UMatewu 5:12 - iBhayibhili Elingcwele 1978

¹² Thokozani, lithabe kakhulu, ngoba umvuzo wenu mkhulu ezulwini; ngoba ngokunjalo babazingela abaprofethi abalandulelayo.

IBhayibhili Elingcwele LesiNdebele

¹² Thokozani lijabule ngoba mkhulu umvuzo wenu ezulwini, njengoba bahlukunyezwa ngaleyondlela abaphrofethi ababephambi kwenu.”

UMatewu 5:12 Referans Kwoze

ULukha 6:23

Thokozani ngalolosuku, leqe ngokuthokoza; ngoba khangelani, umvuzo wenu mkhulu ezulwini; ngoba okhokho babo babesenza njalo kubaprofethi.

UJakhobe 1:2

Bazalwane bami, nxa lisehlelwa yizilingo ngezilingo, kalibokuthi kuyikuthokoza kodwa,

AbaseKholose 3:24

lazi ukuthi lizakwamukela umvuzo welifa eNkosini. UKristu yiyo iNkosi eliyikhonzayo.

1 UPhethro 4:13

kodwa thokozani ekuhlanganyeleni kwenu izinhlupheko zikaKristu, ukuze kuthi lasekwambulweni kwenkazimulo yakhe lithokoze.

AbaseKholose 1:24

Khathesi ngiyathokoza ekulihluphekeleni kwami. Lokho okusileleyo enhluphekweni zikaKristu ngiyakugcwalisa emzimbeni wami ngenxa yomzimba wakhe olibandla.

AbaseRoma 5:3

Kakusikho lokhu kuphela; futhi asithokoze langenhlupheko zethu sazi ukuthi ukuhlupheka kuveza ukuphikelela,

URuthe 2:12

INkosi ikunike umvuzo ngalokho okwenzileyo, iNkosi uNkulunkulu kaIsrayeli osuphephele ngaphansi kwamaphiko ayo, ikuphe umvuzo opheleyo.

AmaHubo 58:11

Abantu bazakuthi: Impela ukhona umvuzo wolungileyo, impela ukhona uNkulunkulu owahlulela umhlaba.

U-Isaya 3:10

Tshelani abalungileyo ukuthi kuzakuba kuhle kubo, ngoba bazakudla umvuzo wezenzo zabo.

Izaga 11:18

Omubi uzuza umvuzo oyinkohliso, kodwa ohlanyela ukulunga uzazuza umvuzo weqiniso.

2 ImiLando 36:16

Kodwa babelokhu bezihleka ulunya izithunywa zikaNkulunkulu, bedelela amazwi akhe, beklolodela abaprofethi bakhe, lwaze lwavutha ulaka lweNkosi ebantwini bayo baze baswela usizo.

UMatewu 16:27

Ngoba iNdodana yomuntu izakuza ngenkazimulo kaYise kanye lezithunywa; kung’khona izakuvuza ilowo lalowo njengokwenza kwakhe.

AmaHebheru 11:6

ngaphandle kokukholwa kakwenzeki ukumthokozisa; ngoba ozayo kuNkulunkulu umele ukukholwa ukuthi ukhona lokuthi uyabanika umvuzo labo abamdingayo.

1 AbaseThesalonika 2:15

ababulala leNkosi uJesu labaprofethi, basixotsha lathi. Kabamthokozisi uNkulunkulu, bamelana labantu bonke,

AbaseFiliphi 2:17

Yebo, loba nginikelwa emhlatshelweni ongumnikelo wokukholwa kwenu, ngiyathokoza kanye lani lonke.

1 AmaKhosi 18:13

Kawutshelwanga yini lokho engakwenzayo lapho uJezebeli ebulala abaprofethi beNkosi uNkulunkulu, ukuthi ngafihla abaprofethi bayo abalikhulu ngamatshumi amahlanu obhalwini, ngabanika ukudla lamanzi na?

2 AbaseKhorinte 4:17

Inhlupheko yethu elula engeyomzuzwana iyasivezela ubukhosi obungapheliyo, obungelakulinganiswa;

Imisebenzi 5:41

Ngakho basuka phambi komphakathi bethokoza, ngoba babefanele ukudunyazwa ngenxa yalelobizo.

UMatewu 6:16

Futhi nxa lizila ukudla linganyukumali njengabazenzisi; ngoba bona bacomba ubuso babo ukuba babonakale ebantwini ukuthi bazilile. Ngiqinisile ngithi kini: Sebewamukele umvuzo wabo.

1 AbaseKhorinte 3:8

Ohlanyelayo lothelelayo bayalingana, kodwa ilowo lalowo uzakwamukeliswa umvuzo wakhe ngokusebenza kwakhe.

