UMatewu 6:24 - iBhayibhili Elingcwele 1978

²⁴ Kakho ongakhonza amakhosi amabili. Ngoba uzakuzonda enye athande enye, ingabe uzakubambelela kwenye adelele enye. Lingekhonze uNkulunkulu lenotho.

IBhayibhili Elingcwele LesiNdebele

²⁴ Kakulanceku engakhonza amakhosi amabili. Funa izonde enye kodwa ithande enye, kumbe izinikele kwenye yeyise enye. Lingezake likhonze uNkulunkulu lemali.”

UMatewu 6:24 Referans Kwoze

ULukha 16:13

Kayikho inceku engakhonza amakhosi amabili; ngoba izakuzonda enye, ithande enye, ingabe ibambelele kwenye, idelele enye. Lingekhonze uNkulunkulu lenotho.

UJakhobe 4:4

Zifebendini, kalazi yini ukuthi ukuthandana lomhlaba kuyibutha kuNkulunkulu na? Ngakhoke lowo othanda ukuba ngumhlobo womhlaba, uzenza abe yisitha sikaNkulunkulu.

AbaseGalathiya 1:10

Kambe ngiyazincengela ebantwini loba kuNkulunkulu khathesi na? Ngizama ukuthokozisa abantu na? Uba ngisathokozisa abantu, ngingebe yiyo inceku kaKristu.

UJoshuwa 24:15

Uba lingafuni ukuyikhonza iNkosi, khethani lamhla lowo elizamkhonza, onkulunkulu abakhonzwa ngokhokho benu elizweni elingaphetsheya komfula iYufrathi, loba onkulunkulu bamaAmori elihlala elizweni lawo. Mina lendlu yami sizayikhonza iNkosi.

UMatewu 4:10

UJesu wasesithi kuye: Suka, Sathane! ngoba kulotshiwe ukuthi: Wokhuleka eNkosini uNkulunkulu wakho, umkhonze yena yedwa.

ULukha 16:11

Ngakhoke uba lingathembekanga enothweni engalunganga, ngubani ozakuliphathisa inotho eqotho na?

1 AmaKhosi 18:21

UElija wasondela ebantwini bonke wathi: Koze kube nini lithikaza na? Uba iNkosi inguNkulunkulu, landelani yona; kodwa uba kunguBali, mlandeleni. Abantu kabamphendulanga langelilodwa ilizwi.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.

1 USamuyeli 7:3

USamuweli wakhuluma kuyo yonke indlu kaIsrayeli wathi: Uba ukubuyela kwenu eNkosini kungokwenhliziyo yenu yonke, khuphani onkulunkulu bezizweni lezithombe zikankulunkulukazi uAshitorethi phakathi kwenu, liqondise inhliziyo zenu eNkosini, likhonze yona yodwa, izakulophula kumaFilistiya.

2 AmaKhosi 17:41

Zakhonza iNkosi uNkulunkulu lezizizwe, zakhonza lezithombe zazo ezibaziweyo; abantwana bazo benza njalo labantwana babantwana babo benza njengokhokho babo kuze kube lamuhla.

ULukha 16:9

Lami ngithi kini: Zenzeleni lina abangane ngenotho engalunganga ukuze kuthi, nxa isiphelile, balamukele ezindlini ezingapheliyo.

UHezekhiyeli 20:39

Linake, Israyeli, kutsho iNkosi uNkulunkulu, hambani lonke liyekhonza izithombe zenu! Kodwa ngithi lizangilalela ekucineni; lizayekela ukungcolisa ibizo lami elingcwele ngeminikelo yenu langezithombe zenu.

2 uTimothi 4:10

ngoba uDema, ngokuthanda lumhlaba, ungihlamukile, waya eTesalonika, uKresena uye eGalathiya, uTitosi eDalmathiya;

UZefaniya 1:5

ngiqede labakhuleka kulo ilanga lenyanga lezinkanyezi phezu kwezindlu, labakhuleka kimi bangifunge, bafunge futhi loMilkomu,

UGenesisi 47:17

Basebeletha imfuyo yabo kuJosefa; uJosefa wabathengisela ukudla ngamabhiza langezimvu langezinkomo langabobabhemi. Ngomnyaka lowo wonke wabathengisela ukudla ngemfuyo yabo.