UMatewu 6:19 - iBhayibhili Elingcwele 1978

¹⁹ Lingazibekeli inotho emhlabeni lapho kona khona inondo lokuthomba, lalapho amasela efohlela khona ebe.

IBhayibhili Elingcwele LesiNdebele

¹⁹ “Lingazibutheleli inotho emhlabeni lapho okubhubhisa khona inondo lokuthomba njalo lapho okugqekeza khona amasela.

UMatewu 6:19 Referans Kwoze

AmaHebheru 13:5

Lingaphileli imali; laneliswe yilokho elilakho; ngoba yena utshilo ukuthi: Kangisoze ngakulahla, kangisoze ngakutshiya.

ULukha 12:21

Kunjaloke kozibekela inotho yena enganothanga kuNkulunkulu.

Izaga 16:16

Ukuzuza ukuhlakanipha kungcono kulegolide, lokuzuza ukuqedisisa kungcono kulesiliva.

Izaga 11:4

Inotho kayisizi ngosuku lolaka, kodwa ukulunga kukhulula ekufeni.

ULukha 18:22

UJesu ekuzwa lokhu wathi kuye: Usaswele ulutho lunye; thengisa konke olakho, wabele abayanga, kung’khona uzakuba lenotho ezulwini; uze ungilandele.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.

ULukha 12:33

Thengisani impahla zenu, liphe iziphiwo; lizenzele imixhaka engagugiyo lenotho engapheliyo ezulwini, lapho kungasondeli isela khona, lalapho inondo ingoni khona.

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.

ULukha 18:24

UJesu embona wathi: Kulukhuni kangakanani kulabo abanothileyo ukungena embusweni kaNkulunkulu.

AmaHubo 62:10

Lingakuthembi ukuqilibezela, lingamisi ithemba ekuphangeni; uba inotho isanda, lingabeki inhliziyo zenu kuyo.

AmaHubo 39:6

Umuntu uhamba njengesithunzi nje; uyahlupheka ngeze; ubutha imfuyo, kodwa kazi ukuthi ngubani ozakuyidla.

UMatewu 19:21

UJesu wathi kuyo: Uba uthanda ukuphelela, hamba uthengise impahla yakho, ubaphe abayanga, ng’khona uzakuba lenotho ezulwini; uze ungilandele.

UJobe 31:24

Uba ngenzile igolide laba lithemba lami, ngathi igolide elihle lilithemba lami,

UmTshumayeli 2:26

Ngoba uNkulunkulu uyamnika umuntu omthokozisayo ukuhlakanipha lolwazi lokuthokoza; kodwa isoni uyasinika umsebenzi wokubutha lokubuthelela ukuze sinike yena othokozisa uNkulunkulu. Lalokho lakho kulize lamaya.

U-Eksodasi 22:2

Uba isela lificwa lifohlela endlini, litshaywe lize life, umninindlu kayikuba lecala legazi.

UJobe 24:16

Abanye bafohlela endlini sekumnyama, bazivalele emini, kabakuthandi ukukhanya.

UMatewu 6:20

Kodwa zibekeleni inotho ezulwini lapho kungoni inondo lokuthomba khona, lalapho amasela angafohleli khona ebe.

ULukha 12:39

Kodwa yazini lokhu kokuthi, uba umninindlu ubesazile isikhathi isela elizakufika ngaso, ubengayikuvuma ukuba indlu yakhe ifohlelwe.