UMatewu 6:22 - iBhayibhili Elingcwele 1978

²² Ilihlo liyisibane somzimba. Uba ilihlo lakho liphilile, umzimba wakho wonke uzakuba lokukhanya.

IBhayibhili Elingcwele LesiNdebele

²² Ilihlo liyisibane somzimba. Nxa amehlo akho elungile umzimba wakho wonke uzagcwala ukukhanya.

UMatewu 6:22 Referans Kwoze

2 AbaseKhorinte 11:3

Kodwa ngilovalo lokuthi njengalokhu inyoka yamkhohlisa uEva ngobuqili bayo, ngokunjalo imicabango yenu mhlawumbe ingaduhiswa, iyekele ukuthembeka okuqotho kuKristu.

AbaseKholose 3:22

Zigqili, lalelani ezintweni zonke labo abangamakhosi enu emhlabeni, kungesikho ngokubamba amehlo njengabathokozisa abantu, kodwa ngobuqotho benhliziyo, liyesabe iNkosi.

Abase-Efesu 6:5

Zigqili, lalelani abangamakhosi enu emhlabeni ngokwesaba langokuthuthumela ngobuqotho benhliziyo, kungathi lilalela uKristu,

Imisebenzi 2:46

Insuku ngensuku bakhuthalela nganhliziyonye ukuhlangana ethempelini, behlephula isinkwa emakhaya abo, badla ukudla kwabo ngentokozo langenhliziyo emhlophe,

U-Isaya 5:20

Maye kulabo abathi okubi kuhle, lokuhle kubi, ababeka umnyama esikhundleni sokukhanya, lokukhanya esikhundleni somnyama, abathi okubabayo kumnandi, lokumnandi kuyababa!

UMatewu 5:15

Labantu kabalumathisi isibane basibeke ngaphansi kwesitsha, kodwa basibeka esiqobaneni, ukuze sibakhanyisele bonke abasendlini.