UMatewu 5:14 - iBhayibhili Elingcwele 1978

¹⁴ Lina liyikukhanya emhlabeni. Umuzi owakhiwe phezu kwentaba ungesitheke.

IBhayibhili Elingcwele LesiNdebele

¹⁴ Lina liyikukhanya kwezwe. Idolobho elakhelwe entabeni kalisitheki.

UMatewu 5:14 Referans Kwoze

AbaseFiliphi 2:15

ukuze lingasoleki, libe msulwa, abantwana bakaNkulunkulu abangelasici phakathi kwesizukulwana esingaqondanga lesiphambeneyo, elikhanya phakathi kwaso njengezinkanyezi emhlabeni;

UJohane 8:12

UJesu wakhuluma labo futhi wathi: Mina ngiyikukhanya komhlaba; ongilandelayo kasoze ahamba emnyameni, kodwa uzakuba lokukhanya kokuphila.

1 AbaseThesalonika 5:5

Lina lonke lingabantwana bokukhanya, abantwana bemini. Kasisibo abobusuku loba abomnyama.

Izaga 4:18

Indlela yabalungileyo injengovivi lokusa oluqhubeka ngokukhanya njalo kuze kube semini;

UJohane 12:36

Liselokukhanya kholwani ukukhanya, ukuze libe ngabantwana bokukhanya. UJesu watsho lokhu, wasuka, wabacatshela.

2 AbaseKhorinte 6:14

Lingazihlanganisi labangakholwayo, ngoba kulokuhlanganyela ngaphi ukulunga lokungalungi na? Kulokuhlanganyela ngaphi ukukhanya lomnyana na?

UJohane 5:35

Yena wayeyisibane esivuthayo lesikhanyayo; lani lathokoza okwesikhatshana ekukhanyeni kwakhe.

Isambulo 1:20

Nansi imfihlakalo yezinkanyezi eziyisikhombisa ozibonileyo esandleni sami sokunene, leyezibane zegolide eziyisikhombisa; inkanyezi eziyisikhombisa ziyizithunywa zamabandla ayisikhombisa, izibane eziyisikhombisa zingamabandla ayisikhombisa.

UJohane 9:5

Ngisekhona emhlabeni ngiyikukhanya komhlaba.

Isambulo 2:5

Ngakhoke khumbula lapho uwe khona, uphenduke, wenze imisebenzi owayenza kuqala. Uba kungenjalo, ngizakuza kuwe, ngilususe uluthi lwesibane sakho endaweni yalo, uba ungaphenduki.

UHezekhiyeli 5:5

INkosi uNkulunkulu ithi: Lumuzi weJerusalema ngiwumisile phakathi kwezizwe, amanye amazwe awuphahlile.