ULukha 6:35

Kodwa thandani izitha zenu, lenze okuhle, leboleke, lingalindeli mvuzo; lomvuzo wenu uzakuba mkhulu, libe ngabantwana boPhezukonke, ngoba yena ulobubele kwabangabongiyo lababi.

UGenesisi 15:1

Emva kwalokhu ilizwi leNkosi lafika kuAbrama ngombono, lathi: Ungesabi wena Abrama, ngiyisihlangu sakho; umvuzo wakho uzakuba mkhulu kakhulu.

UNehemiya 9:26

Kodwake kabalalelanga, bakuvukela wena, bafulathela umlayo wakho, babulala abaprofethi bakho ababebaxwayisa ukuze babuyele kuwe, bakuhlambaza kakhulu.

Imisebenzi 16:25

Kodwa phakathi kobusuku uPawuli loSilasi babekhuleka bedumisa uNkulunkulu ngamahubo, lezibotshwa zazibalalele.

ULukha 13:34

Hawu Jerusalema, Jerusalema, wena obulala abaprofethi, obakhanda ngamatshe labo abathunywe kuwe! Bengithanda kangakanani ukubuthela ndawonye abantwana bakho njengesikhukhukazi sibuthela amatsiyane aso ngaphansi kwamaphiko aso; kodwa kalivumanga.

UJeremiya 2:30

Kwaba yize ukubatshaya kwami abantwana benu, kabakwamukelanga ukulaywa. Umkhonto wenu ubadlile abaprofethi bakho njengesilwane esichithayo.

AmaHubo 19:11

Lenceku yakho iyelulekwa ngazo; ozigcinayo uzakuzuza umvuzo omkhulu.

2 ImiLando 16:10

UAsa wamthukuthelela umboni, wamfaka entolongweni, ngoba wamthukuthelela kakhulu ngalokhu. UAsa wenza isihluku ebantwini abathile ngasona lesosikhathi.

1 AmaKhosi 18:4

kwathi lapho uJezebeli ebulala abaprofethi beNkosi, uObadiya wathatha abaprofethi abalikhulu, wabafihla ngamatshumi amahlanu obhalwini, wabanika ukudla lamanzi —

UJeremiya 26:8

lapho eseqedile ukukhuluma konke iNkosi eyayimlayile ukukukhuluma ebantwini, abapristi labaprofethi labo bonke abantu bamdumela bathi: Sizakukubulala!

1 AmaKhosi 22:8

Inkosi yakoIsrayeli yathi kuye: Kusekhona omunye umuntu esingabuza ngaye eNkosini uNkulunkulu, nguMikaya indodana kaImla, kodwa kangimthandi ngoba kazake akhulume okuhle ngami, uhlala ekhuluma okubi. UJehoshafati wathi: Nkosi, ungatsho njalo.

1 AmaKhosi 21:20

UAhabi wathi kuElija: Ungificile, wena sitha sami na? Yena wathi: Ngikuficile, ngoba uzinikele ukwenza okubi phambi kweNkosi.

AmaHebheru 11:26

Wathi ukuthukwa ngenxa yoGcotshiweyo kuyinotho enkulu kulamagugu aseGibithe, ngoba wayekhangele umvuzo.

2 AmaKhosi 1:9

Inkosi uAhaziya yasithumela kuElija induna ilabantu bayo abangamatshumi amahlanu. Yafika kuElija yamfica ehlezi phezu kwentaba, yathi kuye: Wena muntu kaNkulunkulu, inkosi iyakulaya ukuba wehle.

1 AmaKhosi 19:2

UJezebeli wathuma isithunywa kuElija esithi: Onkulunkulu bangihlanekele ngokwengezelelweyo uba ngingakubulali kuze kube kusasa, njengoba ubulele abaprofethi.

UJeremiya 37:14

UJeremiya wathi: Kungamanga; kangibalekeli kumaKaladiya. Kodwa uIrija kazamlalela; wambamba uJeremiya, wamletha ezikhulwini.

AbaseFiliphi 1:29

Ngoba ngenxa kaKristu lina labelwa, kangitsho ukukholwa kuphela, kodwa lokuhlupheka ngenxa yakhe,

AmaHebheru 10:34

Ngoba lazwelana lababotshiweyo, lavuma ngokuthokoza ukwamukwa impahla yenu, lokhu lisazi ukuthi lina lilempahla enhle kulaleyo, impahla engapheliyo.

AmaHebheru 11:33

abathi ngokukholwa banqoba imibuso, basebenza ukulunga, bazuza izithembiso, bavimba imilomo yezilwane,

UJakhobe 5:10

Abaprofethi abakhuluma ebizweni leNkosi kababe yisibonelo sokuhlupheka lokubekezelela.