UMatewu 6:20 - iBhayibhili Elingcwele 1978

²⁰ Kodwa zibekeleni inotho ezulwini lapho kungoni inondo lokuthomba khona, lalapho amasela angafohleli khona ebe.

IBhayibhili Elingcwele LesiNdebele

²⁰ Kodwa zibutheleleni inotho ezulwini lapho kungabhujiswa khona linondo lokuthomba njalo lapho okungagqekezi khona amasela.

UMatewu 6:20 Referans Kwoze

ULukha 12:33

Thengisani impahla zenu, liphe iziphiwo; lizenzele imixhaka engagugiyo lenotho engapheliyo ezulwini, lapho kungasondeli isela khona, lalapho inondo ingoni khona.

UMatewu 19:21

UJesu wathi kuyo: Uba uthanda ukuphelela, hamba uthengise impahla yakho, ubaphe abayanga, ng’khona uzakuba lenotho ezulwini; uze ungilandele.

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

1 uTimothi 6:19

bazibekele isisekelo esihle esikhathini esizayo, ukuze babambe ukuphila koqobo.

ULukha 18:22

UJesu ekuzwa lokhu wathi kuye: Usaswele ulutho lunye; thengisa konke olakho, wabele abayanga, kung’khona uzakuba lenotho ezulwini; uze ungilandele.

Isambulo 2:9

Ngiyakwazi ukuhlupheka kwakho lobuyanga bakho — kanti wena unothile — lenhlamba yalabo abathi bangabaJuda, bona bengesibo, kodwa beyisinagoge likaSathane.

AmaHebheru 11:26

Wathi ukuthukwa ngenxa yoGcotshiweyo kuyinotho enkulu kulamagugu aseGibithe, ngoba wayekhangele umvuzo.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.

1 UPhethro 1:4

lokuba sibe lelifa elingapheliyo, elingangcolanga, elingabuniyo. Lilondolozelwe lona ezulwini,

1 UPhethro 5:4

Kuzakuthi, lapho esabonakaliswa uMalusi omkhulu, lamukeliswe umqhele wobukhosi ongabuniyo.

U-Isaya 33:6

ibe yinsika ezikhathini zalo; ukuhlakanipha lokwazi kuqinisa ukusilisa kwayo; ukwesaba iNkosi kuligugu lalo.

AmaHebheru 10:34

Ngoba lazwelana lababotshiweyo, lavuma ngokuthokoza ukwamukwa impahla yenu, lokhu lisazi ukuthi lina lilempahla enhle kulaleyo, impahla engapheliyo.

UMatewu 6:19

Lingazibekeli inotho emhlabeni lapho kona khona inondo lokuthomba, lalapho amasela efohlela khona ebe.

UMakho 10:21

UJesu emkhangela, wamthanda, wathi kuye: Usaswele ulutho lunye; hamba uthengise konke olakho, uphe abayanga, uzakuba lenotho ezulwini; uze ungilandele.