UMatewu 3:12 - iBhayibhili Elingcwele 1978

¹² Ositsha sakhe sokwela sisesandleni sakhe; uzakuthanyela isibuya sakhe, abuthele amabele akhe esiphaleni sakhe; kodwa amakhoba uzakuwatshisa ngomlilo ongacimekiyo.

IBhayibhili Elingcwele LesiNdebele

¹² Isitsha sakhe sokwela sisesandleni sakhe njalo uzathanyela isiza sakhe, abuthele amabele akhe wonke esiphaleni, kuthi amakhoba awatshise ngomlilo ongacitshekiyo.”

UMatewu 3:12 Referans Kwoze

UMalaki 4:1

Ngoba luyeza usuku oluvutha njengeziko lapho bonke abaziphakamisayo labenza okubi bazakuba njengezibi ezitshayo; lolosuku oluzayo luzabatshisa, kutsho iNkosi yamabandla, lungabatshiyeli impande logatsha.

UMatewu 13:30

Yekelani kukhule kokubili ndawonye, kuze kuvunwe; ngesikhathi sokuvuna ngizakuthi kwabavunayo: Buthani kuqala umfaba liwubophe izinyanda ukuba utshiswe; kodwa amabele liwabuthele esihudlwini sami.

ULukha 3:17

Ositsha sakhe sokwela sisesandleni sakhe; uzakuthanyela isibuya sakhe abuthele amabele esiphaleni sakhe; kodwa amakhoba uzakuwatshisa ngomlilo ongacimiyo.

UJeremiya 51:2

ngithumele eBabiloni abelayo, bazakulela, bathulule ilizwe lalo, lapho betheleka phezu kwalo bevela inxa zonke ngosuku lokuhlupheka.

U-Isaya 41:16

uzakuwaphosa phezulu, lomoya uzawaphephula, lesivunguzane siwachithachithe; uthokoze ngeNkosi, uzibonge ngoNgcwele kaIsrayeli.

UMatewu 13:41

INdodana yomuntu izakuthuma izithunywa zayo, zibuthe, zikhuphe embusweni wayo konke okukhubekisayo lalabo abenza okubi,

AmaHubo 1:4

Ababi kabanjalo, kodwa banjengomule ophetshulwa ngumoya.

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

UJohane 15:2

Lolo lalologatsha olukimi, olungatheliyo izithelo, uyalususa. Lolo lalologatsha oluthela izithelo uyaluthena ukuze luthele kakhulu.

UJeremiya 15:7

Ngibelile ngesitsha sokwela emizini yelizwe; ngabamuka abantwana, ngababhubhisa abantu bami; ngoba kabaphendukanga endleleni zabo.

UJeremiya 17:27

Kodwa uba lingangilaleli, lingenzi iSabatha libe ngcwele, lingena ngamasango eJerusalema ngosuku lweSabatha, lithwele imithwalo, ngizaphemba umlilo emasangweni alo, ozakutshisa uqothule izindlu zamakhosi zaseJerusalema, ungacimeki.

U-Isaya 30:24

lenkabi zenu labobabhemi benu elilima ngabo bazakudla ukudla okuhle kakhulu, okweliweyo ngefotsholo langefolokwe.

U-Isaya 17:13

Izizwe ziduma njengamanzi amanengi, kodwa uNkulunkulu uzakuzikhuza zibaleke, zizaphephuka njengamakhoba aphetshulwa ngumoya ezintabeni, lanjengothuli olubangwa yisiphepha.

U-Isaya 5:24

Ngakhoke njengalokhu umlilo utshisa amabibi, lelangabi litshisa utshani obomileyo, ngokunjalo impande yabo izakubola, lempoko yabo iphephuke njengothuli; ngoba bawalile umlayo weNkosi yamabandla, balidelela ilizwi loNgcwele kaIsrayeli.

U-Isaya 1:31

Abalamandla bazakuba njengezibi, lemisebenzi yabo ibe njengenhlansi; kuzakutsha konke kanyekanye kungabi khona okucimayo.

AmaHubo 35:5

Kababe njengomule ophetshulwa ngumoya, isithunywa seNkosi sibadudule.

UJobe 21:18

Kukangaki lowomuntu enjengezibi phambi komoya, enjengomule ophetshulwa ngumoya na?

UMatewu 13:43

Kung’khonake abalungileyo bazakukhanya njengelanga embusweni kaYise wabo. Olendlebe akezwe.

uAmosi 9:9

Ngoba ngizakulaya ukuba uIsrayeli ahlungulwe phakathi kwazo zonke izizwe njengokuhlungulwa kwamabele ngokhomane, kodwa kakuyikuwela phansi lolulodwa uhlamvu.

UHosiya 13:3

Ngalokhoke bazakuba njengenkungu yasekuseni, babe njengamazolo aphela ekuseni, njengomule ophephuka esizeni, njengentuthu ethunqa ngetshimini.

UJeremiya 4:11

Ngalesosikhathi kuzakuthiwa kulabobantu lakulo iJerusalema: Umoya otshisayo ovela enkangala emadundulwini angelalutho, uyavunguza phezu kwabantu bami, ungesiwo wokwela lokuhlungula,

U-Isaya 66:24

Bazakuphuma, babone izidumbu zabantu abangivukelayo; impethu edla izidumbu kayiyikufa, lomlilo ozitshisayo kawuyikucima; bazakuba yisinengiso kubo bonke abantu.

U-Isaya 27:4

Ukuthukuthela kakusekho kimi. Kungathi kungaba khona ameva lokhula! bengizakukusukela ngilwe lakho, ngikutshise.

UMatewu 13:42

zibaphosele eziko lomlilo; lapho kuzakuba khona ukukhala lokugedla amazinyo.

ULukha 3:16

uJohane waphendula, wathi kibo bonke: Mina ngilibhaphathiza ngamanzi, kodwa uyeza olamandla kulami engingafanele ukuthukulula umchilo wamanyathelo akhe; yena uzakulibhaphathiza ngoMoya oNgcwele langomlilo.

U-Isaya 28:28

Amabele esinkwa ayachotshozwa na? Atshi, kawabhulwa kokuphela, kodwa lapho inqola isidlule phezu kwawo, ayachaywa endaweni yokuba achotshozwe.