda ukuba lingabi lakukhathazeka. Ongathathanga ukhathalela izinto zeNkosi ukuthi uzakuyithokozisa kanjani.

UMatewu 6:34

Ngakho lingaphisekeli ikusasa, ngoba ikusasa izakuziphisekela yona. Inkathazo yosuku yanele lona.

2 uTimothi 2:4

Kakho owebutho osempini olibala ngezinto zabangabuthwanga, ukuba amkholise lowo ombuthileyo.

ULukha 8:14

Okuwele phakathi kwameva yilabo abathi sebezwile, bahambe, baminyaniswe yikuphisekela inotho lenkanuko yokusila, bangatheli izithelo ezivuthiweyo.

UMatewu 13:22

Ohlanyelwe emeveni nguye olizwayo ilizwi, kodwa ukuphisekela komhlaba lokukhohlisa kwenotho kuyaminyanisa ilizwi, lingatheli isithelo.

ULukha 12:11

Nxa belisa emasinagogeni, laphambi kwababusi leziphathamandla, lingaphisekeli ukuthi lizakuziphendulela kanjani, lokuthi lizakukhulumani,

UMakho 13:11

Nxa belidonsela ekuthoniseni, belinikela, lingakhathaleli ngaphambili elizakukukhuluma, kodwa lokhu elizakukunikwa ngalesosikhathi, kukhulumeni; ngoba kakusini elikhulumayo kodwa uMoya oNgcwele.

UJeremiya 45:5

Wena uzifunela izinto ezinkulu na? Ungazidingi; ngoba ngiletha okubi phezu kwabo bonke abantu, kutsho iNkosi, kodwa wena uzasila, uphunyuke lokuphila kwakho kuzo zonke indawo lapho uya khona.